رجااااااااااااااء ساعدوني

أم سعيده مشكوره فديتج على الرد بس مافادني بشي لأنه يخص الشارقه ودبي
أنا أبا حد يساعدني ويكون يعرف بوظبي محل حل وشبر شبر
ارجوج اذا ترومين لا ترديني تراني احس اني ما بعرف اخذ شي ولا ادل مكان تصدقين اذا اقولج اني مادخلت صالون في حياتي
عشان جذي ابا مساعده من خبيرات المنتدى
ورجاااااااااااااء تساعدوني...انا على الله ثم عليكم

هلاااااااااااا الغالييييييييييية مبروووووووك مقدما والله ايوفقج ان شاءالله ويسعدج...

بكتب لج المحلات اللي اعرفها واتعاملانا معها في أعراسنا وأعراس ربيعاتي ...

اليلة الكبيرة للافراح تصويرهم وايييد حلللللللللللو واسعارهم مناسبة مكانهم الخالدية بعد السفير للأزهار * أخذي رقمهم من البدالة
- الصالون للمكياج عندج مريم محمد اللي كانت دوم اتحط اعلاناتها بالوسيط الحين افتحت لها صالون في شارع المطار فوق بناية برلين
مقابل بنك ابوظبي التجاري ...أسم الصالون مريم محمد اللافتة مالته لونها بنفسجي على وردي.... بتسوي لج مكياج في الصالون بــ2500 وممكن اتنزل انا حاجزة عندها لعرسي وبتيي للبيت بــ3000



- الحناء - عندج صالون الأشواق مكانهم شارع المرور أخذي رقمهم من البدالة
نقشهم ووووووايد حلووووووووووو وبيسون لج حنا كامل لليد واللين الركب للريول بــــــ800 وعلى حسب اذا ماتبين اطولين بالحنا بينزلون لج
وعلى فكرة حناهم وايد يصبغ ولونه رهيب وايد

تأجير الفستان -عندج حبابة في الخالدية جدام المهيري سنتر على الزاويه اسعارها مناسبة للكل بتلقين بـ3000 وبـ2500 في البداية بتقول لج بـ5000 بس ماعليج منها ترى اتنزل + رحمانيان في شارع حمدان اعتقد

محلات حق خدمات الأفراح عندج شارع الدفاع مليييييييييييان محلات لخدمات الافراح ...


واذا فيه شي ثاني ترى حاضرييييييييييييييين
تحياتي أختج ربشة

مشكووووووووووووووره واااايد حبيبتي....
ربشه اذا انت من بوظبي وعرسج قريب ممكن تقولين لي شو خذت للزهبه ووين رحتي وحصلتي هالأشياء
تكفين انا طمه في هالسوالف والجامعه ماخذه كل وقتي و لا أدل أروح مكان ولا أعرف شو أشتري
ياريت تساعديني وما بنسى جميلج.............

اسمحيلي اختي ماقدر افيدج لاني من دبي:down:

حبببببوبة عاشق الذااااااهبة .........هي انا من بوظبي وعرسي بالصيف بس بالضبط ماحددنا ......... ولكن جهزت قمصان النووووووم لانه كانت تنزيلات وخذيت من نعومي ولاسنزا وفكتوريا سيكرت .......... وخذييييييت مكياج اشوية مب وايد من فورايفر ومكياجي ومن ماك ... وخذيت شيل وفصلت عبي .. يعني يالسة اتجهز على راحتي وكل ماعجبني شي خذيته ,
وكريمات جسم ووالحين ناوية اروح للمعرض واشوف البخور وهالاشياء ....
والحين فرصة سيري لعبدالله حسين خنجي وفصلي عبي واخذي شيل من عنده لانه اينزل اشياء غريبة وفرصتج التنزيلات الحينه ........انا ناوية اسير له يوم الخميس ..

المهم الغالييييييية اي شي تبين تستفسرييييين عنه طرشي بالرسايل الخاصة وانا بساعدج بالتفاصيل عن المحلات والخيياييط ..وكل شي تبين اتعرفينه

تحياتي اختج ربشة

عندج في محلات وايد و اسعارها مناسبه,,,اختي نصيحة.. لا تشترين كله من الغالي نوعي ( حسب خبرتي ساعدت في زهبة حرمة اخوي)

عندج العبي و الشيل

عبدالله حسين خنجي و آنساتي,,

فصلي لج عبي سادة كم وحده
3 او 4 اطقم اكتبي الالوان عشان ما تكررينها...
1 طقم اللي اتي مثل التور و عليه شغل
1 طقم العباه المشكوكة و تكون غليضة..هي و شيلتها

كم شيلة (سوداء حمراء وخضراء و بنية و سوداء)


عندهم سوالف حلوة و غريبة بس اهم شيء لا تقولين لهم انج عروس
طبعا بتحتاجين الوان

المخاوير.. و الجلبيات

عندج شعاب حق الفصوص في شارع المطار
المقص الماسي و الدار حق الكوريشية و الجلبيات الخفيفة.. و عند المقص الماسي خامات حلوة احلا من السوق ( عدال جمعية المشرف)

في محل عدال جمعية المشرف اسمه (ام حامد)

عندهم شيل صلاة و جلبيات للبيت حلوة و غريبة في نفس الوقت...

اشتري 3 اطقم فوط...واحد اللي اي معاه الروب و 2 العاديات...(في محل اسمه هوم ار اس في مركز الذهب فوق و في داخل ناعومي فوط حلوة)

الملابس الداخليه خذيهم من ايوب و ماركس سبنسر ( خذي اطقم و ملونات و عاديات ولا تنسين اللي حق الدورة غير عن ما الايام العادية في محل اسمه فتاه 2000 داخل المارينا الطابق الثالث في سوالف حلوة و اسعاره مناسبه.

بالنسبة للتصوير الليلة الكبيرة و العدسة الذهبية و استيديو خالدة...

للحناء عندج صالون الاشواق و عيون المها و النقوش الجميلة..

و الخدمات فنتازيا وايد حلو..

اما الباقي الخوات يقدر يساعدنج...ما اعرف عن الصالونات اللي للبشره و الشعر...و الفساتين الوسيط في داعايات وايد سيري وجوفي علي عينج تري الاذواق تختلف من شخص الى اخر.....

موزة الحبوووبة حبيت اعرف محل أم حامد وووووووووووين بالضبط لانه كذا وحده تمدح ام حامد وانا سرت للجمعية دورته مالقيته ... يالييييييييت توصفينه وين بالضبط ؟؟ وين

كان ودي اساعدك لكن انا من الكويت (r)

الله يعييييييييينك!!!!!!
بالتوفيق