ضرب زوج لزوجته

أختي العزيزه........ الي عمليته معه بهذا الموقف هو الصح أنك تتجاهلينه شوي لغايه مايعرف غلطته ويرجع يعتذرلك عن الشي هذااا وفي الوقت نفسه أختي لازم تقومين بكامل واجباتك معه من ترتيب حاجته وتجهيز أكله وترتيب بيتك ونظافته وكل أمورك اليوميه لكن الكلام معه يكون في حدود السؤال فقط لغايه ماينتبه أن في خاطرك عليه شي وعندما يفتح الموضوع للكلام لازم يكون لك موقف قوي وتبينين له أن الشي هذا مايتكرر مره ثانيه أبد ....... وكوني جاده في كلامك معه عشان يعرف أن أرتكب غلطه بحقك وهو الضرب ومهما صار أو حصل بين الزوجين مايوصل الأمر للضرب لانه بيكون شرخ بقلب الزوجه وخصوصا إذا ماكانت غلطانه عليه وقايمه بكل واجباتها نحوه .....
وقلوبنا معك أختي الغاليه والله يصلح فيما بينكم ويجعل حياتك كلهاا سعاده ويبعد عنكم شر عيون الناس .....

معقوله يمد أيده عشان ما رحتي عنده أهله ,,,,

المهم نصيحتي لج إذا هو أول مره يمد إيده علج مثل ما فهمت ما يحقلج أتهدين بيتج وتزعلين منه .... يمكن الريال كان في شي معين بس الريال بطبعه ما يحب يقول فطلع حرته فيج .... المهم إلي أبغي أوصلج .... أنج ما اتهدين بيتج .. واتحاولين تتفاهمين معاه بخصوص الموضوع إنه ما يمد إيده عليج في مثل هاذي المسائل .. وإنه يكلمج في أي شئ ما يعجبه وإنتي بعد نفس الشئ ...أهم شئ لا أتخربين بيتج لأي سبب كان ,,,,

والله يهدي وتتفاهمون وايسر أموركم إنشاءالله ,,,,

اعتقد ان اذا وصل الامر الى الضرب انصحج تروحين بيت اهلج ولا تقعدين معاه وتثاقلين لان هذا الشي ما بيفيد معاه يعني حتى لو هذي المره تراضيتوا بيرجع بيعيدها وروحش لبيتكم بتخليه يحس ان عندج احد تستندين عليه ولا يعيدها مره ثانيه بس طبعا اذا كنت تحسين ان اهلج من النوع المتفهم اللي ما بيصعبونها وبيعقدون المساله ثم ان الامر اللي ضربش عشانه ما يستحق لان انتي غير مسؤله شرعا عن اهله وان ذهبت وسالتي عنهم فهذا تكرم منج ما يصح ان يجبرش على الذهاب يوميا اعتقد ان انتي اللي عودتيه على هذا الشي

[CENTER]الضرب اسلوب خاطئ لمعالجة اي خلاف زوجي حتى لو كان كبير فمابالك بسبب انا في نظري انه مو بذيك الأهمية

طبعا لازم تزورين اهله خاصة انك معاه بنفس البيت بس لازم تفهمينه انك مشغولة وعندم مسؤليات كثيرة وبنتك وبيتك ووراك دوام

اختي تفاهمي معاه زين لأن الرجال يمكن لو شاف زوجته طنشت المرة الأولى يقول هذي عادي ويمكن ماتمشي الا بهالاسلوب

بما انها اول مرة نصيحتي انك تجلسين معاه وتتفاهمين معاه وتشرحي له ظروف عملك ومشاغلك وبصراحة ماراح تطير الدنيا لو ما زرتيهم يوم يعني تزوريهم اللي بعده او تكلمين عمتك بالتلفون مؤقتا

اهم شي انك ما تتجاهلين المشكلة وتنتظريه يعتذر خاصة لو مر يوم كامل وهو مافكر يعتذر لك

التفاهم اولا وأخيرا

بس لو كررها وعلى سبب بسيط لازم تقولين لأهلك بشرط تختارين احد يقدر يتفاهم معاه بهدوء وحزم في نفس الوقت

بنات الناس مو لعبة

اجلسي معاه وبيني له انك زعلانة عليه ولا تقولين له انك بتسامحيه على طول لازم هو يبدي أسفه ويشرح اسبابه يمكن يكون متضايق من شي بعمله بس قولي له ان الضرب ماله مبرر

