بنت ند الشبا تعالي المموش والمربين ناطرينك

وان شاءالله المربين قريبا

مشكوووووووووووره الغاليه عالطريقه والله استانست وايد يوم شفت ردج...وانشالله اتريا منج طريقه المربين لاني اعتقد هو اللي انا ماكلتنه كان معاه ربيان وصلصة الدقووس وانا ادري انج ما بتقصرين وبطرشين الطريقه قبل نهايه الاسبوع عشان اسويها يوم الخميس:)

سؤال اختي مريم .. المموش ينوكل مع شو ؟ خالي بدون شي يعني بس الماش والرز؟ ثاني شي لما اضيف الارز عالماش هل الارز يكون مستوي ؟ لانه حسب علمي انه الرز ماياخذ وقت لين ما يستوي بس الماش يباله فتره اطول عالنار والا انتي شو رايج

اتريا ردج الغاليه

[CENTER]
السلام عليكم ورحمة الله وبركاته



غاليتي ..
تسلمين على المموش ربي يعطيك ألف عافية
نترقب جديدكِ

تقبلي شكري وتقديري
ام عدول

بنت ند الشبا:
مشكوووووووووووره الغاليه عالطريقه والله استانست وايد يوم شفت ردج..

ان شاءالله دوووووم مستانسه حبيبتي


.

بنت ند الشبا:
وانشالله اتريا منج طريقه المربين لاني اعتقد هو اللي انا ماكلتنه كان معاه ربيان وصلصة الدقووس وانا ادري انج ما بتقصرين وبطرشين الطريقه قبل نهايه الاسبوع عشان اسويها يوم الخميس:)..

ان شاءالله اليوم بحطها لج

بنت ند الشبا:
سؤال اختي مريم .. المموش ينوكل مع شو ؟
خالي بدون شي يعني بس الماش والرز؟

لا يقدم الحشو مع المموش ولا المرق انما يقدم الدقوس فقط:smile:

بنت ند الشبا:
ثاني شي لما اضيف الارز عالماش هل الارز يكون مستوي ؟ لانه حسب علمي انه الرز ماياخذ وقت لين ما يستوي بس الماش يباله فتره اطول عالنار والا انتي شو رايج

اتريا ردج الغاليه

حبيبتي

بعد ما تسوين الخطوات الثلاثه الاولى :smile: تضيفين عليهم الماش وتخلينه يغلي لمده 5 دقايق

بعدها حطي الارز على الماش وخليه يغلي لمده 45 دقيقه

وبس:smile:

واذا في اي نقطه مو فاهمتها من عيوني اسالس وان شاءالله بجاوبج :smile:





ام عدول / شكرا على الرد

المربين

حبيبتي بنت ند الشبا في طريقتين للمربين

الاولى ويكون الربيان طري:

المقادير:
نص كيلو ربيان
دارسين
مسمار
حبات هيل
زيت
رز
قليل من البقدونس
بصله كبيره
ملح وبهار وكركم
نص كوب ماش

الطريقه :

1- ينقى الرز والعدس كل على حده ويغسل ويوضع في المصفاه

2- ينزع قشر الربيان ويغسل جيدا عده مرات

3- يوضع الربيان في اناء ويضاف له البصله المفرومه واعواد الدارسين والمسمار وحبات الهيل والبهار والكركم

4- يرفع الربيان على نار متوسطه الحراره ويغطى مده 10 دقايق ثم يسقى بالماء بحيث يعلو مقدار الربيان ويترك حتى ينضج حيث يضاف الملح


5- ترفع ثلث كميه الربيان الناضج في اناء اخر بعد تصفيتها من الماء ويضاف لها ملعقه كبيره زيت وقليل من البهار والكركم والبقدونس الناعم وتقلب على النار عده دقائق

يرفع الحشو جانبا للتزيين


6-يخلط الرز والعدس في قدر واسع ويقلب بملعه كبيره من الزيت عده دقائق

7-يضاف له الربيان بمائه ويخلط الاثنان على النار

8- اذا لم يكن ماء الربيان يكفي لتغطيه الرز يسقى بماء مغلي بحيث ترتفع كميه الماء بمقدار 2سم تقريبا

9- تخفض درجه الحراره ويترك على نار هادئه جدا حتى ينضج تماما (حوالي ساعه ونص )

10- يسكب المربين في اطباق التقديم ويغطى وجهه بحشو الربيان المعد ثم يقدم

وبالهناء والشفاء:smile:

الثانيه (ربيان يابس) :

المقادير:

كوبان رز
بصله كبيره مفرومه
ملح وبهارقليل من الهيل والدارسين الناعم
ربع كيلو ربيان يابس

3 ملاعق كبيره زيت

ربع كوب ماش

الطريقه :

1- ينظف الربيان ويغسل وينقع في الماء مده 24 ساعه

2- ينقى الرز ويغسل ويترك جانبا في المصفاه وكذلك الماش

3- يرفع الربيان من الماء ويدق في الهاون النحاسي

4- يحمر البصل على النار بدون زيت ثم يضاف الزيت والربيان المدقوق والهيل والدارسين والملح والبهار ويقلب الجميع على النار

