بنات الامارات مطلوبين ضروري

D

Dolh

عروس مشاركة

26-03-2005 | 12:16 PM

السلام عليكم ورحمة الله وبركاته

فديت بنات بلادي ادري انهم ما بيقصرون معاي

بنات و ين احصل ستاير جاهزة بس تكون غريبة و حلوة و انتيكه يعني الونها على موف و فوشي و بيج ... تراني مليت من التفصيل ... لا تقولن ايكيا ترا ستايرهم ما فيها شي عادية

و السؤال الثاني

انا محتارة احط رف فوق السرير و احط عليه حركات و تحف و لا احط ستارة بسيطة

بليز لا تبخلون علي بالمعلومات ترا بو الشباب يقولي لا تتفلسفين و يبا يفصل ستاير نفس الكنب وانا ما ابى احسها حركة قديمة

على فكرة انا صبغت غرفة اليلسة ماروني على موف و بيج من جوتن و طلع روعة بس ابا افكار جي كشخة و ذوق يعني اكسسوارات و رفوف و مرايا كيف ارتبهم و من وين اشتريهم

يلة همتكم يا بنات زايد الله يرحمه

ل

لمسة إحساس

عروس رائعة

26-03-2005 | 03:30 PM

وعليكم السلام ورحمة الله وبركاته

غناتي ،،، أول شيء ما عرف وين يبيعون ستائر جاهزه لكن أظن يبيعون في لايف ستايل نفس الأقسمة الهندية للستائر لكنها رووووووووووووووووووووووعه.

ثاني شيء أنا أشوف أن الستاره على السرير أحلى بوايد من الرف تقدرين تسويين لج حركة بالجبس فوق السرير مباشره يعني في السقف و تخلينهم ينزلون لج من الجبس ستائر ملونه من الشيفون مثلاً بيطلع السرير بالكامل مغطى بالشيفونات.

إن شاء الله أكون أفدتج بشيء ،،، الله يسعدكم إن شاء الله

D

Dolh

عروس مشاركة

27-03-2005 | 10:43 AM

فديتج الغالية مشكورة انج رديتي عليه و طيبتي خاطري ....بس و ين بنات الغالي معقولة محد عنده فكرة او حاول يجاوب على اسئلتي الباقية :cry: ما كسرت خاطركم

ش

شيخة البيت

عروس مبدعة

27-03-2005 | 10:51 AM

شوفي الغاليه أنا بخبرج عن الستاير ,,,,, سيري مركز التنين .... بتحصلين ستاير حلوه وجاهزه ... في القريه العالميه عندهم .. القريه الصينيه واليابانيه ,,,

إن شاءالله أفدتج .

D

Dolh

عروس مشاركة

27-03-2005 | 10:58 AM

هلا الغالية .... مشكورة حياتي انشاء الله بروح القرية الصينيه واليابانيه اذا حصلت بدعيلج هذيك الدعوة الحلوة من الخاطر ... واذا ماحصلت هم مشكورة انج رديتي علي :shy:

j

juliet&rambo

عروس رائعة

27-03-2005 | 11:00 AM

الغاليه ..

ما ادري بج اذا سمعتي عن الChina Town اللي في العوير .. او المدينه الصينيه اليديده...(دبي)

فيها طلبج.. عندهم مجموعه منوعه م الستاير الغاويه .. وبأسعار رخيصه .. المتر ب 10 دراهم .. بس طبعا .. لازم اتكاسريهم ..

وفي محل ثاني ف الشارجه ف سوق الغوير .. رخيييص وعندهم بعد اشيا حلوه .. اسم المحل " سيد كمال" ..

اتمنى اني افدتج بهالمعلومات البسيطه .. والسموحه ..

تحيـــــاتي

*جــــوليت & رامبـــــــــو*

D

Dolh

عروس مشاركة

28-03-2005 | 11:05 AM

thanks alot for useful information أخدمكم في الاقراح انشاء الله