وطمنينا عليك

اختي العزيزة انا ضد الضرب بس بعد ضد اسلوب العناد الي استخدمتيه واستفزيته بيه بس ما انصحج حاليا تروحين عند الأهل لانه يمكن يعاند اكثر وما يردج ما دام انت عنيدة شكله بعاند لج اكثر لانه الريال ما يحب الحرمه الي تبي تفرض رايها عليه وتعلي صوتها اذا هو على صوته الأفضل اختي العزيزة انج تهدى اعصابج يوم هو معصب وتخليه يقول كل الي يريده بعدين تناقشيه بهداوه بدون ما تبينين انج تفرضين رايج عليه و الحين كوني مثل ما قالت الأخت سونيتا متجاهلتنه بس في نفس الوقت ادي كل واجباتج تجاهه علشان ما يتذرع بسبب ثاني للمشاكل وجاوبي قد السؤال وبدون ما تبتسمي معاه وركزي كل وقتج لبنتج في القعده يعني لما تكونوا قاعدين لا طالعيه طالعي بنتج وكلمي بنتج وكانه مب موجود الا في حالت سالج سؤال ردي ونبرة زعل طالعه مع صوتج علشان ايي يراضيج وايحس انه غلط في حقج ويوم اي يراضيج خبريه انج تحبيه وتحبي اهله ومب قصدج ما تروحين عندهم بس كنتي مشغوله وانتي دايما تحبين تروحين عندهم وانهم مثل اهلج وسمعيه كلام حلو عنهم علشان يحس بندم وابد ما يعيده
واتمنى لج التوفيق والله يصلح امبينكم

خواتي العزيزات ماقصرتوا معاي


بس انا فهمته اني انا مشغوله وعلى ضغوطات البيت وانا الحمدالله مامقصره معاه في اي شيء بيتي اشوفه وهو اهتم فيه وبنتي وكل شيء في البيت



بس هو قالي اهلي اهم من كل شيء عندي حتى شغلك يولي اهم شيء اهلي لازم اتشوفينهم واتشوفين طلباتهم يعني يباني اسوي لهم كاليوم العشا واسئلهم شو في خاطرهم وانا قلته له شكلك اتزوجتي عشان اهلك قالي انا اريد اكون بار لابوي وامي وهو كبار في السن

ويقولي من قالج تشتغلين محد جبرج على الشغل اهم شيء عندي البيت واهلي

ياااااااااااااااااناس والله ضريه يعورني ماقدرت انام امس من الم في جسمي وانا اكتب لكم واصيح وانا في الدوام احينه

اخاف اروح المستشفى ودكتورة تعرف انه من ضرب



انا خبرت اختي بس عشان اخفف عني وامي يوم كلمتها قالت فيج شيء بس انا ماخبرتها

واخوه عرف المووضوع لانه سمع اصواتنا ............
:confused::confused:








:confused:

[CENTER]والله عزيزتي ماله حق يضربج وحتى لو كانت هوووشة كبيرررررة ماله الحق وهذا مسالة تافهة ومد ايده؟؟

حبيبتي لازم توقفينه عند حده قوليله بشكل صااااااااااااااااااااااااااااااااارم اذا مديت ايدك علي مرة ثانية بروح بيت اهلي وبشتكيك في المحاكم اخذ حقي منك
اذا شئ موعاجبه فيج في شئ اسمه كلام اسلووووووووووب تفاااهم هو على طووول الضرب عاااد من اول مرة ماتروحين عند اهله؟؟؟؟؟؟؟؟؟

بصراحة انا احتقر الانسااان اللى يمد ايده على زووجته اعتبره جبااااااااان وواطئ وحقييرررر الرجولة مو بالعضلاااات الرجولة مواقف

حبيبتي انصحج انج ماتسكتين عنه ابد ابد ولا بيتعود على الضرب صدقيني ايده ماخذة على الضرب بيكون بصراحة مالج احترام عنده ولا مايتجرأ ويمد ايده على سبب مايسوووووى

السلام عليكم ورحمة الله وبركاته

لاحول ولاقوة الا بالله


الله يهديه

الحين لو ريل اخته مد يده وضرب اخته هو يرضى جان فعله براسه صح ولالا

والله يااختي في خاطري اعطيج الحل دامج تحبينه اصبري عليه وحسسيه بغلطه لازم تتفاهمين وياه لكن اذا كررها هذا كلام ثاني بس العناد لاتيين صوبه هو الي مضيعنا


الله يوفقج غاليتي
ويرحمنا برحمته

السلام عليكم ورحمة الله وبركاته

هلا فيكي أختي...كيفك و كيف البنّوتة ؟ إن شاء الله بخير...

شوفي...الضرب طبعا أسلوب مرفوض إنه الرجل يعامل به زوجته...

المشكلة إنك إنتي عوّدتي زوجك على شيء من أوّل ما إتزوجتوا...و الحين زادت عليكي المسؤوليات...و عايزة تتفرّغي لبيتك شويه...لكن زوجك مش قادر يفهم ذلك...و يريد نفس الشيء اللي إنتي عوّدتيه عليه...