5- يرفع نصف مقدار حشو الربيا جانبا

6- يضاف الرز والماش للمقدار الباقي من الربيان ويقلب الجميع على النار ثم يسقى بماء مغلي مع اضافه مقدار من الملح حسب الرغبه وملاحظه ارتفاع الماء عن الوجه بمقدار 3سم

7- بعد ان يبدا في الغليان يترك على نار هادئه جدا حتى يتم تسكيره ويوضع الحشو المتبقي على وجه الرز حتى يبقى ساخنا

8- يسكب في الطبق المعد لذلك ويغطى بالحشو ويقدم


لا تنسين اختي بنت ند الشبا الطبخه من بيت لبيت تفرق في ناس تزيد بالبهارات وفي ناس تنقص عاد انتي وشطارتك

وبالهناء والشفا

بنت ند الشبا في ناس تسوي لها بهارات خاصه فيها بالاضافه الى اللي الموجوده بالمقادير وفي ناس لا تبدل وتغير في البهارات كل وحده وذوقها يعني احتمال المربين اللي كليتيه يكون احلى من اللي بتسوينه او اللي بتسوينه احلى من اللي كليتيه

يعني انتي وشطارتك بالطبخ

المربين على طريقه الماما الله يطول بعمرها :

المقادير :

رز
ماش
ربيان
بصل
فلفل اسود
كاري
مكعب ماجي
ملح
ليمون اسود ( مطحون ) ملعقه واحده فقط
ثوم
زيت

الطريقه :

1- بعد غسل الرز والماش تنقعيهم مده خمس دقايق كل واحد بروحه

تحطين البصل على النار بدون الزيت الى ان يحمر لونه بعدين تحطين الزيت والكاري والفلفل الاسود والماجي والملح والليمون الاسود والثوم وتقلبينهم بعدين تضيفين عليهم كميه من الربيان وتقلبينهم بعدين تخلينهم على جنب = ( حشوه )

بعدين تحطين العيش والماش بماي مغلي وتضيفين عليهم شويه من ماي الربيان عشان ياخذ النكهه

خليه على نار هاديه بعد فتره قصيره وبعد ما يشرب شويه من الماء حطي الحشوه فوقه عشان تاخذ حرارته

واذا بتضيفين نكهات وبهارات ثانيه على ذوقج كيفج

وبالعاااااااااااااااااااااااااااافيه

هذي طريقه الوالده وانا اقولج طريقه الوالده طعهما روعه ما شاءالله مقاديرها احلى ونكهتها اطعم خاصه ان اول طريقتين انا ماخذتهم من كتاب طبخ ودايما شغل البيت احلى من كتب الطبخ صح ؟:smile:

[CENTER]


يامال العافيه مريوم

ذكرتيني بدرب الزلق يوم حسينو يتحلطم على امه كل يوم اكلهم مموش خخخخ تصدقين من زمان امي ما سوت المموش ... خاطري فيه الحين


بنت ند الشبا حبيبتي شنو معنى اسمج ؟ من زمان ودي اسألج هالسؤال ولقيت الفرصه :D



جويل

لوووووووووووووول جويل
اي والله
هههههههههههههههههههههههههههههههههههههههههههههههه

[foq]مشكوووووووووووووره اختي [color=#660033]مريم عالطريقه وانشالله باجر بسويها لانه اليوم مشغوله شوي بس ما يامر عليج عدو ابا طريقه الدقوس وهذا اخر طلب لي لاني احس تعبتج معاي
وانا ودي اجرب الطرق كلها بس انشالله بجرب طريقه امج الله يطول بعمرها لانه من مصدر موثوق :)

جويل معنى اسمي :) ند الشبا منطقه معروفه في دبي وبما انه خطيبي عنده ارض في هالمنطقه وانشالله يبنيها قريب ف انا سميت نفسي بنت ند الشبا

Thanks to All[/color][/foq]

تعبج راحه بنت ند الشبا

اول شي تعرفين صلصه الH.B ؟

المربين والمموش خاصه المربين له صلصه خاصه (دقوس صبار ) مثل صلصه الاتش بي

اول شي الدقوس العادي :

المقادير :

طماط
زيت
ثوم
معجون طماط

تحطين زيت بالمقلاه وتحطين عليه معجون الطماط وتقلبينه بعدين تضيفين عليه الثوم وتقلبينه

تاخذين الطماط وتفرمينه (له اله خاصه فيه ) بعدين تضيفينه على الخلط وتقلبينه وبس

صلصة الاتش بي اول مره اسمع عنها ليكون تقصدين التباسكو ؟ ممكن اتوضحين اكثر شنو هذا وهل له مكان خاص ااقدر اشتري منه

واشكرج

اسفه بنت ند الشبا على التاخير

اول شي طمنيني سويتي المربين ولا لأ؟

بالنسبه للاتش بي

شفتي الكتشب العادي هي مثله لكن لونها بني ( وتستخدم للحم والستيك بشكل خاص ) ( هي ثقيله مثل الكتشب بالظبط لكن لونها بني ) هي بطل زجاجي مثل الكتشب عليه لزقه زرقه مكتوب عليها اتش بي

شوقتونا ..................
راح اسوي عن قريب ......

مشكووووووووووووووورة

مشكوره حبيبتي ويعطيكي العافيه