لا أعرف كيف أتصرف في كثير من المواقف؟؟؟؟؟

[CENTER]السلام عليكم ورحمة الله وبركاته

تصدقين يا اختي ... انا مثلك وما اعرف اتصرف في بعض المواقف ... وابغي اتعلم اسلوب اللف والدوران والدلع والمياعة ما اعرف كيف ... بس شي واحد انا متاكده منه لانه شي في .... انت انسانه مليانه حنان ورقة مشاعر لكن ما تعرفين كيف تطلعينها ... هذا انا لمن اقعد بيني وبين نفسي احس اني مليانه حنان ورقة مشاعر بس ما اعرف كيف اطلعها ... واذا عرفت في يوم من الايام خبريني والعكس انشاء الله
:smile:

أختي نحن كلنا نفس الشئ .... بس أنا أنصحج تشترين قصص رومانسيه وتقرين ... إن شاءالله تستفيدين ... لانه عن نفسي سويت هذا الشئ والحمدالله أستفدت ... هذا بالنسبة لأسلوبج مع زوجج ...


الله يساعدنا إنشاءالله

أختي العزيزة

الواحد في الحياة راح تواجهه مواقف كثيرة وقد لا يحسن التصرف فيها

لكن ليش الواحد ما يتعلم من تجارب الآخرين أو من اللي يشوفه قدامة

تشوفين البنات كيف يتكلمون بلباقة .. مرة على مرة حاولي تقلدين أسلوبهم .. ركزي في طريقتهم وتعلمي من أخطائك

حاولي تتثقفي في الكثير من الأمور حتى لما يتوجه لك الكلام تعطين رأيك فيه

ما حد في الدنيا كامل .. والمفروض نتعلم من الحياة

بعدين عزيزتي .. لما يمر عليكي موقف مع زوجك ومرة حسيتي إنك ما أحسنتي التصرف .. تتعلمين كيف تتصرفين المرة الثانية

ليش المفروض لا يلدغ المؤمن من جحر مرتين .. لإنه تصرف مرة بأسلوب غير لائق وانقرص وما يترك نفسه ينقرص من نفس الجحر قرصة ثانية

ثم لا أشجع القصص الرومانسية .. ولا أعتقد أنها تعلم إلا الحياة في عالم الخيال لا الواقع

شوفي زوجك وطباعه وشوفي الطريقة المناسبة للتعامل معه .. والطريقة اللي تمشي مع شخص قد لا تنفع مع آخر

مديرتك في العمل تقدرين تتكلمين معها بأسلوب الحيلة .. يعني ما سويتي شي مثلا ممكن تقولي عفوا كنت مشغولة بشيء آخر وإن شاء الله راح أجهزه بأقرب فرصة وفرغي نفسك لهذا العمل حتى ينتهى

يعني هذا شيء يريد تعويد فقط .. وصدقيني راح تجدي نتائج طيبة بالآخر

استعيني بالله وسوف يوفقك لكل خير

ربنا يوفقط عزيزتي

السلام عليكم ورحمة الله وبركاته

أؤيد الأخت bent_palestine في كلامها...

كلنا أختي تمر علينا مواقف لا نجيد فيها التصرّف...

لكن الواحد بيتعلّم...

بيتعلّم من أهله و أمه و إخواته و صديقاته...

بتعرفي كيف الواحد بيتصرّف في المواقف المختلفة...و بتعرفي الصح من الغلط...

المنتدى نا كمان كتير علّمني أشياء إستفدت منها

تعلّمت في العمل من زميلاتي هناك...

يعني العمليه بس عملية تعلّم و إجادة تصرّف...

الله يوفقك يا رب

خليج على طبيعتج وتعلمي من اللي حولج من الأهل في البيت

او الزميلات في العمل او صديقاتج أخذي الزين منهم وخلي الشين لهم :)

شوفيهم شلون يتصرفون وكيف يتكلمون وحاولي تتعلمين وتقلدينهم باسلوبج

يعني مو تصيرين كوبي منهم لا بس حاولي تتعلمين الطريقه والتصرف باسلوبج انتي

وشي حلو ان الواحد يعرف عيوبه او الشي اللي ينقصه ويبي يعدل فيه ويكمل عليه

واتكلي على الله وخليج مبتسمه دايما لأن الأبتسامه سبحان الله لها مفعول السحر

خصوصا مع الصديقات والزملاء بالعمل .. والله يوفقج

اهلين اختي ..

بصراااحه كل شيئ ولا الزووووووووج .. صحيح انا مو متزووجه .. بس انشالله قريب ..

مو بعارفه وش اقوولش .. بس قصدي من الكلام .. تدلعي وسوووي كل شيئ الى زووجش

سواااء حركاات او كلاام او لبس ودلع ..

لان الرجال بعدين يدورو غيرش .. وهذا اللي ماايبغوو الرجال .. صدقيني ياااما ويااما عروووسو

رجاال على زوجاتهم والسبب انه مااتقووله كلام حلوه .. وتدلع عليه ..

الرجال يحبو البنت الدلووووووعه .. الغنووجه ..

ابحثي في النت ... فيهاا موااقع كثثييره والمنتدى هناا بععد ..

كيف تتصرفي وتقوولي الى زوووجش ..

الله يهنيش انشالله

انا بعد مثلج اختي ماعرف كيف اتصرف كله اسكت اخاف اقول شي و اللي حوليه يضحكون عليه

ساعدوني انا بعد ابا اغير اسلوبي ايا ادافع عن حقوقي بس ماعرف كيف

عزيزتي لا تقسين علي نفسك والحمد لله ان عندج الرغبة للتعلم في الفترة القادمة انسي ان لك فم للكلام وتذكري ان لج عيون واذان شوفي واسمعي واتعلمي من اللي حواليك اشلون الدنيا تسير اشلون يتصرفون في كل موقف وخزني في عقلك كل ما يدور واتذكري في مجتمع العمل من قبل المسؤولين ايحبون كلمة انشاءالله اتريح وتبعدك عن المشاكل واشوي اشوي بتعرفين اشلون اتردين عليهم واشلون تتصرفين احسن من سكوتك وياخذون فكرة خطأ مع الصديقات كل وحدة لها طبيعة معينة بس ابتعدي عن التدخل في تصرفاتهم خليكي مستمعة وبتشوفين اشوي اشوي بتعرفين للدنيا اشلون بس اطردي عن نفسك الخجل وحاولي اما بخصوص زوجك فما المفروض انك تخجلي اعتبريه الصديق الصدوق اللي ما نخجل منه وخليكي علي طبيعتك وشوفي انك اتقولي له عن شعورك ناحيته بكل صدق وبتشوفي اشلون بيفرح لما يسمع منك اي كلام ايعبر عن مشاعرك ناحيته لا تخجلي من زوجك بالمرة بالعكس لو خجلتي من الناس لا تخجلي من زوجك وجربي وشوفي الأفلام واتعلمي واتمني اني ما اطلت عليج واتمني لج السعادة ووالتوفيق