أنا رافضة فكرة إنك تتركي غرفتك...أو تروحي لأهلك...تحت أي ظرف من الظروف ما تتركي غرفتك..علشان مش حلوة و إنتي راجعة لها تاني لوحدك إذا هو ما صالحك...سريرك و غرفتك ما تتركيها لو شو ما صار...

طبعا لازم لازم تعاتبيه بشده على ضربه...و قولي له إنت ما ترضاها لأختك أو أمك أو بنتك...كيف ترضتهت لي...يعني فهميه إنه اللي ضار مش شويه...و قوليله لو أهلي كانوا عرفوا كان صار فيها حق عرب الحين...علشان يعرف إنه وراكي ظهر...

و إن شاء الله ربّي يصلح حاله و ما يكرّرها...

تمنّياتي لك بالتوفيق أختي

أختي العزيزة .. الآن هو ضربك وانتهى الموضوع

لأنه من المفترض هناك أمور يتفق عليها الزوجان قبل الزواج

لازم الكلام قبل الزواج يكون واضح: "ما في شيء اسمه ضرب وفي شيء اسمه تفاهم"

حتى في حال النشوز قالوا من سنة الرسول عليه أفضل الصلاة والسلام أنه كان يقول لأشبعنك ضربا بهذا السواك

وهل السواك القصير يؤذي؟؟

نعم هناك أسلوب وحوار وكلام .. ولابد أن يفهم أنه لو مد يده عليك بعد هذه المرة يكون لك موقف آخر ويدخل أهلك فيها

وليعلم أن برك لأهله تفضلا منك لا واجب وإنه برهم واجب عليه هو وليس من حقه أن يلزمك بشيء ناحيتهم

لو عملتي الشيء من طيب نفس فجزاك الله خيرا أما شرعا لا يجوز له أن يربط رضاه عنك برضا أهله عنك وبرك لهم

لازم يفهم هذا الكلام جيدا .. لكن لا ننصح الآن بإدخال أطراف ولا محاكم ولا غيره

الآن أنت وهو وبالتفاهم الجاد .. ثم لو حدث نفس الموقف مرة أخرى فلك تصرف مختلف

وعزيزتي لو صار فيك شيء لازم تروحي لطبيبة تكشف عليكي ليكون آذاك بالضرب

لا تهملي نفسك وربنا يوفقك في حياتك ويهدي زوجك ويصلح حاله

خواتي العزيزات هو اتعرف بغلطته وندمان على هالشيء

بس انا وايد ماخذه في فخاطري

وانا مااقول انه هو غلط بس وانا بعد غلتطي كانت لانه اسلوبي كان ماصخ معاه لاني كنت مضايقة

وامس اتفاهمنا وقالي اهلي هم اهم يعني اذا مااهتميت فيه عادي عنده بس امه وابوه اهم

وانا امس قلت له اني خبرت اخوي وانا اصلا مااخبرت اخوي بس قال لي لو خبرت حد من اهلي بيكون اخر يوم بينا

شوفي عزيزتي أول شئ الضرب طبعا شئ مرفوض ولا فيه أحد انه ينهان والأمر كله كان ينحل بكل سهوله لو انك تنازلت شوي وسويتي اللي هو يبيه ولما تكونين انتي ومعاه قاعدين في جو حميم فهميه انه المسؤوليات زادت عليك وانك صرتي مع البيبي مره مشغوله وانتي لازم تعاملين امه وابومه مقل ما تعاملين والديك يعني لو كانوا والدينك هم اللي طلبوا منك شي في ذلك الوقت كنتي تلبينه لهم ويمكن هو بشوفك شنو راح تسوين ويختبرك بس هو غلط لما ضربك صح وانتي زوجته تعرفين شلون تاخذين حقك منه ونصيحتي انك ما تروحين ابدا عند أهلك ولا تعلمينهم انه ضربك علشان ما يكون صغير في نظرهم بكره بتتصافين معاه وبتنسين لكن الأهل ما راح ينسون وخلى أهلك لمشاكل تكون محتاجه فعلا لتدخلهم وصدقيني لو زوجة أخوك تهاونت في واجباتها مع أخوك وصارت مشاكل بينهم علشان امك وأبوك ما راح ترضين لأهلك . وألحين تجاهليه وقومي بكل أمورك ويا حبيبتي توك في بداية حياتك ولسه قدامك حياه كبيره وياما راح تشوفين وتعيشين فحاولي انك تكونين قدها

[CENTER]ش السلام عليكم ورحمة الله وبركاته

صحيح أنا مو متزوجة لحد الآن.. بس عندي نصيحة أحب أخبرك اياها..

الموضوع مو كتير كبير!! و بعدين هاذي أول مرة يمد يده عليكي.. أنا ما أشوف أبدا انو من

الصواب إنك تتركي البيت لهالسبب...الضرب طبعا غلط.. شي أكيد.. بس ممكن أهم شي إنك تحكي

معاه بالموضوع وبصراحة ... تفتحي معاه الموضوع و تقوليله أنا متضايقة عشان كذا وكذا..

