أرجوكم يا اخواني واخواتي محتاجة لوقفتكم معاي

حبيبتي مي الحلوة
مثل مايقولون اللقافه شينه وانا ماودي اسالج منهو هالشخص اذا ماتبين
بس انشاء الله يارب اتلاقون مره ثانيه ويرجعه لج بالسلامه يارب
ويحفظه حتى لو هو بعيد
وانتي حبيبتي لاتكدرين روحج ادري ان يمكن اللي اقوله مستحيل وهو لازم تزعلين وتتظايقين انا بعد لما حد يفارقني ازعل وايد وكل انسان بعد بس لازم نصبر على مابتلانا ربنا....والنعمة بالله فحبيبتي صلي واقري قرآن والله انشاء الله يفرجها لج والله مايظيع دعواتج ومن جهتي بدعيلج من كل قلبي ان يرجعلج هالانسان اللي فقدتيه وانشاء الله محد يفقد احد يحبه ومثل ماقلت انشاء الله يردلج ياه بالسلامه

مع تحيات اختج رومانسية

[CENTER]غاليتي رومانسية والله شاكرة يا قلبي لكلماتج
ودعواتج وان شاء الله بدوري ما راح انساج في دعواتي
وعادي يا قلبي السؤال ما فيه شيء لان الانسان اللي فقدته
كنت اعتبره كأخ اكبر لي وكأب وهو اللي رباني وغير نظرتي
للدنيا للأفضل وخلاص تعودت عليه وصعب جداا تتعلقين في انسان
معاملتة مثل الاب وزيادة وفجأة يبتعد عنج وتنقطع كل اخباره
ولا حتى اعرف هو بأي حاله ياكل او لا؟ ينام عدل والا لا؟ طيب وين هو
وين ارضه ؟ والاصعب انه يروح ولا يقولج ولا يودعج .. جد جد شيء صعب
طبعا اتمناله كل التوفيق لاني عارفة الهدف اللي بسببه ترك كل شيء وراه
وهو هدف جداا نبيل ورائع .. لكني ايضا اتمنى اشوفه لو مرة او اسمع صوته
بس مرة وحده عشان اتطمن ... بس مرة وحده

حبيبتي دامج تدرين انه غاب لهدف نبيل لاتحزنين لازم تسعدين ودامه رباج وكان مثل ابوج صدقيني ماراح ينساج ..........انشاء الله يكلمج قريب وتتطمنين عليه حبيبتي
الله يخليج ويعطيج اللي بقلبج ولاتنسين ان الله موجود واحنا بعد في الخدمة
اذا تبين شي طرشيلي على الخاص واذا تبين اي شي وحتى لو بس تبين تفظفظين لاتنسين اني موجوده لاتستحين مني اعتبريني اختج وانا من الحين في الخدمة وفي اي وقت ... حاضرين لج يالغاية

اختج رومانسية

[CENTER]

عزيزتي مي الحلوه


ماضاقت الافرجت ومافي هم الا ينوره فرح وسرور وهذي حال الدنيا
اخيتي لقاء وفراق لن تجدي انسان سعيد على وجه الارض ولكن حياة
البشر يتتخلها المر والحلو والاختبار جميل من الله فلماذا البكاء والنحيب
مادام الواهب الله ومادام كله قضاء وقدر فهل نستطيع ونحن الفقراء الى
الله الاعتراض بمشيئه الله كوني قويه وواثقه من الله انه لايهبنا ولا يمنعنا
الا الله

سأكتب لك كلمات علها تهون عليك في مصابك

لا تـــحــــزن
أما ترى السحاب الأسود كيف ينقشع ، والليل البهيم كيف ينجلي ، والعاصفة كيف تهدأ ؟ إذاً فشدائدك إلى رخـاء وعيشك إلى صفاء ومستقبلك إلى نعماء ، إن شاء الله

لا تـــحــــزن
ولكن إذا بارت بك الحيل وضاقت عليك السُّبل وأنتهت الآمال وتقطعت بك الحبال فنادي وقل : يا الله ..

إذا ضاقت عليك الأرض بما رحبت وضاقت عليك نفسك بما حملت فأهتف وقل : يــا الله

إذا وقعت المصيبة وحلت النكبة وجثمت الكارثة فنادي وقل :يــا الله ..

إذا ضاق صدرك واستعسرت أمورك فنادي وقل : يــا الله ..

إذا اوصدت الأبــواب أمـامــك فـنـادي وقل : يــا الله ..
ولقد ذكرتك والخطوبُ كوالحُ *** سودً ووجه الدهر أغبرُ وقاتمُ
فهتفت في الأسحار باسمك صارخاً *** فإذا محيَّا كلُ فجرٍ باسمُ

إليه تَمدُ الأكفُ في الأسحار ، والأيادي في الحاجات ، والأعين في الملمات ، والأسئلة في الحوادث
باسمه تشدوا الألسن وتستغيث وتلهج وتنادي ، وبذكره تطمئن القلوب وتسكن الأرواح وتهدأ المشاعر وتبرد الأعصاب ويستقر اليقين " الله لطيف بعباده

اتمنى ان اسمع اخبارك الحلوه عما قريب

[CENTER]غاليتي الرومانسية شاكرة لج وقفتج معاي
وصدقيني ما بنسى موقفج الحلو وكلماتج الاحلى
انتي والغالية اوديت الله يجزاكم كل خير ياااا رب
وما يفرق عنكم الاحباب الابدااا ويخليكم لبعض ياااا رب
ما بيدي غير الدعاء والله يفرج كربتي وكرب الكل
ان شاء الله .,... شكرااااا جزيلا وبارك الله فيكم ,,

:( :( :(

ربنا يقرب لك البعيد
ويكون في يوم قريب انشاء الله حتى يتم لك فرحك بأذن الله
وان ينولك مرادك بأذن الله رب العالمين

السلام عليكم و رحمة الله و بركاته

مع إني ما فهمت المشكلة..و لا عرفت درجة قرابتك و علاقتك بهذا الشخص...

لكن أتمنى الله يجمعكم على الخير مرة ثانية إن شاء الله

بالتوفيق إن شاء الله