ممكن مساعده...... قائمة مشتريات ؟؟

هلا اختي...

انا بقولها الأشياء الضرورية او الخطوط العامة بس هي اللي لازم تحدد

قيمة كل شيء....


اول شيء لازم تفكر في الفستان وانصحها تشوف تأجير عشان تبقى

فلوس لباقي الأشياء...

ثاني شيء تفكر في العقد والساعة وتشتريلها شوية خواتم وشيء

خفيف تلبسه في رقبتها للأيام العادية..


وقمصان النوم بتحتاج كمية ...


وجلابيات ومغربيات ...


تنانير وقمصان....


عطور وعود ودخون وكريمات للجسم لأنه ريحتها تظل أكثر من العطر..


تفصل لها طقم عباه للطلعة و2 للمناسبات ...

مكياج....

اطقم فوط ...

شنطة للسفر...

احذيه وشنط ....

بس شوفي عزيزتي اهم شيء انها تيب ورقة وقلم وتكتب مثلا :

عدد 6 جلابيات مغربية مثلا بقيمة كذا ...شيء تقريبي..

قمصان نوم مثلا 20 قميص ...بقيمة كذا...

واحسن بعد انها تحدد الألوان عشان ما تتكررها...

وما تشتري بكميات وايد لأني اشتريت اغراض وايد وعقب ندمت لأن

الموضة تختلف من شهر لشهر وبعدين احنا نشتري ونلعب في الفلوس

لين ما تخلص كأنه ما بندخل سوق مرة ثانية...

بس اهم شيء تشوف موضوع الفستان عشان ترتاح نفسيتها..اتمنى

لكم التوفيق واذا حابين اي استفسار عن محلات في دبي انا حاضرة

وبالخدمة....

هلا فيك أختي وحياك الله في عروس

الأخت عروس دبي ماقصرت معك ، ماشاء الله عليها

ومثل ماقالت لك ، مهم إنها تنظم وترتب مشترواتها في ورقه
تحط لها (( ميزانية))

ويكون فيها بنود كثيرها ، وهي كالتالي :

1) فستان الزفاف ، سواء كان أجار أو شراء .

2) الذهب ، والإكسسوارات .

3) ملابس السهرة .

4)ملابس البيت .

5)ملابس الإستقبال ، من ( جلابيات ، تايورات ، فساتين ، ......) .

6) العطور والمكياج و العود .

7) ملابس النوم ، من ( أطقم داخلية ، قمصان ، بجائم ).

8)الحقائب والأحذية ، وهذه دعيها أخر مشترواتك .

وأنصحك عن تجربة شخصية ، وعن تجارب الأخرين أن لا تكثير من

المشتريات ، الحمد الله السوق متواجد في كل مكان ، والبضاعة في

تجدد دائما ، وستملينها بعد فترة بسيطة ، من الجميل أن يكون هناك

تجديد مستمر في اللبس والعطور ....

وأيضاَ لا تكثري من فساتين السهرة ، على حسب عادات أهل الزوج وأهلك

إذا هم ممن يدعون العرسان لولائم خاصه على شرفهم أم لا ....

هذا مايحضرني الآن ...

بالتوفيق إن شاء الله

شكرا عروس دبي و همسه عل مساعده.....و ما قصرتوا

مرحبا
أولاً : ألف مبروك
ثانياً : المفروض أول شي أنها تحدد الأشياء اللي ناوية تشتريها وما تروح السوق وتلمه كله لازم ما تاخد أشياء وايد لأنه زي ما قالوا زميلاتي الموضة تتغير وثانياً أغلب اللي يتزوجون عقب الزواج تتغير أجسامهم وأنصحها أنه ما تاخد ذهب وايد وإذا ببتأجر فستان تشوف بكم الأجير وبكم تفصيل فستان جديد لأنه حالياً أغلب اللي يأجروا فساتين يأجروا الفستان بأقل شي 3000 ريال ومع أنه ممكن تفصلين فستان بـ 4000 ريال ولازم تاخد ليها اكسسوارات وعطور وأهم شي العطور يعني تاخد عطور طبيعية مثل المسك والعود أو الزيوت لأنه تبقى ريحتها في الجسم ولا هي موضة وتروح واتمنى أن ساعدتش .

تحدد لكل شي ميزانية وتبدأ واحس من تجربتي جلابيتين مغربيتين وايد كفاية و10 قمصان نوم وملابس داخية من كل شي ستة
وطقم فوط وخلاص