وبكل عقلانية و هدوء و تحذريه و بكل صراحة وجدية إنك لو هاي الحركة تكررت ما بتضمني شو

ممكن تساوي.. أقلها إنك تتركي البيت!!!وإنك تقنعي أنو ممكن تسألي عن أهله كل يوم.. بس لو

كنتي تعبانة شو بإيدك تساوي؟؟؟المفروض ما يحملك فوق طاقتك!!! ولو نسيتي يوم .. المفروض

تشفعلك الأيام الماضية بطاعتك لهم!!!!!!!!!

بإختصار أهم شي المواجهة الصريحة..لأنك لو ظليتي تتقلي ومطنشة..ممكن هو يضل مو فاهم

ويضل يضحك أو مطنش و ولا بعمرو يسألك!!!!!!!!

وأأسف جدا جدا على الإطالة.........والله يهنيكي يارب و يوفقك دنيا وآخرة

والله حرام يعني لازم يحس تعب الدوام والبيت والبنت وهو

مب شرط كل يوم وكل دقيقه تسالين عن اهله مادام ان عيالهم موجودين وهم اولى بيهم

والحمدلله انتي طيبه وتسالين بس كل واحد وله ظروفه الصحيه تمنعه من المسؤوليات

ومافيها شيء لو يوم واحد ماسالتي او سويتي حقهم عشا مب راح تكونين عاقه لانج مب بنتهم

بس الاولى عيالهم يقومون بواجبهم تجاه والديهم

وانتي ان شا ءالله بتحصلين الاجر

بس لازم تكلمينه باسلوب هادي عن اسلوب الضرب

واشوي ابعدي العناد عنج لانه سبب البلاوي

وشكرااا

أختي الكريمة...

العناد ما وراه إلا المشاكل وبعدين الرجال ماينفع معاه العناد لأن ممكن يكون عنادةه أضعاف وبعدها من وين راح تجيبين الصبر ...

والقوة وتتحملين تطنيشه لك خصوصا إن الرجل عنده قدرة عجيبة على التطنيش....وحاولي تسوين إلي يرضيه

ورسولنا الكريم عليه الصلاة والسلام يقول ( أيما امرأة ماتت وزوجها راض عنها دخلت الجنة )

السلام عليكم

انا معاكي اختي ماريتا ..

وحبيت اقدم لك هاالنصيحه عشان لمى يضربك مره ثانيه ماتسكتي ..

الزوج لمى يضرب زوجته وتسكت عليه يتمادى وفي كل مره بيضربها راح يكون عنده اطمئنان انك راح تسكتى وماراح تخبري احد..
انت لازم تتكلمي تخبري اهلك وماتسكتى ..

والله يوفقك اختي

بصراحه اختي كثير آلمني موضوعك

وانا اعتبر ان الرجل اللي يمد يده على زوجته رجل ناقص الاخلاق والمروءة

الله يعينك

بس ان ااقولك لا تسكتي ابدا ابدا

شفت يالمقابلة اللي سوتها قناة ال M B C مع المذيعة اللي انضربت


والله اني اذكر كلامها

قالت : غلطتي اني سكتت لما ضربني اول مرة

اقولها لك
لا تسكتي ابدا

بس انتي تقولي انكم خلاص تراضيتوا

عموما هذم المرة صارت واستوت
بس المرة الجايه (((( ان شاء الله ما في مره حايه )))))


لكن للتحذير فقط اقولك لا تسكتين

بنات الناس مو لعبة وانتي ما مجبورة تقيمي باهله اذا يريد يبرهم هو يبرهم من وقته وصحته ما يكلفك انتي

انا مثلا ساكنه مع اهل زوجي ولي ملحق بروحي وسبحان الله عندي بنت بعد واروح الدوام

والله اني ما اكذب عليكي احيانا ما اشوف اهله باليوم واليومين لدرجة انهم يشتاقوني

وانا من بداية زواجنا ما عودت زوجي اني اتداخل مع اهله وخاصة انه في احد بالبيت مو لحالهم

وصدقيني
بداية زواجنا كان يقولي امي تسأل عنك وابوي يسأل عنك
بس انا كنت اطنش وما اروح لأني ما ريديهم يتعودوا على شيء انا عارفه اني ما اقدر استمر عليه

الله يصلح بينكم عزيزتي
والله يرزع بينكم المحبة والألفة
وتربوا بنتكم




لكني ارجع واقولك








لا تسكتي مرة ثانية انتي انسانة ولك كيان وروح
والرسول عليه السلام قال : استوصوا بالنساء خيرا

والله يوفق الجميع