أم مهير عاجلا جدا.. شو اسوي في نوكيا 6630 قبل لا ابيعه؟!

وعليكم السلام ورحمه الله وبركااته..

هلا اختي..


اول شيء.. اذا بتبيعين اللتلفوون مع البطااقه عاادي بيمسح كل شيء اللي بالتلفوون والبطااقه والي موجوود مسبقااا.. وبيرجع التلفووون مع البطااقه من اوول وجديد ..

فاما اذا بتيعين التلفوون بدوون البطااقه ... سووي كالتلي :

طلعي البطااقه ماال التلفوون (الذاكره) موو بطاقه sim

وبعدين لازم البطااريه تكوووون ممتلئه .. وسووي كالتالي :

بعد التشغيل تلفوون على طووول 3 ثواني اضغطي على 3 فصوص (ازرار ) :

الزر الاخضر (الاتصال )/ زر المربع / وزر رقم 3 مع بعض.. ضغطه وحده.. وانتظري بعد الضغط وخليج ضااغطه لحد مايطلع لج كلمه فورماتنغ.. هني تنتهي العملية..


وان شاء الله حااضره لج..

عزيزتي ام مهير
انا ببيع التلفون مع الممري كارد
يعني بس اسوي ديليت حق الصور من غير الفورمات يكفي؟؟
وسؤال ثاني: الأرقام كلها متخزنه في ذاكرة الهاتف.. كيف احولها كلها مرة وحده على بطاقة التلفون sim card ??


بس مو مستعبه كيف اذا ببيع التلفون من غير الممري كارد الصور بتم موجوده في الموبايل ؟؟!!

هلا اختي بخصوص الدليت ماينفع خيتوووو.

ولازم تسووين فورماات .. سوي نفس الطريقه للهاتف والبطااقه وبيمسح كل شيء..

ولاتديرين هم..

فاما بخصوص الاسماء..

اوكي الحين بكتب لج اللي فهمته قولي صح ولا غلط

اول شي لازم الموبايل فل جرج
بعدين اغلقه وارد اشغله واضغط على الثلاث ازرار لين ينكتب فورمات
واطلع الممري ولا اخليه داخل الموبايل ؟؟؟
انا ابا كل شي ينمسح من التلفون وممري كارد

أما بخصوص الأرقام المخزنة في التلفون ما رديتي علي ؟!!!

حشره تراااااني الله يعينج

:gum: الله يعينك على كسر الجوال يا اختي :D2

روزانا شكلي بكسره وافتك منه
من اول ما طاح في ايدي وهو قاهرني

[font=Comic Sans MS][size=9][size=9] ايش هو جوالك الباندة والا الدمعة والا ايه بالاسم العام ؟

لاياختي طوولي باالك مايصير كذااا..


ان شاء الله في حل ولاتحتارين

روزانا
جوالي الباندا بس نيو فيرجن
هذا اليديد
مستطيل بس نهايته دائري

يبغيلج برناامج اللوجوو منجر..

كالتالي :


1- تشغيل برنامج لوغو مانيجر والتأكد تماما من إتصال البرنامج بالجوال الأول( القديم مثلا).

2- الضغط بزر الفأرة اليسار على كلمة Tools ثم على Phone Explorer



3- القيام بإنشاء ملف من دفتر الهاتف الموجود في جوالك بالضغط على My Phone بزر الفأرة الأيمن ثم الضغط على Save Backup to File ثم حفظ دفتر الهاتف كملف داخل كمبيوترك تحت أي إسم ( عليك أن تتذكر أخي الكريم أين سوف تقوم بحفظ هذا الملف لإسترجاعه لاحقا في جوال آخر إن شاء الله تعالى)



4- توصيل ا لجوال الثاني(الجديد مثلا) ببرنامج لوغو مانيجر, والتأكد تماما من الإتصال بينهما.

5-الضغط بزر الفأرة اليسار على كلمة Tools ثم على Phone Explorer



6-قم بإسترجاع ملف دفتر الهاتف من كمبيوترك : بالضغط على My Phone بزر الفأرة الأيمن ثم الضغط على Restore Backup ثم إختيار الملف الذي قمت بحفظه في الخطوة الثالثة من الشرح , وستجد دفتر الهاتف تماما والذي كان داخل جوالك القديم الآن في جوالك الجديد.

ارجو ان الطريقه تكون واضحه

والله سالفه ما يسوى علينا هالموبايل

تسلمين يالغلا
تعبتج وياي اليوم وصدعتج
مشكووووورة