معرض القاهرة الدولي .....كل اللي زاروه واشتروا منه

:smile: انتي اون لاين معايا ..

بصي يا ستي انا رحت السنه اللي فاتت واللي فاكراه ان الملايات و ادوات المطبخ كانوا تحفه بس انا مجبتش حاجه عشان كنت مفلسه رايحه اتفرج و اتحسر وبس ..المهم ان انا اعرف بنات بيستنوه من السنه للسنه و بنات صحابي بيحوشولوا وتقريبا مجهزين منه اغلب حاجاتهم ..
انا هابقى روح لما يبدأ و اول ما اجي هاكتبلكم نشره مفصله باللي حصل و اللي شفته و انتوا بقى حددوا تروحوا وللا لا.

فتاة مسلمة تسلمي لي

بس الملايات كانت في جناح مصر بتاع المحلة
والا دول مختلفة
يعني حاجات مميزة زي اللي في محلات وسط البلد والا عادي


وعلي فكرة ل الاسف المعرض اتاجل ل 24مارس

انا كمان رحته مع فتاة مسلمة :shy: وفعلا كان رووووووووووووووووووووووووووووووووعة
وكل حاجه فيه احلى من التانيه سواء ادوات المطبخ او المفروشات او اللحفه الفايبر او اللانجري او الشنط
واكتر حاجه كانت عجباني قوي قوي فية محل بيبيع شموع رووووووعه
وان شاء الله هروحه لما يفتح اجهز منه

ضي النهار

تسلمي علي ردك عليا

بس الاسعار عاملة ازاي غالية والا عادية
حلوة يعني

؟؟


وبعدين هو زي بتاع القرية العالمية في دبي كده يعني

لا ما اقصدش الامكانيات طبعا؟؟

انتي عارفا هنا كل حاجة علي ادها

اقصد يعني مثلا تلاقي معرض للهند وتلاقي فيه عبايات هندي وزيوت وحاجات من دي

وتلاقي معرض لدول خليجية وفي حاجات منها وكده

والا منتجات عادية وخلاص

انتي فاهمة قصدي ياريت تشرحي لي



انا زعلت اوي عشان اتاجل
لهيكون يوم الخميس وعيد الام يوم الاتنين واللي بيستهبلوا

السلام عليكم ورحمة الله وبركاته

المعرض حلو طبعا أنا شخصيا جهزت معظم الحاجات من هناك هو رائع
أولا المفروشات فعلا حلوه
عندك يا ستى السورى و الهندى مفارش سريرللعروسة أو أطقم ملايات طبعا مصرى
ومفارش سيرما سورى وهندى و كمان صينى للترابيزات و للسفرة
فية جلابيات
و لانجيرى
أدوات مطبخ


لما تتجولى فى المعرض سوف تجدى أحدث المودلات فى الجهاز أى اثاث المنزل من سيرايك مطابخ و حمامات
غرف نوم سفرة أنتريى صلونات

حتى الديكور على الأقل تأخذى فكره عن كل المنتجات فى مكان واحد بدل ما تلفى الجمهورية
و فى تخفيضات على السجاد

شوفى كل حاجه ممكن تتخيليها هتلاقيها ميعاده للجمهور من يوم 18-25 مارس 2005

شكرا يا نسرين

بس انا قريت انه اتاجل افتتاحه ل 24 مارس عندك فكرة

وياريت لو تتاكدي لنا

فتاة مسلمة
انتي حيرتيني انتي مصرية والا يمنية

؟؟

بصي

انا اتاكدت وعرفت ان المعرض بتاع القاهرة الدولي
هيفتتح للجمهور من النهاردة الجمعة عشان عيد الام

انا ان شاء الله ناوية اروح النهاردة
عشان اشتري هدية حماتي واخلص

ولما ارجع هحكي لك علي كل حاجة

يا جماعه ربنا يكرمكو قولولي هوا المعرض اتفتح ولا لسه ولو كان اتفتح هوا مدته قد ايه
لحسن انا سمعت انه هيقفل يوم الاربعاء الجاي مش معقول اصلا دا لسه مقعدش

