كيف اعرف جوالي مستخدم ولا جديد؟

السلام عليكم ورحمة الله وبركاته
حبيبتي ام مهير
بعرف انه الكل بغلبك بس مالنا غيرك وغير بنات المنتدى نفضفضلهم ونستشيرهم:smile:
المهم انا اشتريت موبايل الدمعه:cry: وقبل ما نطلع من المحل قالنا صاحب المحل بدي انزللكم نغمات هديه ونزل النغمات و رجعنا البيت وبعد ما ركبته وشحنته جلست اكتشفه وفجأه لقيت صوره لبيبي مولود حديثا عند مقاطع الفيديو:sad:
انا انجنيت:mad2: قلت اكيد الموبايل مستخدم اخذته ورحت لمحل الامارات للكمبيوتر وسألته ازا بيعرف ازا الموبايل مستخدم ولا لا:think:
دخل شي عالكمبيوتر وقالي الجهاز مو جاي للتصليح بس ما بقدر اقولك ازا مستخدم او لا,يمكن الصور هاي تكون عالميموري وراجعي المحل اللي اشتريتي منه
رحت للمحل التاني وقاللي انه الموبايل جديد بس هاي برامج احنا نزلناها لكم عالميموري دعايه للمحل
قلتله هاد بيبي مو معقول بتنزلوه للكل غير كمان عن فيديو كليبات موجوده عند مقاطع الفيديو في الجهاز
ادري دوشتك بس بالنهايه اخذت من عنده ميموري جديده ورجعت بس صراحه مو مطمئنه وحاسه انه غشني لانه اول ما شاف صوره البيبي عملها ديليت:down:
بعد كل هالحكي سؤالي ازا في طريقه اعرف منها ازا كان الجهاز مستخدم ولا جديد مع العلم انه شكله جديد و بكرتونته والشاشه والكاميرا عليهم الشفاف الابيض و ال cd اللي معه مغلف
سامحيني عالازعاج