كدمة في بطني.. ساعدوني ماعرف شو فيني ..

السلام عليكم خواتي ..

احب اني اقولكم سالفتي واتشاركوني فيها دام اني عيزت من كثر ما اسأل ..

السالفة وما فيها.. انه صار لي اسبوع احس انه فوق عند بطني يعني ما اظن انه مكان الجنين عندي الم بس في منطقة وحدة والألم تعرفون مثل شو ؟؟؟

مثل ألم الكدمة الي تكون في الريل او اليد .. :down:
وما شي اثر ضربة ولا شي ولا اذكر اني تعورت هناك ابد .. واحيانا احس الألم مثل الجرح المفتوح الي يحرق ويألم حتى يوم اضحك احس بالألم في بطني .. وكل يوم احسه ينزل شوي لتحت..

سرت المستشفى عشان اتأكد لانه الويع مش طبيعي ..:cry: ولأن والبيبي ما احسه يتحرك وايد من يومها ويوم سرت المستشفى سوا لي صورة وقالوا لي كل شي اوكي البيبي ما فيه شي لكن ما اهتموا بالويع الي فيني .. يقولون انه عادي ممكن رفسة البيبي :down: والكلام ما يدش راسي انا الحين في نص السابع واعرف كيف ضربة البيبي وغير جي الألم فوق بطني مش تحت ابداً

وامي نفس الكلام تقوله .. طفروبي :sad:
والحين انا عيزت.. البيبي صار له تقريبا يومين مب راضي يتحرك . احرك بطني اسوي كل شي عشان يتحرك شوي مب راضي .. تقول امي يمكن راقد .. اقولها مب يومين عاد وغير جي مع هالحركات كلها ما اظن انه ما بيتحرك شوي ..

وما ابا اسير المستشفى لانهم طفروبي ما احسهم يسوون شي عدل .. خبروني شو اسوي ؟؟ وشو هالويع الي فيني ..

وابا اعرف بعد من وين اقدر احصل الجهاز الي ممكن اشتريه عشان اسمع بنفسي دقات الجنين ؟؟ لاني دورت في الصيدليات ما حصلت ..

اترياكم يزاكم الله خير ..