عفوا بس المعرض هذا باي دولة؟

في القاهرة

عليكم بالعافيه حبيباتي

يابنات ..انا رحت المعرض النهارده واليكم النشره المفصله:

1: المعرض تحفه جدا جدا وفيه كل حاااااجه
2: الاسعار حلوة جدا و معقوله لحد كبير بس محدش ينسى الفصاااااااال
4: اول مره تنزل خامات بالنضافه دي في معرض
اما العيوب بقى :
1: محتاج لف كتير اوي يعني يأما يوم من أوله يأما تنزلوا على مرتين
2: الحاجات الحلوة بتتخطف يعني لازم تنزله بدري جدا
3: اجنحه لبلاد مش كتير بس مهمه قفلت و منها جناح الهند الخاص بالمفروشات و الملابس (سألت وحده بتتلكم هندي لوندي مش عارفه يعني وبعد جهود مضنيه فهمت ان المفروشات و الملابس خلصوا ومشيوا:s )
4:السر بقى اللي عرفته ان من يوم التلات او الاربع تقريبا كان بيدخل جمهور مع رجال الاعمال..اكيد دول هو اللي شطبوا على الحاجات الحلوة..بس اطمنوا لسه في حاجات حلوة بس بأمانه بتتخطف

انا بقى جبت ايه ...جبت شكمجيه تحفه مش زي اللي احنا عارفنها و الله انا كنت بسأل الراجل على سعرها في نفس الوقت اللي اتنين كانوا بيسألوا معايا بس اختكم بصتلهم بصه ..اتعربوا يعيني و خرجوا بكل ادب:D2
بكام بقى ..انا كان معايا واحده صحبتي بتفهم اوي في الحاجات دي قالتلي الشكمجيه دي مش اقل من 250 ..سألنا الراجل قال ب180وكمان منزلين سعرها عشان المعرض واداني الكارت بتاعه و قالي شرفينا في فرعنا اللي في مدينه نصر وشوفي بنفسك..خدتها بقى انا بكااااام...خدتها ب 100 ..والراجل كان هيعيط بس انا طنشته ..
جبت كمان اندرويرز وهم وهم وهم بس دول سعرهم غالي بالنسبه للموجودين وده لانهم ماركه مروفه اسمها الامبراطوره وقطن صافي100% يعني جبتهم تلاته ب 18 جنيه ..وان كان السعر معقول لو قارناه بمحل في مول مثلا ..وجبت طقم كدا عباره عن بدي كت و الاندر بتاعه برضه قطن صافي ولونه روعه ب 11 جنيه
وبكره هاروح تاني بقى للمفروشات بس النهارده اليوم طار..ان شاء الله هاروح برضه و اقولكم

صحيح يا مصراويه ..انا يمينه بس عايشه في مصر من 14 سنه و ماما مصريه و خدت الجنسيه المصريه ..يعني ميكس

فتاة مسمله

عليج بالعافيه حبيبتي

من كلامج حسيت المعرض حلو

جان زين يسون مثله عندنا

و اسعااره حلوه وايد

بس ممكن اعرف يعني شنو شكمجيه؟؟

فتاة مسلمة

انا رحت المعرض وفعلا حلو اوي

وهقول لك علي كل اللي عجبني
بس مش قادرة دلوقتي

يوميها اتغدات برا البيت وعندي نزلة معوية جامدة اوي والله مهدودوة مكاني مش قادرة

مصراويه الف سلامه عليكي ..خدي بالك من نفسك ممكن يكون برد اصل الجو متقلب اليومين دول

اختي رعبوب ..جزاكي الله خيرا اختي..

بالنسبه لمعنى شكمجيه ..عارفه الصناديق الصغيره بتاعة الذهب اللي بتكون خشب و مشغول عليها بالنحاس كده ؟؟لو جيتي مصر قبل كده اكيد كنتي هتشوفيها كتير اوي في خان الخليلي ..اهي دي بقى اسمها شكمجيه

اهااا

اي احنا عندنا نفس الشي و يسمونه الصندوق المبيت