شو الاحسن البيت ولا الشغل

انا موظفة ومتزوجة وعندي اطفال .. احيان اتذمر من الشغل لولا ظروف مادية زوجي صعبة كنت قعدت بالبيت.....لكن إذا ما متزوجة فالاحسن تكون تشتغل ...
علشان وقت فراغ تكون عندها وايد

[CENTER]



[grade="00008B FF6347 008000 4B0082"]أنا متزوجة وعندي بنت وأشتغل

الصراحة وقتي كله بالدوام ولما أرجع البيت ما فيني حيل أسوي أي شي ويجي شغل البيت وبنتي .. مرات أطفش من حياتي وأقول بفنش من الشغل ومرات أقول لين قعدت في البيت بتملل وبزهق واستحمل الضغط .. بس الصراحة ما في أحلى من قعدة البيت للحرمه تتفرغ لشغل البيت وتربية العيال ومداراة الزوج

وإلا أنتو شرايكم [/grade]؟

السلام عليكم ورحمة الله وبركاته ...........
الانسان بطبعه طماع انا مو متزوجه واول ماتخرجت كنت مضايقه علشان ما اشتغلت ولما اشتغلت بعد 6 شهور من التخرج احس اني استعجلت واقول ياحلو قعدة البيت مع انه دوامي كله 4 ساعات ........
وطبعا الحمد لله على كل حال والاكيد انه الشغل بكل عيوبه وقرفه افضل ...

موضوعك وااااااااااااااااااايد حلو ........؟؟؟

اتصدقين انا دائما اقول اذا تخرجت ما ابي اشتغل بقعد بالبيت ؟؟؟

وانا الحين تخرجت وقاعده بالبيت ؟؟؟

شقول لج ؟؟؟

ونااااااااااااااااااااااااااسه ما بعدها وناااااااااااااااااسه ؟؟؟

رقاد وقعده وما وراج شئ تحاتينه سهر للصبح ؟

بس بعدين اتملين واتحسين وقتج يضيع عالفاضي واذا ما عندك مكان اتروحينه تطفشين من القعده بالبيت ؟؟

بس بعد الشغل له حسناته الاستقلال المادي ؟؟ ويكون لك معاش خاص فيج ؟؟؟

وحتى شخصيتك وخبرتك اتكون غير ؟؟

بس له مساؤى كثيرة خصوصا اذا ما كان عندك شغالة تسوي لك شغل البيت وعندك اطفال يبغيلهم رعاية واهتمام وزوجك بعد لاتنسينه لازم تهتمين وتتكشخين عشانه ؟؟؟

يعني كل الحالتين لها عيوبها وحسناتها ؟؟ وكل واحد وظروفه ؟؟؟

وطبعا انا لو كانت ظروف زوجي المادية زينة وما يحتاج اني اشتغل اكيييييييد بقعد بالبيت اريح واحسن لي ؟؟؟

برأيي البنت الغير متزوجه تشتغل احسن لها عشان تقضي وقت فراغها

بشي مفيد وتكسب صداقات جديده وتكسب خبره وتعتمد على نفسها في مصروفها

والمتزوجه لاتشتغل احسن تقعد بالبيت تربي عيالها وتلبي طلبات زوجها وتهتم فبيتها

خصوصا اذا كان زوجها مقتدر ماديا وحتى لو كان متوسط الحال تحاول تكيف نفسها

على قد راتبه وهي تحاول تساعده بشكل ثاني يعني تتعلم حرفه او طبخ او خياطه

وغيره وتنمي نفسها بهالمجال وجذي ترضي ربها ثم زوجها..

