سؤال أرجو الإجابة عليه

ليش حبيبتي عسى ما شر ان شاء الله البيبي ما فيه الا العافية مسامحة اول اسمع عنه

مي تو اول مره اسمع

انا اللي اعرفه انو فيه غير الالترا ساوند .... 4D هذي يشيكون اذا كان فيه اي تشوهات في الجنين لاسمح الله ... وغير كذا ممكن تشوفين ملامح البيبي وتكون عندك صورة حلوة له وهو في بطنك ....
اما اللي قلتي عليه ماادري اذا هو نفسه اللي اقصده ولا لا .... اتمنى اكون افدتك ....
والله يتمم عليك على خير ويقومك بالسلامة .....

امسامحه ما عندي فكره بس طمنينا اختي ليش تسالين عنه خير ان شاء الله.

[CENTER]في مجلة سيدتي عدد قديم كان مذكور نوع من أنواع الأشعة تنعمل للحامل اذا لاحظت الطبيبة طول في رقبة الجنين ( مما يدل على الاصابة بمتلازمة داون ) او اي تشوه خلقي آخر وبعد ال ultra sound تسوي نوع ثاني من الأشعة بس مو ذاكرة الأسم

بدور في العدد وأرد لك خبر لو شفته

وسلامتك

هلا اخواتي


الأشعة اللي ذكرتها نوع من الأشعة الألترا ساوند


وراح اعملها بس عشان اتطمن بس الدكتورة تقول إني أنا والبيبي بأحسن ما يكون


الله يعطيكم العافية ويرزقكم من خيره يا رب

انا بصراحة ما سمعت عن هالاشعه
المهم انج والبيبي بخير وهذا اهم شي
وطمنينا بالولادة ان شاء الله

تحياتي

هذا النوع من الأشعة موجود في مستشفى البحرين التخصصي


وانا بعد ما اعرف شي عنه الا انه يكشف اذا كان فيه تشوهات في البيبي


وعن الولادة أختي للحين باقي مجال لأني للحين في الخامس وهذا أول حمل لي


أنا متزوجة من شهر أكتوبر


الله يعطيكم العافية ويسهل كل أموركم يا رب



دعواتكم

الله يسهل عليج الغالية

تحياتي

اختي مدام انتي والبيبي بخير ليش هل الاشعة ما تحتاجينها

الله يعطيكم العافية أخواتي


أنا والبيبي الحمد لله بخير مثل ما قالت الدكتورة


بس هذا أول حمل لي وأنا في الشهر الخامس


واللي يشوفني ما يعرف إني حامل ما تبين البطن للحين



يا ريت اللي عندهم خبرة يخبروني من أي شهر صار الكل يعرف انهم حوامل


والله يحقق اللي في بالكم يا رب

ترى في ناس كثيير مايبين بطنهم في الحمل كثير وان شاء الله مافي الا الخير :)

إن شاء الله


الله يعطيك العافية أختي

اختي في نهاية الشهر السادس ابين اعرف وحدة لسابع وهي بطمها خفيف يدون يبين مثل الكرشة الخفيفة لكن من وصلت التاسع كبر بطنها بسرعة الله يتمم حملك على خير

الله يعطيك العافية ويسلمك أختي


ما قصرتي أختي Dark Star

وكل أخواتي الله يعطيكم العافية

هلا عيوني

انا هنا في كندا بيخيروك ادا تبي اتسوي هدي الاشعه حتى اتشوفي ادا الجنين مشوه ام لا بعيد عن السامعين
المهم انا في المرتين رفضت اني اسويه بصراحه يعني لو عرفت انه مشوه راح اسقطه طبعا لا فليش اتعب حالي

اللي يجيبه الله كويس وهم هنا بيسوونه حتى لوعرفوا ان الجنين مشوه بيكون عندهم وقت لاسقاطه طبعا اللي يريد دلك

فحبيبتي لا اتسويه ولا شي وان شاء الله مافيه الا الخير والعافيه ويجيك بيبي زي القمر

تحيااااااااااااااااااااااااتي

نفيسه

الله يعطيك العافية أختي نفيسة


أنا لما فكرت في الموضوع لقيت أنه عن جد ماكو فايدة من هالأشعة


ومثل ما يقول زوجي انهم برة يسوون هالأشعة عشان اذا الجنين مشوه يسقطونه


وأنا ما راح أسوي هالشي بس حابة أتطمن


الله يرزقج اللي في بالج يا رب