أنا حامل واصابع يدي تعورني من اسبوعين

[CENTER]حبيبتي

اول شي الله يقومك بالسلامة ويرزقك بالذرية الصالحة ان شاء الله

انا ما عندي خبرة بس من اللي قريته ان الحامل بحس بأوجاع في أماكن مختلفة من جسمها خاصة في الشهور الأولى ويجب ان لا تتردد في استشارة الطبيب لو حست ان المشكلة صارت جدية او استمرت اكثر

يمكن تشتغلين فوق طاقتك او تبذلين جهد زائد ولا تنسين ان احتباس الماء في الجسم له دور خاصة في فترة الحمل

يعني الحامل قد تحس بثقل والم بسيط في الأطراف بسبب احتباس الماء بس ما ادري لو كان هالشي طبيعي !!

اسألي دكتور احسن

تحياتي لك

هلا دانه
عندي نفس المشكله تقريبا ...لكن مع الالم في تخدر او تنمل في اليدين ...يدج تتنمل او تتخدر ؟؟

.و الالم طول الليل مستمر و اقوم اكثر من مره في الليله بسبب الالم في يدي ... و بدت عندي المشكله من ما دخلت الشهر السابع ... و قالت لي الدكتوره ان هذا راجع لحتباس الماء في الجسم و يضغط على اعصاب اليد و يسبب الالم ... و المشكله تنتهي بالولاده و كتبت لي نوع من الفيتامينات لكن ما نفع و لا قلل الالم

ما ادري اذا حالتج نفس الشي بالضبط و لا ممكن يكون شي ثاني

اسالي الدكتوره بعد احسن

و ربي يتمم لج و للكل الحمل على خير ان شاء الله

[CENTER]هلا حبيبتي دانا
اكيد نقص كالسيوم يا الغالية
اشربي الحليب و منتجاته بكثررره
و ممكن تاخذين فيتامين سي+كالسيوم (فواار)
و ايضا المغانسيوم(( فوار))
مفيد الإرخاء و اراحة عضلات جسم الحامل
و هو غير مضر للحامل

هلا اختي وانشاءالله الله يسر عليج الولادة
بخصوص الألم
بغيت في البداية اعرف شو نوع الالم
يعني تحسين بتنميل او خدر او الم في مفاصل اليد
ياريت تشرحيلي وين الالم باالضبط ونوعه
وانشاءالله بفيدج

نفس الالم الي احسة يوم دشيت السابع الم في المفاصل يدي ويوم سالت الدكتورة قالتلي نقص في الكالسيوم وعطتني حبوب بس بعده الالم ما زال

مشكووورين خواتي
اخت لوليتا .... أول ما اقوم الصبح أحس ان أصابع يدي تتخدر وأول ما احركهم تبدأ المفاصل تعورني ،
وبعد دقايق يبدأ التخدير يتلاشى ، بس ألم الأصابع يتم .
هذا اللي يحصل بالتفصيل ... هالأيام احس ان اصابع رجلي بعد بدا عليها نفس الأعراض ..

بس مثل ما قالت الاخت فوانيس كأنه نقص في الكالسيوم لأن اسناني بدت تسوس ، بس ما ادري عادي اسير عن طبيب الاسنان وينظف اسناني وإلا بعد هذا خطر علي ؟؟؟