أحسن وحده تحط مكياج في بوظبي

السلام عليكم

الف مبروك وان شاء الله ما تكون اخر الافراح ..

حبيبتي انا شفت مكياج وحده من البنات في عالم حواء اسمها ساره

مكياجها وايد حلو وهي من ابوظبي ..

وكذا بنت مجربين مكياجها .. انا ماجربته للامانه ..

جربي تسوين بروفه عندها يمكن يعجبج شغلها؟

هلا في فيج أختيه

و الف مبروك مقدما لاختج و دامت دياركم عامرة بالافراح

اممممممممممممم

جربي المكياج السبيشل عند مريم في عروس الخليج انا يعيبني مكياجها بس بينيلها انج فاهمه في المكياج عشان اتسويلج شي حلو و سعرهم بعد مناسب وايد

الف مبروك اختي , وان شاء الله الفرحه ما تفارقكم ابدا..
عندج وحده اسمها ساميه اتي البيت.
صالون باريس غاليري..
صالون دولا.
مركز هلن رشيد للتجميل..

السلام عليج والرحمه الغاليه سيري لزهرة الشهاامه وحده اسمها شمس بس مكياجها رووعه وتقدر تتعامل ويا كل البشراات والعيوون بالذاات

والله يوفق اختج وانشالله دوم مستانسين

اختج نوره

هلاااااا حبيبتي....

اول شي حبيت اباركلج..وان شاء الله ايامكم كلها اتكون سعاده...:shy:

انصحج اتسيرين صالون دولا...لان الصراحه دولا مكياجها لايعلى عليه..او انج اتسيرين عنده وحده مواطنة اسمها منيره مكياجهااا روووووووووووووووعه وتقدر اتيج البيت بعد...واتمنى اني افدتج...

اختج: امسح الدمعـه:cry:

السلام عليكم ورحمة الله وبركاته ..

اهلييييييييييين اختي الغالية ..

الصراحه وحده اسمها رندا .. الصراحه مكياجهاااااااا توووب والله ..

مكيجتني انا وأختي يوم عرسنا وكل من شافنا كل صدق انها ابدعت ابدااااااااااااااع ..

... بس الصراحه ما اعرف تيلفونها ..

أسألي عنها .. وهي تحط في المجلات صور لمكياجها ..

ما بتندمين وياها ..

تحياتي ..

السلام عليج .................... والف مبروك وانشالله الافراح تسكن دياركم للابد


اختي انا انصحج بمكياج رندا عجيييييييييييييب والله والنا من قبل مسوية عندها وبسوي بعد الاسبوع الياي عرس اختي


وصالونها اسمه الصالون اللبناني فشارع المطر الجديم

ألف مبروك حبيبتي و دامت دياركم عامره بالأفراح و المسرات إن شاء الله

في أبوظبي وايد ممكيجات مثل أم سيف و هلن الرشيد

هلن الرشيد مكياجها في الصالون أحلى من الصور اللي تعرضهن في المجلة

الف مبروك ... انا مجربة عن وحدة اسمها ( رزان ) لبنانية وتشتغل في صالون اسمه شانيلا ، ببناية الاودي اللي في الكورنيش بجوار بناية المرسيدس وابيلا سوبرماركت ...

ماكياجها روووووووووووووووعة انا جربته وامانة احاسب عليها يوم القيامة عن جد أعجبني مكياجها وطريقة تزيينها ، روووووووووووووعة ... وما راح تندمين

وعقبالك وعقبالي وعقبال كل بنات امة سيدنا محمد( صلى الله عليه وسلم )

بس ادعي لي ربي الكريم الرحيم يحقق لي امنيتي، اللى انتظرها من خمس سنين لين الحين