طلب صغيرون من بنات قطر واللي بتساعدني بدعيلها

د

دوحة الجميع

عروس نشيطة

07-03-2005 | 03:20 PM

[CENTER]بسم الله الرحمن الرحيم

السالفة ومافيها الله يسلمكم ان صديقتي بتعرس في الصيف وماتبي تفصل فستان الزفاف تبي تؤجره

لكنها مالقت اللي يناسبها للحين ..ياريت اللي عندها اسماء محلات او ارقام اشخاص يحبون يأجرون فساتين زفاف حلوة 2005 تطرشلي الارقام على الخاص

وطلب ثاني ماعليكم امر

هي محتارة من تمكيجها عبير ولا دينا انتو شرايكم؟

وجزاكم الله خير والفال للآنسات والبنوتات

والحمدلله والصلاة والسلام على رسول الله وآله واصحابه اجمعين

اختكم دوحة الجميع

&

ღرومانسيةღ

مشرفة سابقة

07-03-2005 | 03:47 PM

شخبارج اختي دوحة الجميع؟
بقولج عن زواج اختي وايش سوتوانشاء الله اختج تستفيد
اول شي فستانها فصلته في السعودية بس الفستان كان يهبل لدرجة ان وايد بنات بغوا يأجرونه بس هي ردته للمحل لانها استأجرته
وثاني شي عن الميك اب
انا اقول مكياج دينا وايد احلى من عبير واختي بعد تمكيجت هندها ومحد ماسألها عن المكياج
يعني الصراحة ترسم العين بشكل عجيب بس خل اختج اتقولها ماتبيضها وايد .. وهي بنفسها مابيضت اختي بس سمعت من ناس انها تحب اتبيض وانا من رايي اتم على لونها احسن ... وانشاء استفتدي مني
ومبروووك مقدماً والله يسعدها يارب:smile:
وبلغيها تحياتي
اختج
#رومانسية#:flower:

د

دوحة الجميع

عروس نشيطة

08-03-2005 | 12:26 AM

[CENTER]هلا وغلا بالرومانسية ....مشكورة ياقلبي اكيد استفدت وجزاج الله خير
قولي آمين الله يوفقج دنيا وآخرة ويحبب خلقه فيج ويحفظج ويخليج للي يحبونج>>>وانا اول وحده:eek2:

ماعليج امر يالشيخة ممكن تطرشينلي رقم دينا

مشكورة

وين باقي بنات قطر ....:mad2:عطونا آراءكم

اختكم دوحة الجميع

الحمدلله والصلاة والسلام على رسول الله وعلى آله واصحابه اجمعين

ن

نجــــلاء

عروس جديدة

08-03-2005 | 02:55 AM

السلام عليكم ..

أختي بالنسبة للمكياج .. انا اقول دينا أحلى من عبير ..

و بالنسبة للفستان .. قولي لي تاريخ العرس .. و مقاس أختج .. لانه احتمال أقدر أفيدج ..

د

دوحة الجميع

عروس نشيطة

08-03-2005 | 10:31 AM

[CENTER]ياهلا بنجلاء

مقاسها s وتاريخ عرسها 25-6

مشكورة وجزاج الله خير

بإنتظار ردج

دوحة الجميع

الحمدلله والصلاة والسلام على رسول الله وعلى آله واصحابه أجمعين

ن

نور الدوحه

عروس برونزية

08-03-2005 | 05:06 PM

انا اشوف دينا احلى من عبير

اما عن الفساتين روحي محل لاروج عنده وايد فساتين حللللللللللوة
حتى تقدر اختج تروح وياخذون مقاسها ويسوون لها الموديل اللي تبيه ويكون جديد وعقب تاخذه بسعر ايجار وترجعه لهم

