ابي مساعدتكم يا بنات .... حدي متوهقه

ا

الجادل

عروس رائعة

10-03-2005 | 03:37 AM

مرحبا بنات ...

انا متوهقه حيييييييييييييل

عرس بنت خالي بعد شهر

ومالقيت صالون عجبني

حنان دشتي خرب شغلهم اخر مرة لعبوا بوجهي ...:)

وساس اللي انا احب شغلهم المرة اللي تسويلي هي فيفي طلعت مسافرة :)

ماكو الا دينا الللي تمكيج العرايس وسعرها 80 دينار اذا بتسوي لغير العرايس من غير رموش وكريم جسم

امنت بالله وقلت اوكي اسوي عندها

بس طلعت الحجز 20 عروس غير المرافقات ... يعني انا متى اخلص ؟؟؟؟

والمشكلة الثانية العروس اللي هي بنت خالي تبيني اروح معاها بنفس الصالون ...

هي بتروح لصالون كويت كونتننتال وحاجزة عند الهام ...

انا رحت لهم امس وشفت مكياجهم ... صراحة كأن البنات رايحيين سيييرك

مو حلو مكياجهم ...

شسوي؟؟

ساعات اقول ان المكياج حسب تقاطيع الوجه ... وحسب الطلب

يعني اذا فهمت الخبيره شنو ابي بتضبطلي المكياج...

وساعات اقول اخاف انها تدهورني وتلعب بوجهي ؟؟

انتوا شرايكم ؟؟

شووروا على تكفون؟؟

ل

لوعة الفرقا

عروس مشاركة

10-03-2005 | 03:55 AM

هلا اختي الجادل نصيحتي لك لا تروحين كونتيلنتال ترى مكياجهم مو شي حتى للعرايس اذا تبين فيه وحده تمكيج تجي للبيت مكياجها روعه ورخيصه بعشرين مع كريم جسم ورموش انا حطيت عندها بعرس اختي الكل يسالني عنه اذا تبين رقمها قولي لي

ا

الجادل

عروس رائعة

10-03-2005 | 04:00 AM

اي ما عليج امر

بس يكون مستواها راقي يعني ما ابي سوالف كريييم جبس ابيض

او زري وقليتر حول العين

ولا ابي شي ناعم من الاء دشتي وعبير الياسين

اتمنا تكونين فاهمة قصدي

ادري ذوقي صعب :(

م

ملاذ الحب

مشرفة سابقة

10-03-2005 | 09:51 AM

انا اول ماقريت انه اللي تبي مساعده الجادل قلت اساعدج
بس خساره مالي بالصالونات الكويت

ان شاء الله اذا احتجتي شئ من الدوحه احنا في الخدمه

وان شاء الله تطلعين احلى من كل البنات
تعالي انتي تقولين انه الصالون اللي بتروحه له العروس يخلون البنات كانهم في سيرك
اخاف يخربون مكياج العروس حرام
ليله من العمر
حاولي تغيرين رايها

a

angel eyes

مشرفة سابقة

10-03-2005 | 10:54 AM

شو يعني كريم جسم؟؟؟؟ ما عندنا هالشي في الامارات...او يمكن مسمى ثاني

ض

ضي_البدر

عروس مبدعة

10-03-2005 | 11:58 AM

هلا اختي الجادل
باكتب لك الرقم بالخاص
بس صدقيني روعه مكياجها
انا طلع شكلي نفس مكياج حليمه بولند
يعني اظن ان مكياج حليمة راقي
وانتي قولي لها على طلبج

ض

ضي_البدر

عروس مبدعة

10-03-2005 | 11:59 AM

هلا اختي الجادل انا لوعة الفرقا
هذا نك اختي وكتبت لك فيه وانا مادري

ا

ازهلها

عروس مشرقة

10-03-2005 | 01:05 PM

لا حبيبتي حلوووو انتر

أ

أشواق لا تنتهي

مشرفة سابقة

10-03-2005 | 04:17 PM

ملاذ الحب:
انا اول ماقريت انه اللي تبي مساعده الجادل قلت اساعدج
بس خساره مالي بالصالونات الكويت

