أنا و.... زوجته !!!!

السلام عليكم بنات منتدي عروس الرائع
خواتى عندي مشكله وبغيت رايكم فيها
حبيت شخص من 8 سنين وهو حبنى ونحن تقريبا في نفس المرحله السنيه المهم شاءت الاقدار انه ما ايكون بينا زواج والسبب مشاكل من صوب أهله وفوق هذا كله معارضه امه وابوه الشديده لزواجه منى واصراره هووو على كسب رضا والديه لهذا الزواج واللى برضاهم بيكون هو مرتاح وبدون رضاهم اكيد ربه بيغضب عليه وما بيتهنا ( هذا تفكيره ) المهم ما رضوا اهله وعشان يرضيهم راح تزوج وحده ثانيه والله يعلم شو كانت حالتى فى ليله عرسه ومرت هاللليله عليه والله الوحيد اللى يعرف بحالتى وفى الصابحيه كلمنى طبعا انا كنت منهاره وخلال شهر عرسه كان دايم على اتصال بى ودووم أيأكد انه مب قادر ايعيش بدونى وانه مب قادر يتقبلها و قبل لا ايكمل شهر من عرسه تقدم لابوي وخطبنى والحين أنا في حكم المخطوبه له وباجر بيي عدنا البيت عشان ايحدد هو ويا ابويه كل شي ايخص العرس بس اتعرفون انا وااايد محتاره في هالموضوع ومب قادره اتخيل انه بتشاركنى فيه حرمه ثانيه
ادري بتقولون حرمته شو ذنبها والله العضيم أعرف مالها ذنب وحاسه بشعورها لانى مريت فيه ( في ليله عرسه ) بس بعد انا مالى ذنب انا واايد تعبت في حياتى من حقى انى افرح
بتقولون شو المشكله انا وااايد تعبانه من التفكير في باجر كيف بيعاملنى هل ممكن ايميل لها وينسانى والله انا بنت طيبه واكيد ما بحاول انى اخليه ايقصر فيها انا اخاف الله في الناس واحيانا اقول لا لا احسن ابتعد بس المشكله انى مب قادره لانه صار مثل الدم اللى يجري فى عروقى والله العضيم بدون مبالغة :s
هذي بإختصار قصه صديقتى شووووو رايكم فى مشكلتها وبشو تنصحونها :(