لكن الفساتين المستعملة تكون ارخص اكيد

فساتينهم وايد حلوة ومرتبة

اتمنى اني افدتج حبيبتي

ق

قطرية

عروس مبدعة

08-03-2005 | 11:49 PM

اختي اذا تبين اختي فستانها مال عرسها وايد حلو مسويه عند انوني ومقاس اختي سمول وماقد اجرته على حد اذا تبينه
اما المكياج اقولك عبير احلى

د

دوحة الجميع

عروس نشيطة

30-03-2005 | 06:34 PM

[CENTER]جزاكم الله خير جميعا ..الله يرضى عليكم وينولكم اللي ببالكم ويوفقكم لما يحب ويرضى

اختي نور الدوحة وقطرية ...مشكورين حبيباتي

وبارك الله فيكم

والحمدلله والصلاة والسلام على رسول الله وعلى آله واصحابه اجمعين

اللهم اغفر للمؤمنين والمؤمنات الاحياء منهم والاموات

ا

الغردينيا

عروس مشاركة

26-05-2005 | 12:26 AM

السلام عليكم ورحمة الله وبركاته الحمدلله والصلاة والسلام على رسول الله وعلى آله وصحبه أجمعين هلا وغلا الغاليه بالنسبه عن الفستان وايد ناس ياجرون وفسلتينهم رووووووعه وراح اسال لج وعن المكياج انا عكس الكل عندي عبير احلي لاني من فترة شايفه مكياجها علي عروس يجنن والناس اذواق مع خالص حبي ادعي لي بالزواج والذريه الصالحه

ج

جولنار

عروس مشاركة

27-05-2005 | 07:33 PM

السلام عليكم ورحمة الله وبركاته

اختي الفاضلة : دوحه الجميع

بالنسبة لتأجير فستان العروس أنصحك بمحل ( دار لارا للأزياء الراقية )

تصاميمها روعة وتأجر فساتين الأعراس بأسعار معقولة

وراح تضيق وتعدل الفستان على مقاس العروس بالضبط وكأنك مفصلته

وعشان جي انصحك بأن التأجير من محل افضل من الأفراد والسبب خدمة التضيق وتعديل المقاس

غير انه ممكن تغير لك الطرحة وتختارين اللي تعجبك، واكسسوارات الشعر...الخ

المحل في شارع السد ورى كنتاكي السد

المصممه اسمها ، مدام : نوال

وانا مفصلة عندها فساتين ودايما اتعامل معها لأن ميزتها ان تخلي الفساتن مصبوب على جسمك

أما باقي المحلات فبعضهم مهما كان حلو لازم تلقين في الفستان زوائد ...وهاي وايد يخرب من جمال الفستان

أخيرا ....دعواتي لكم بزواج مبارك وسعيد

والله يوفقكم

-

-%-سحابة حب-%-

عروس ماسية

28-05-2005 | 03:19 PM

بخصوص الفستان ماعندي فكره
اما
المكياج دينا

c

camellia

مشرفة سابقة

03-06-2005 | 01:16 AM

ممكن اقدر اساعدج اختي

عندي فستان اختي تصميم الفراشه والبسته هي ووحدة بس

مقاسه s ممكن تشترينه او تبيعينه

هو عباره عن كورسيه وتنورة .. فستان واسع

ابيض ومشكوك وله قفاز

وطرحه طويله؟؟

اي استفسار ابعثيلي على الخاص

ش

شايه

عروس مبدعة

23-08-2005 | 03:15 AM

بنات دزولي اسماء محلات تاجير فستان العرس

د

دلوعه قطريه

مشرفة سابقة

23-08-2005 | 10:05 AM

بالمكياج انصحج بشريفه المهندي
احلى من عبير ودينا

د

دوحة الجميع

عروس نشيطة

27-08-2005 | 06:42 PM

الله يهداج اختي دلوعة قطرية البنت عرست وسافرت ادعيلها بس بالتوفيق والسعادة والذرية الصالحة والفال لج ولبنات المنتدى ياااارب

الحمدلله والصلاة والسلام على رسول الله وعلى آله واصحابه أجمعين