عادي افقص بطني...!

اهلييييييين اختي
soft_dreams
ابصراحه ضحكت على كلمه أفقص ههههه احنا نقول
أفغص فرق حرف واحد بس عموما ما اعتقد انه يضر بالبيبي
لانه موجود دااااخل كيس الماء اللي يحميه من الضربات او انه
يصير فيه شي غلط. والدكتوره تفقصه على قولتج عشان اتعرف
وين مكانه وجم صار حجمه. بسسسسسس انتي لا اتكثرين من الفقاص
احتياط وخلي البيبي يتحرك على راحته يمكن يكون نايم او تعبان تراه
يحس مثل اللي انتي تحسينه بالضبط.
انا بعد وياج فى الخامس ومن افغصه يتحرك هذي رده فعل طبيعيه
للبيبي. بس مثل ما قلت لج لااااااااا اتكثرين واتركي كل شي طبيعي
بعدين تتعودين على هالحركه.

عسوووووله..عسى دوووم هالضحكه..

الله يطمنج بس ما فقصته اليوم..خفت عليه اخاف يطلع مفقوص..وليدي..:D2

انا آخر الشهر بسوي سونار تتوقعين يبين بنت و لا ولد..؟

انتي قالوا لج اذا بنت او ولد..؟؟

اختي يوم كنت حامل اجيني ساعات خوف لانه عيالي ما يتحركون فكنت اضرب على بطني ضربات خفيفه الى لما احس انه اتحركو بعدين اوقف
الله يتمم حملك على خير وان الاخت عسووولة الله يسهل عليكم الولادة

هههههههههههه لاتكثروا فقاص خلوهم براحتهم
والله يتمم لكم على خير.

دارك ستار..آآآمين..جزاك الله خير..

النظره الجريئه..ههههههه ان شا الله..الظاهر كل الحوامل طايحين له فقاص بس مستحين..

انامن كمن يوم البيبي عندي ما كان يتحرك ... يومين ورا بعض .. وتعرفين فالشهر الي انا فية البيبي يوم يتحرك احس ان جسمي كلة يتحرك .. بس شعور حلو ويجنن ..

المهم ..

سرت عيادة خاصة وقلتلها بطني يعورني ...:D2 (هاي علثة) ههههههههههه

قالتلي كل شي اوكيك والبيبي صحته احسن مما يكون ... والراس نزل .. والي فيج من ضغط البيبي

قلتلها بس ما يتحرك من يومين .. قالتلي حاولي ما ترهقين جسمج .. وخذي كفايتج من الرقاد ..

انا من النوع الي اظرب واضغط على بطني احيانا اذا ما تحرك .. قالتلي حاولي ما تسوين هالشي .. احتمال تاذين البيبي وهالشي يسبب تشوهات

ههههههههههههههههههه بس لاتكثرون فقاص خخخخخخخخ

بجعه..يا مجرمه فقص و ضرب..:eek2:لا انا ما وصلت مرحلة الضرب..
بس الحمدلله ان كل شي تمام و الله يسهل عليك..

ام رشوود..بس بطلنا فقاص..:D2

إذأ تبين جواب دقيق وتطمنين أكثر .. أسالي الدكتوره .. يكون أحسن ..


تولدين بالسلامه إن شاءالله وإدعيلي بالحمل ...

أخواتي العزيزات..

أفكار للشعور بحركة الجنين



إذا لم تكوني متأكدة من شعوركإذا كان الجنين يتحرك أم لا، أو إذا كان لديك جنين عنيد يرفض الحركة، هذه بعض الأفكار لتحث الجنين على الحركة وتجعلك تشعرين بها:

- استلقي وابقي بلا حراك
- اشربي شيئا به سكر أو شراب منعش(مثلا مياه غازية أو عصير برتقال.. إلخ)
- نامي على بطنك
- بالنسبة للجنين الأكبر عمرا، نامي على ظهرك قليلا (ليس أكثر من 5 دقائق)
- شغلي قرآن بجوار بطنك..
وبإذن الله سوف تحسين بحركه الجنين..

منقول من أحد من المنتديات ..

يزاج الله خير بشاير..الصراحه بجرب..الطرق الي حطيتيها..
مع اني صج ملاحظه لما اشرب شاي يبدأ يتحرك..

ههههههههه حلوه سوالفكم يالحوامل :)
لاتفقصينه خلاص
والله يثبت حملكم ويرزق كل محروم ويسهل على كل حامل ووالد يارب ياحي ياقيوم