بنات البحرين ساعدوني حنتي الشهر الياي

هلا أخت نوف البحرين ..

بالنسبة لفستان مناسب للحنة أعتقد بتحصلين في أزياء أنمار جنب السعفة بالرفاع في بوكوارة ، في ملجتي شريت من عندهم فستان جاهز ستايله هندي ، الكل عجبه الفستان .. و الجلابيات أحلى شئ جلابيات السعفة بس أسعارهم مرتفعة ، و نهر الفنون بعد عندهم جلابيات حلوة ، و أزياء أنمار عندهم جلابيات حلوة و أسعارها معقولة ، و أزياء ميرا شفت عندهم جلابيات حلوة أسعارها ب50 دينار ..

و الله يبارك لج .

ألف مبروك

شيكي الخاص

شهناز مشكورة حبيبتي وربي يعطيج العافيه ..
السعفة وايد اسعارة مرتفعه ...
ونهر الفنون جلابياته وايد دفشة
شكلي باروح انمار وميرا
تسلمين على المساعده ...

عذب القوافي تسلمين يالغالية ..

شدعواااااا
وينكم ؟؟؟

للأسف ما اقدر اسااعدج
ملقووفه دخلت هني
ان شاءالله البنات ما بيقصرون عليج

وحبيت اقولج عيبتيني يوم قلتي ما بسوين عرس عن الخساير والمصاريف والديون على ساعتين بس
حلوه فكرة ليلة الحنا تكفي والله يوفقج ويهنيج ان شاءاالله

[CENTER]هلا الغالية والف الف مبروك

عن الجلابيات أزياء باندا في المحرق حلوين وناعمين



عن المكياج حق الحنة في فردوس الحلواجي

وحدة اسمها نجاة في صالون لولو المحرق شغلها وايد حلو

عن الديكوارت روحي حق جندل عنده افكار حلو

اتمنى اكون ساعدتج

business_girl
مشكورة حبيبتي
وبصراحة اللحين محد يسوي
عرس حتى لو سويت مايعجب الناس

المشتاقة ...
تسلمين حبيبتي
ويعطيج ربي العافية
فيج الخير والله ....

ممكن تساعدوني يابنات البحرين عن احسن مشغل لتنظيف البشره والحف والحنه واسعاره زينه

واحسن مشغل ايخيط لفساتين العرايس وشرايكم في السعفه

الف مبروك يا نوف البحرين
وعقبالي
بس أنا أخالفج في الراي أنه لو ما يسويلي عرس باموت من القهر وحسرة الفستان الأبيض بتظل في قلبي لين أموت مو مهم الناس المهم أنا ألبس وأصور وتكون لي ذكرى حلوة وإن جان عليه هو قال لي سوي اللي تبغين ولا تخلين في خاطرج شي بعد عمري والله

وعن سؤالج المسارح أنا أفضل مسارح الجرة في المحرق راقي ولكن ممكن تسوين المسرح بنفسج خصوصا لو كان في البيت مع الستايل الهندي مثلا تحطين وراج خلفيه شيفون على خشب وتسويين لج جلسة عربية مرتفعه شوي وتحطين على الشيفون رازجي وورد أصفر وتحطين مزهريتين كبار اللي إييون عراض من تحت وتلفين عليهم خلق هندي وتخلينه على الأرض يعني يصير شويه داخل الجره وشويه على الأرض.

بعدين بالنسبه حق هدايا المعازيم إذا بتسويين ستايل هندي المهفات مالها داعي لأنها عربيه خلي الكل ياخذ فكره محدده عن ستايل الحنة مثل شرايج تسوين حلاوة في محل الحلويات وتعبينهم في الصناديق المبيته وتخلينهم يمج عشان يطلعون في الصور والمكياج سويه العيون المفتوحه وتحطين في شعرج رازجي وتلبسين اكسسوارات هنديه وتحطين أغاني هنديه على الأقل لما الحناية تحنيج وخلي الأهل يلبسون هندي بيصير وايد كشخه.

بس تعبت إذا عندي أفكار ثانية باقولج حبيبتي والله يطرح البركة

مبرووووووووك اختي

الجلابيات الحلوة روحي انمار و هالايام عندهم تخفيضات

اما المكياج فلمياء مكياجها حلووو بس مو كل وقت اوقات يصير دفش و تترس العين مكياج و اوقات حلوو

في وحده اسمها عايشة البلوشي تمكيج و مكياجها وايد وايد حلوووو


و احسن شي انج مابتسوين عرس لان كلش مايسوي

عن الديكورات افضل الجرة بالمحرق
والمكياج حق الحنة افضل لمياء بوجيري وعقبها نورة الكعبي

تحياتي

أم الذهب تسلمين حبيبتي ويعطيج العافيه
أفكارج حلوة وبسيطة ....
ان شاء الله نخدمج في الافراح ونردها لج

أم اسولة ... تسلمين والله عيوني
انا شفت مكياج لمياء صج والله
تترس العين احس استايلها تبي تقلد دشتي
على العموم ياريت بس لو احصل رقم لمياء بوجيري
على الخاص اذا احد يعرفه لو سمحتوااااااااااااااااااا

أم اسوله انا شفت مكياج لمياء بوجيري
واااايد حلو بس الساعات تضبطه والساعات لا
من ويه الى ويه يختلف المكياج على العموم
ياريت والله لو احصل رقمها احد يدزها على الخاص ....

مشكورة حبيبتي باربي يعطيج العافية ..

وينكم يا بنات ديرتي ...؟؟؟

نوووووووووووووووووف

تسلمين على هالموضوع الحلو والمفيد بالنسبه لي

خاصة اني مثلك بالضبط مابسوي عرس وبكتفي بليله حنا كبيرة نوعا ما وطبعا مابتحنى بهالليله .. بتحنى قبلها بيومين لالن سلمك الله هذي الليله تعتبر ليلة زواجي وبطلع من المكان للفندق مع زوجي وعقب بسافر

مشكلتي الحين اني وايد محتاره بين اللبس الخليجي واللبس الهندي

والشي الثاني للحين مب محصله ناس يسون لي الجلوه

وفكرت اجيبهم من البحرين بس مب لاقيه فياليت تساعدني اختي واكون لك شاكره :)