وانا متزوجه وام وعندي شهادة بس قاعدة بالبيت اول ما ملكت قالي زوجي انا مابي

شغل لأني مقتدر واقدر اعيشج احسن عيشه بإذن الله وماراح ينقصج شي بس ابيج بالبيت

والحمدلله مهتمه بولدي وفيه ومو ناقصني شي بفضل الله والحمدلله على كل حال


مشكورة ويعطيج العافيه على الموضوع

يوم افكر بالنوم والسهر وعلى كيف كيفي افضل اني اقعد بالبيت

اما يوم الحالة النفسية والمادية تكون صفر اتمنى اني اشتغل

بس بالنسبة لي افضل البيت على اني امرض واتصدع من الدوام

بالرغم من حلاوة انه الوحده يكون لها راتب خاص بها تعمل به ماتشاء

انا بعد ماتخرجت قعدت سنة ف البيت بدون شغل .. كنت وااااااااايد مستانسة وكانت نفسيتي وايد مرتاحة :smile:وبديت اسوي اشياء حلوة .. حتى اني بديت احفظ القران وبعدين اشتغلت وليتني ماشتغلت !! والله تعب والتزام بس حلو عندج راتبج الخاص صح ريلي فديته مب مقصر علي بشي بس بعد غيييير وبعدين تتعرفين ع ناس غير ..
مرات اضايج وايد واقرر اني بستقيل (طبعا ريلي يباها من الله ) بس مأجلة هالفكرة لين يستوي عندي نونو .. ادعولي:o

[CENTER]

بالنسبة للمتزوجة أفضل لها جلست البيت خاصة لو عندها أطفال ,,
بيتها أحق بمجهودها ,,
بس لو مو متزوجة يعتمد على البنت,,
أتوقع الأفضل لها أنها تتوظف عشان تشغل وقتها وتنظمه ,, و تستقل مادياً,,

أنا مو متزوجة وجالسه بالبيت ..
صحيح طفش ,, خاصة إن أمي موظفه فوقت الفراغ كبير,,بس الحمد لله مرتاحة نوعاً ما,,
بأول الوقت ما كنت استغل وقتي و مرره محيوسه فكنت متضايقة ,,
بس بعد ما بديت انظم وقتي ارتحت و حسيت إني جالسه أنتج شيء,,غير انه صار عندي وقت اهتم بنفسي و أمارس هواياتي ,,
يعني المهم الواحد ينظم وقته و يحط له أهداف ,,

بس أتوقع لو لقيت وظيفة تناسبني و تكون مريحة وما تأخذ مجهود ووقت بأختار الوظيفه على جلست البيت ,,<< تتشرط..

دام انه الوحده مو متزوجه وما عندها مسؤوليات احسن لها تشتغل تقضي وقت

واذا الوحدة مزوجة وهي قادره توفق بين بيتها وريلها وعيالها والشغل وخير وبركة انها تشتغل
الحياة صعبة واذا الزوج مصدر دخله بس الشغل الصراحه الله يعينه

انا توني فريش متخرجة من الجامعة

بصراحة ما استحملت قعده البيت بسرعة مليت على طول قدمت اوراقي للوظيفة

بس يمكن لاني مو متزوجة وما وراي مسئوليات ... اشتغلت


لكن الاكيد اذا تزوجت وكانت ظروف زوجي المادية زينة بقعد بالبيت اربي عيالي


انتو ادعولي :)

انا متخرجه بس ما الله رزقني بوظيفه و متزوجه وعندي عيال وصدق البيت والعيال يشغلون بس العمل برضوا احس ان له ايجابيات كثيره اول شيء شخصيتك بتكون غير تتعرفين على ناس كثير واهم شيء بيكون الشغل امان من غدر الزمن ادعولي ان الله يوفقني بوظيفه

سؤالك مره مهم


بالنسبة ليا كان الشغل معاناه لاني كنت حامل وبعيدة عن زوجي وتعبت اعصابي كثير


ولما جلست في البيت صرت مبسوطه اربعة وعشرين قيراط وبنتي مليت عليا دنيتي


رغم ان الوظيفة حلو فيها الراتب لكن اهم شئ راحة البال

أنا عني ماتحمل قعدة البيت
أمووووووووووت ولا أقعد في البيت
اتخرجت من ثلاث سنوات وما حصلت وظيفة
لكن صرت اخد دورة ورا دورة من كمبيوتر الى دورة تجميل الى دورة رسم
الى انجليزي واشتغلت 6شهور معلمة بس بعقد محدود
واللحين بدرس دبلوم انجليزي
ولست متزوجة وحتى لو كنت مستحيل اقعد في البيت
لان عندي طاقة داخلي احب اطلعها واحب افيد واستفيد واحب أتعلم كل شي
لان حرام بعد كل هالتعب نقعد في البيت ولا كأن درسنا وسوينا شي .

