تعالو اوريكم وش شريت كبرنامج العنايه ببشرتي وجسمي قبل الزواج

السلام عليكم والرحمه

يابنيات امس طلعت للسوق ،، ابي اشتري مستحضرات عشان اهتم بجسمي وبشرتي قبل الزواج ..
فتكفون اذا حد مجربها منكم من قبل يعلمني .. والله شريتها ونصحوني فيها كثير بس حيل خايفه ..
اخاف مايفيدوني ويضيع الوقت على الفاظي ..

المهم انا بخبركم شو شريت وشنو قالوا لي عنهم اصحاب المحل عشان افيد اللي يدخل الموضوع مثل ما استفيد ..
وبليززززززززز اي احد جربها يخبرني ..

ببتدي بمجموعه البشره ..
اول شي انا بشرتي مختلطه واحيانا تطلع فيها حبه هنا او هنا .. ماعندي مسامات كبيره الحمد لله بس شوي فيني روس سودا .. لاني دوم اسوي تنظيف لبشرتي .. فبشرتي ماتحتاج عنايه خاصه بشكل مركز .. لكني اتمنى شي يوحد لون بشرتي وينورها وقلت له هالشي ،، وخبرته اني ابي اسوي تقشير كريستالي مو لان بشرتي فيها ندوب او خرابيط لا بس ابي اسويه عشان يرجع لون بشرتي الاصلي وتتوحد .. فنصحني بشيسيدوو وشانيل .. وبـ شانيل اكثر لانه يقول ان المستحضر الاساسي فيها مستخلص من عرق السوس .. يعني شي طبيعي ..
وبيني وبينكم اللي خلاني اقرر على شانيل هو نوعيه البرنامج حقها .. مريح .. قالي ان جيرلان لو استخدمتها راح اظل اكرر العلاج كل سته شهور .. وشيسيدو وشانيل لا .. وبنفس الوقت شيسيدو حيرتني لان مستحضرات التبييض حقتها عباره عن 12 منتج واهمها الغسول والتونك والسيروم وكريم النهار ومافيه كريم ليل وحاطين بداله قناع مدري زيت مساج بصراحه نسيت المهم مافيه كريم لليل .. لكن شانيل عددهم سبعه ومانحتاج منها الا سته وهم اما حليب منظف للبشره او رغوه + تونيك + سيروم+ كريم نهار + كريم ليل + كريم عنايه مكثفه ..

وسئلته هل هي تناسب البشره الدهنيه والمختلطه بمعنى هل بتسد المسامات الصغيره وبتشيل الروس السودا وبتوازن البشره فقالي ان مستحضرات التببييض اصلا وبالاساس يسوونها تناسب بشراتنا الدهنيه لان البشره الدهنيه هي اكثر بشره تعاني من عدم توحد اللون ومن الاختلاف في اللون .. فقالي انها بتعالج البشره بالاضافه لأرجاعها للون الاصلي لي لما كنت طفله واللي هو قالي بيكون لون يدي من الداخل .. مو الكف لا فوق الكف " اول الذراع ..

المهم المجموعه هي :


الخطوه الاولى :
التنظيف ..
فيه 2مستحضرين .. رغوه +حليب منظف ..
طبعاً انا ارتاح للرغوه اكثر فأخترتها
وهذي هي :


الخطوه الثانيه هي التونيك :



الخطوه الثالثه هي السيروم :

وهذا المستحضر يسمونه المفتاح للتبييض .. مهمه هالخطوه ..

الخطوه الرابعه :
كريم النهار مرطب وواقي من الشمس


الخطوه الخامسه :
كريم الليل ..

هالخطوه قالي اطبقها بعد ما استخدم الخطوات اللي راحت كلها ماعدا كريم النهار طبعاً .. بما فيهم السيروم قالي اكرر استخدامه بالليل ..

الخطوه السادسه :
العنايه والحمايه المكثفه اليوميه ..

وهذا استخدمه يومياً الصباح فقط ..


هذي هي المجموعه كامله ومابديت استخدمها للحين ودي انتظر لين اخلص النظام اللي ماشيه عليه الحين ..
وعلى فكره انا سئلت البايع وش استخدم اول مستحضرات للعنايه ببشرتي او التبييض قالي التبييض بعدين المستحضرات اللي تناسبني واللي هي الايج ديلي ..


هذا هو القسم الاول من مجموعه العنايه اللي اخذتها وناويه اطبقها .. اتمنى تكون فادتكم واتمنى منكم في حال جربتها اي عروس منكم انها تقولي بالنتايج .. عسا اتحمس هههههههههه

وانتظروني في الجزء الجاي بعلمكم وش شريت بعد كعنايه لجسمي ..
وسوري طولت عليكم ..