ان شاء الله اذا احتجتي شئ من الدوحه احنا في الخدمه

وان شاء الله تطلعين احلى من كل البنات
تعالي انتي تقولين انه الصالون اللي بتروحه له العروس يخلون البنات كانهم في سيرك
اخاف يخربون مكياج العروس حرام
ليله من العمر
حاولي تغيرين رايها

اي والله صاجه ملوذه

M

Manary

مشرفة سابقة

10-03-2005 | 10:52 PM

أنا حطيت مكياجي بعرس اختي عند صالون ليلى العرادي روووووووووووووووعة مري بيتنا شوفي صور العرس واختي ليلى حطتلها والله اكثر من روعة بدون ما يخرب الشكل يعني انا شفت وحدة مسوية مكياجها بواحد من الفنادق لووووووووووووووعة حاطين لها رموش فيهم لولو قاعدة اطالعها من بعيد اقول ياربي شنو هي مو غاسلة ويهها من النوم؟؟؟
ويييع لاعت جبدي هي هي هي و حاطين على شفايفها لولو يعني صايرة كأنهم لاعبين بويهها
و يحطون اساس على جسمج تصيرين كأنج الطوفة وييييع شي مو حلو الصراحة جربي صالون ليلى والله حلو وتسريحاتهم احلى بعد انا امي من النوع اللي ما يعجبها شي كلش بس يوم شافتنا قالت واااااااااااو أول مرة يكون شكلكم حلو هي هي هي جربي روحي الصالون وشوفي الكتالوج المكياج العادي 40 دينار مع الرموش بس انا ما حطيت رموش الحمدلله رموشي اوكي

ا

الجادل

عروس رائعة

11-03-2005 | 02:56 AM

ملاذ الحب و ميمي بيبي

مشكورين ما تقصرون ...

والعروس حاولت اقنعها مو راضيه تقتنع .. هي عاجبها هالسوالف

مناري

مشكورة حبيبتي بس انا ما يعجبني شغل ليلى العرادي ... احسه ناعم مكياجي بالبيت احلا منه

لوعة الفرقا

مشكورة .. وصلتني الرسالة

ازهلها ...

انا دايما اشوف الناس يمدحون انتر كونتننتال .. بس لما رحت تخرعت

عاد اليوم انا حاضرة عرس خوات المعرس مسوين مكياجهم هناك ... كلهم مو حلو مكياجهم

الا وحدة صايره رووووووووووعة

انجل ايز

كريم الجسم يعني كريم اساس ينحط على الجسم مع بودرة ولمعة... يعني على الظهر والكتوف واليدين والصدر

ا

الجادل

عروس رائعة

11-03-2005 | 02:59 AM

انا الكل يمدح مكياجي اللي اسويه لنفسي .. كأنة بصالون واحس اني اضبط ملامحي احسن من الصالون

بس في مشكلة ... اذا عندي مناسبة ارتبك واعفس وجهي

ومحد يضبط مكياجي الا فيفي بصالون ساس ومن ردى الحظ الاخت مسافره :(:(

M

Manary

مشرفة سابقة

11-03-2005 | 01:41 PM

أنا ما أشوف مكياج ليلى ناعم خاصة انه عيون اختي صار طولها شبر بالعرس هي هي هي بس على راحتج شوفي شارمل بعد مع اني ما جربته و في وحدة تحط ببيتها بكيفان جان سامعه عنها و بعد من عندنا ياااربي شوفي الشيراتون يمكن يكون شغلهم مضبوط
جربتي دريم بالاس أو رشا الحافظ؟؟؟؟ انا سمعت عنهم عندج منيرة الفرج يمدحونها وايد

اذا انتي تحطين مكياج حلوووو عمره ما راح يعجبج شغل غيرج كله بيكون بنظرج انتي تسوين احسن أو تردين البيت و تغيرينه توكلي على الله و حطي بالبيت بس سمي بالرحمن قبل و استرخي و هدي اعصابج و ان شاء الله شغلج بيطلع مضبوط :)

ا

الجادل

عروس رائعة

11-03-2005 | 09:43 PM

هلا فيج مناري

دريم بالاس سكر من زمان ورشا شغلها عادي...

وشارمل حلو شغل الروسية مدام تانيا ... بس توها انتقلت من هناك وراحت كونتننتال

انا بستخير وبشوف ...