[CENTER]اذا كانت البنت مب متزوجه مافيه مانع تشتغل

لكن لو كانت متزوجه اعتقد ان البيت اهم من الشغل الا في حالات طبعا ( الظروف الماديه )

انا اختي كانت موظفه ولما جابت عيال فنشت عشان تتفرغ لعيالها

هذا رايي

ولج التحيه حبوبه

كل وحدة منا لها رأيها ومرئياتها عن الموضوع المطروح.

فمثلا انا متزوجة ولي 3 بنات وأشتغل والحمد لله مو مقصرة تجاه بيتي وزوجي وبناتي

والعمل بالنسبة لي متنفس من كبت البيت خصوصا لأني طلعاتي نادرة ولي علاقات طيبة بزميلاتي

وموشرط إنه يكون السبب الظروف المادية للعمل..مثل ماقالوا بعض الأخوات..وإحنا محتاجين

للعالم الخارجي ولتكوين علاقات وتبادل الأفكار مع الآخرين

والأحلى من كذا لو إشتغلت الوحدة فينا في مجال تخصصها -......

انا مب تزوجه واشتغل بس ناويه ان تزوجت باذن الله اهد الشغل واتفرغ لبيتي ... بس يالله ان ترزقني برجال صالح معنويا وماديا :) :0
:O
الصراحه اجمل ما في الشغل هو الاستقلال المادي وبناء الشخصية وتقوية الثقة بالنفس واكره ا في الشغل هو قومة الصبح ....
wgd الا انت شو تشتغلين (شلون 4 ساعات بس) دليني على هالشغل!!!

lolo idris:
انا موظفة ومتزوجة وعندي اطفال .. احيان اتذمر من الشغل لولا ظروف مادية زوجي صعبة كنت قعدت بالبيت.....لكن إذا ما متزوجة فالاحسن تكون تشتغل ...
علشان وقت فراغ تكون عندها وايد

الله يعينج حبيبتي
ويخليهم لج
حتى انا راي من رايج الوحده مب معرسه احسن تشتغل



تسلمين عزيزتي

الله يوفقج باذن الله تعالى

أم الوله:
[CENTER]



[grade="00008B FF6347 008000 4B0082"]أنا متزوجة وعندي بنت وأشتغل

الصراحة وقتي كله بالدوام ولما أرجع البيت ما فيني حيل أسوي أي شي ويجي شغل البيت وبنتي .. مرات أطفش من حياتي وأقول بفنش من الشغل ومرات أقول لين قعدت في البيت بتملل وبزهق واستحمل الضغط .. بس الصراحة ما في أحلى من قعدة البيت للحرمه تتفرغ لشغل البيت وتربية العيال ومداراة الزوج

وإلا أنتو شرايكم [/grade]؟

الله المستعان ويخليها لج آمين

عندي ربيعتي وانا اشتغل قعدت عندي وتمت ساكته وقالت احسن الوحده تقعد في البيت تجابل اليهال اباا اقرأ الكتب ماصرت أقرأ شي الكتب صاروا عندي غريبين أشيل الشغل وياي البيت أكمله

نفسي أعرف ليش الحرمه ماتقعد في البيت دامه جي هل ظروف الحياة صعبة وغاليه ولا احن نبا زياده
الله أعلم

موفقين باذن الله تعالى

wgd:
السلام عليكم ورحمة الله وبركاته ...........
الانسان بطبعه طماع انا مو متزوجه واول ماتخرجت كنت مضايقه علشان ما اشتغلت ولما اشتغلت بعد 6 شهور من التخرج احس اني استعجلت واقول ياحلو قعدة البيت مع انه دوامي كله 4 ساعات ........
وطبعا الحمد لله على كل حال والاكيد انه الشغل بكل عيوبه وقرفه افضل ...

مرحبا عزيزتي

شو رايج عزيزتي اني اشتغل من يوم ماأيي ألين وحده وربع على الكمبيوتر حتى احس اني ما أشوف عدل يمكن خف نظري من هالكمبيوتر العله

الحمدلله على كل حال وصدق الانسان طماع بطبعه عن نفسي اباا اعرس واقعد بالبيت مملكتي الخاصة وابدع فيها احسن لي لكن الله الحمدلله على كل حال
والله يوفقنا باذن الله تعالى آجمعين

تسلمين عزيزتي