معاناتي انا مدري متى ارتاااح ؟!!!

[align=center]السلام عليكم ورحمة الله وبركاته

مشكلتي انا معانااااااااااااااااااة يابنات تعاني منها كل متزوجة ظروفها تشابه ظروفي ومحتااااااارة لدرجة اني مو عارفه افكر خلاااااااااص انشل تفكيري من التعب وياليت تساعدوني بحل منطقي وبفكر واقعي وعقلاني ...........
مشكلتي هي .... (الشغالة ) !!
صارلي سنتين زواج .. اول سنه احلى من العسل لاني كنت بدون شغاله .. زوجي الله يعطيه العافيه من اول ماملكنا وهو يقولي بجيبلك اول مانتزوج عشان ماتتعبين وانا رافضه هالفكرة نهائي .. ولما حملت اصر يجيبها ورفضت انا بقووووووووه ..
بعد ماولدت وصار عندي بيبي جاتني الوظيفة وانا بعيدة عن اهلي .. اقترح علي فكرة الشغاله ووافقت لاني مضطرة اترك البيبي عندها وقت الدوام بس لو ماكان فيه دوام اعتقد اني ماكنت احتاجها ووجع الراس اللي انا فيه ..
يابناااااااااااااااات سامحوني طولت بالحكي في المقدمة بس عشان اوضح لكم الصورة..
المهم .......
الشغاله هذي اندونيسية ( برغبة زوجي لان كانت عندي سيلانيه مؤقتة جابت له الضغط من غبائها)
الاندونيسية هذي اشتغلت قبل كذا ومن اول ماوصلت وشفتها بالمطار وانا مو مرتاحة لها ( طبعا فاهمين ) .. يعني كانت واثقة زيادة وشايفة حالها مره حلوه .. اهم ماعليها اذا كنا نبي نزور اهلنا انها تكشخ وتحط روج ومرطب يعني زي مااسوي هي تسوي .. وياليت ملابسها عاديه !! لاااااا تلبس ضيق وجاكيت قصير .. طبعا بتقولون ليش ماتقولين لها غيريه ؟ لاني اذا قلتلها ترفض وتقول انا ماراح اشيل عبايتي ( يعني اكرمينا بالسكوت ) .. بتقولون ليش تاخذينها ؟ لاني مضطره خصوصا عند اهل زوجي الدعوة رسمية ولازم هي تطلع تغسل للبيبي وكذا لو احتجت اغير له ..
مع الوقت صرت اتركها الصباح مع البيبي واترك عندها مفتاح للبيت .. يابنااااات ماارتحت لها نهائي مع اني ماضبطتها ولا مره بس احس انها تعرف احد .. تلفون البيت صارت تجي عليه ارقام ومكالمات لها تقول مره هذا زوجي ومره هذي بنت خالتي .. شخصيتها جريئة مرررره لدرجة الوقاحة واخلاقها مش ولا بد عشان كذا احاول اني مااحتك فيها كثير مجرد اوامر وامشي .. مع الوقت صارت مديرة البيت .. تفكر اني سايبه البيت لها تتصرف فيه .. صارت ترد بصوت عالي .. تتحكم بالمطبخ والبيت وتسوي زي ماتبي .. لاتقولون طيب انتي وينك عنها ؟ هذا كله وانا اضغط عليها .. سحبت منها المفاتيح وركبت لها جهاز تلفون عادي غير الثاني الكاشف اللي عندي وقلت لزوجي يهزأها شوي بس الانسانه هذي قوووووووووووووووويه وتعرف كيف تتصرف .. لما يصرخ عليها زوجي ترد عليه بكل ادب ( ان شاء الله بابا زي ماتبي ) .. بس انا ماادري شفيها علي ؟؟؟؟ احيانا احس انها تغار مني غيرة مش طبيعية .. تخيلوا ولدي ماتبيه يحبني ؟؟؟؟ اذا علمته كلام احب اسمعه منه والله تاخذه وتعلمه حكي ثاني مااحبه؟؟ خصوصا لما اقولها لا يقول كذا .. حتى ماما ماتبيه يقولها لي ؟؟ وتعلمه يقول لها ياامي ؟؟ كنت اشتكي لامي وكانت تهديني ؟؟ وكنت انحرج ابين لاحد اني مو مرتاحة معها بس مع الوقت المشكوف انستر .. حتى اهل زوجي مايحبونها .. زوجي كرهها وامي مو مرتاحة لها بس تحاول ماتبين لي .. عندها اغراض ماني عارفه من وين تجيبها ؟؟ لما نروح نزور اهل زوجي تاخذ معها شنطة البيبي فيها اغراض بسيطة وترجع بالشنطة مليانة .. عندها بطاقات تلفون وعندها فلوس .. لو تأخر الراتب شهر تجي تقولي وينه ؟؟ اول ماجتني كانت تطبخ ومع الوقت صارت ماتضبط الشغله حتى لو كان عندي ضيوف ؟؟؟؟ ومع الايام صرت انا اللي اطبخ ؟؟ تغسل ملابس البيبي .. اي حاجة غير كذا ماتغسلها تحطها مع الاغراض اللي ارسلها للمغسله .. تخيلوا يابنات اني افقد حاجات ماادري وين تروح والمشكله لما اسألها تتنرفز وتسوي بريئة والقى نفسي مضطرة اصدقها!!!!!!
بناااااااااااااات .. جننتني وطفشتني لدرجة اني فكرت كثير استغيل لاني ماكنت مرتاحة لجلستها وحدها في بيتي مع البيبي وفعلا حصل واستغلت بس الحمدلله بعد مافكرت كثير واستخرت واحس اني مرتاحة اكثر الحين ولما قلت لامي انا ابغى اسفرها قالت انتي انهبلتي خلاص تركتي الوظيفة وبتطيرين الشغاله وانتي حامل وتعبانه ؟؟ ايش راح يقولون عليك الناس؟؟ بس احس وجودها عندي متعبني ؟؟ لان وظيفتها الاساسيه وهي انها تجلس مع البيبي خلاص انتهت !! وهي الحين صارت ماتطبخ وماعندها شغل !! تجلس من الظهر لما المغرب في الغرفة ماعندها شي وبعد المغرب الى الليل نفس الشي ..
صرت مااطلعها معي برى البيت نهائي خصوصا بعد مافقدت خاتم الماس ثمييييييييييييييين .. سألتها عنه وبهذلت الدنيا وقلتلها دوري عليه في البيت وتسوي حالها معصبه ومنرفزه وتقولي انا ماشفته .. وانا ادور عليه تحت السرير تقولي خاتم كبير مايروح تحت .. وقبلها بفتره كانت تسألني عن اسعار الذهب الابيض ؟؟ انا لو ماربطت الامور كان ماشكيت فيها بس هي اللي خلتني اشك فيها مع انها ماتدخل غرفتي بس ماني عارفه كيف ؟؟ اشك انها اخذته لما كنا عند اهلي لاني تركت اغراضي في غرفة اختي ..
معجون اسناني رميته قبل فتره بعد ماخلص .. تخيلوا حصلته قبل شوي فوق الثلاجة ومعاه شفره غريبة مغلفة بحاجه .. انا متأكدة بكرا لما اسألها عنه راح تقول هذا معجوني والشفرة ماادري عنها .........

آآآآآآسفه يابنات طوووولت كثير بس ابيكم تساعدوني وخصوصا اللي عندهم خبره مع الشغالات والتعامل مع هالنوعيات لاني تعبت مررررره وصبرت كثيييير .. حتى حماتي تقولي ( ياصبرك عليها ) .. لا تفكروني من كلامي هذا ضعيفة شخصية وماقدرت اسيطر .. بس انا ظروفي تضطرني اكون معها كذا .. لانها ذكية وسامة مثل الافعى .. وانا بعيدة عن اهلى وخايفه على ولدي منها .. لاني ممكن في اي لحظه اكون مضطرة لانها تجلس معه واخاف تسوي له شي..

لاتقولون لي سفريها .... لاني مااقدر الحين .. ماادري متى تجيني وحده جديده وانا بعد 3 شهور انتظر المولود الثاني وزوجي بيسافر يدرس يعني ماودي اضغط عليه اكثر من اللي هو فيه الحين ...