النجدة النجدة يابنات قطر

مرحبااااااااااااا



الغاليه شهد

انصحج ب د / عمرابوحلاوه ..وبعد د / فهد الباكر...

علاجهم وايد زين وانا جربت علاج د عمر لبنت اختي فجاه طلع لها قشور وحبوب في وجهها وعطاها كريم والحين الحمدلله وايد احسن من قبل..بس اهو ترا اشوي نفسيته مادري شلون ماعليج منه عاد :)

سلامات حبوبه ...



تحياتي

نوارة قطر

تسلمين والله ....نورتي يانوارة قطر....

[CENTER][CENTER]


السلام عليكم ورحمة الله وبركاته
مرحبا غاليتي ..
شوفي هالرابط
واستخدمي هالخلطة ...
خذي ملعقة حبة سوداء مطحونة .. وملعقة طحين القمح واعجنيهم مع زيت السمسم
ثم قومي بدهن الوجه كل ليلة قبل النوم وفي الصباح يغسل بماء دافئ
والصابون مع تكرار ذلك لمدة أسبوع ...


تقبلي شكري وتقديري
ام عدول

انا كنت نفسج بس لو تبين الصراحه الدكاترة مافادوني وااايد

العلاج يطووول ومافي فايدة :(

جربت كريمات وخلطات طبيعية وصرت اسوي تنظيف بشرة كل شهر وااايد احسن الصراحه وايد تحسنت بشرتي عن قبل

بس لو تبين دكاترة

انا مدحولي د/ بهيج الحلتة .... انا ماجربته بس صديقاتي رايحين له واستفادو منه بس غالي حبتين :)

وألما الرفاعي بعد يقولون زينة وحسن العبدالله مرت اخوي مجربته وايد زين بعد ..

وماتشوفين شر حبيبتي وان شاء الله كل هالاشياء تروح :)

تسلمين والله ياأم عدول ...وإن شاء الله بجرب الخلطة وياااااااااارب تنفع معاي..

نور الدوحة....مشكورة ياعمري...ودكتور بهيج للأسف عيادته مسكرة الى نهاية شهر 4.....اله يعيني وأصبر

أنا مو من قطر بس خليجنا واحد :)
حبيبتي روحي للطبيب أول
سمعت مرة الدكتورة سعاد عبدالرحمن اعتقد!! أو سعاد عبدالوهاب يمكن!!مادري بس اسمها سعاد أعتقد من الامارات يحطونها كذا مرة في تلفزيون دبي يسوون معاها لقاءات ( تأكيد ان خليجنا واحد ) :)
و ماشاء الله تبارك الرحمن الدكتورة حلوة شكلا و موضوعا و فاهمة عدل بالطب قالت :
في اشياء لو تعالجينها الحين تطلع بعدين فلازم تقضين عليها نهائيا و الحل اهوا حبوب رواكتين لمدة 6 شهور بس طبعا بوصفة طبيب و مضمون عقبها ما تطلع لج ولا حبه علشان جذي روحي طبيب جلدية احسن اهوا بيعرف لج

ما تشوفين شر عزيزتي شهد

هلا والله مناري....آنا فعلاً رحت لدكتور جلد وكتب لي حبوب الروكوتان وبديت أستعملها من اليوم ...بس وايد خرعوني منها وصرت واايد أوسوس....بس قال لي لمدة 3شهور بس.....ياليت اللي استخدمتها تقول اشصار معاها بلييييييز؟؟

أنا استعملتها
مدة 3 شهووور بس والحين ويهي ولله الحمد مافيه شي نهائيااااااااااااااااا بس آثار الحبوب ما راحت بسرعة لأن الدكتور كان بيسوي لي تقشير بعدين دخل فصل الصيف وقال التقشير مايصلح بفصل الصيف عطاني بس كريمات احماض الفواكه طولت شوي ( مده شهرين ) على ما صفا ويهي
الحين خالتي الحين تستخدمهم صار لها شهر بس قال لها لا تحملين وعطاها حبوب منع حمل معاهم وقال لها بعد ما تخلصين من الحبوب لا تحملين لمدة سته شهور بعد كورس الرواكتين بس خالتي قال لها 5 شهور تقريبا لأن حالتها اصعب شوي
اما بالنسبة لي انا لأني مو متزوجة فعادي خذيته بدون أي تحذير
المشكلة باستخدامهم لو كنتي متزوجة أو حامل بس والدكتور بيسوي لج تحليل كل شهرين تقريبا علشان يتأكد من وظائف الكبد واذا شاف انها بتضرج ماراح يكمل معاج
انتي ماسوالج تحليل وظائف الكبد قبل الاستخدام؟؟

لا والله ماسوى لي أي نوع من التحاليل!!!!!!!!!!!.....وايد خايفة منها ...وقالي بعد لاتحملين خلال هالفترة بس والله تفاجأت من كلامج (6شهور لا زم ماأحمل بعد الكورس!!!!!!!!!!!!).....بس الله يطمنج فديتج قولي لي متى بدت معاج النتايج تظهر؟؟؟؟...الله يستر بس.

انصحج تروحينللدكتور غازي في مجمع المنصور
بس يبغي علاج الجلد صبر

بدت النتيجة من أول شهر بس كان ويهي ناشف عالآخر و شفايفي بعد كانوا ناشفين بس بانت النتيجة عدل
شوفي حبيبتي روحي حق طبيب ثاني و ووريه الحبوب و شوفي شيقول انا سوالي تحليلين خلال 3 شهور علشان يشوف وظائف الكبد و خالتي بعد سوت تحليل قبل الاستخدام و عندها تحليل ثاني بعد اسبوعين اما عن سالفة الحمل فهو على حسب المدة اللي تاخذين فيها الحبوب

اهيا قالها لاتحملين خلال 6 شهور بعد الكورس لأن كورسها بالضبط 5 شهور و قال لها لو اشوف تحسن ملحوظ من 3 شهور بس ماراح اخليج تكملين لي ال 6 شهورو تقدرين تحملين بعد 3 او 4 شهور
هذي كلها حسبه يحسبها الدكتور قبل لا تاخذين الحبوب علشان تأثيرها اللي يضر الجنين يكون الجسم تخلص منه خلال نفس المدة اللي خذيتي فيها الكورس ويعطونج شهر زايد للتأكد فاهمة قصدي؟؟؟

لا تحاتين ان شاء الله بتشوفين النتيجة اللي تبينها و بدون اعراض جانبية بس مافيها شي لو استشرتي دكتور ثاني
ما تشوفين شر

تسلمين يامناري ....ماتقصرين

رااااانيا.....تسلمين ع المرور....غازي رحت له وماخلا دوا في الصيدليه ماجربه على وجهي وخذت مع علاجه مدة بس بدون أي فايدة