ريم81 .... حزينة و عندها مشكلة

السلام عليكم...

ممكن تحسسينه ان البخل صفه منفره ...بدون ما تبينين له انك عرفتي انه بخيل.....و انها صفه تقلل من رجوله الشخص....و ممكن تعطين امثله وهميه يعني مثلا تقولين له ان زوج صديقتك بخيل وتبينين كيف هذا الشي مقزز....

مشكورة أختي

بس هو يحس بعمرة حاتم طائي .......

ما اعرف شلون اقنعه انه باقيلة على البخل شعرة

منغير ما تقنعيةالبخيل بيفضل طول عمرة بخيل
وعمر ما اي شئ ممكن يغيرة حتى حبة لك
ومن الافضل التأقلم على المعيشة معة هكذا ان كنتى تحبية
لان البخل طبع وليس تتطبع

مكن تعطينا امثله على البخل....يمكن انتي ظالمتنه..

أهلين ريم ..

أنا من رأيئ .. مادام هو يشوف نفسه حاتم الطائي !!!!!

فالحل .. إنك تحسسينه إنه كريم .. يعني تفهمينه إنك تشوفينه كريم وإن هالشي مكبره بعينك ..

يعني بالحكي مثلاً " ياحياتي ماقصرت .. ماشاء الله عليك مايفوتك شي .. تسلم لي والله مو مخليني محتاجة شي .. "

لأنه لو عرف إنك تعتبرينه بخيل .. فصدقيني راح يتبلد إحساسه تجاه هالمسألة ويقول بنفسه .. مادامها شايفتني كذا أجل ليش أتعب نفسي ..

" الإنسان غالباً يتصرف مع اللي قدامه حسب صورته عند هذا الشخص .. "

وفي شغلة كمان .. حاولي إنك تقيمين طلباتك بينك وبين نفسك .. يمكن إنتي تطلبين أشياء مبالغ فيها .. أنا أقول يمكن ..

وعلى فكرة .. أحياناً إحنا نبي شي ونشوف إنه ضرووووووووري .. بس بنظر الرجال يكون ماله داعي !!!!

أحلى الأمنيات لك بالتوفيق ..

وأرق تحية .. رايان

ريم 81 .. اختي يمكن ريلج حريص مب بخيل .. مب لازم اتشوفينه يصرف مثل الناس عشان يكون عادي و لا بخيل .. ترى معظم شبابنا قاصم ظهرهم الديون ... و انتو بعدكم خفاف بأول الطريج و التوفير زين لبيت المستقبل و العيال ان شاء الله .. فليش الصرف من اللحين .. و في النهاية هو ليش يضم بيزاته حقج و حق بيتج ... و بعدين أنا لما أذكر عرسي صرفنا على العرس أشياء وايد صح حلو و خرافي و الناس اتكلموا عنه و عن الأغراض و الفرقة و السفر و غيره و غيره .. بس شو الفايده الحقيقية من ها كله .. الصراحة ماشي .. فرحة العرس مب الديكور و الصاله و فستان العرس الغالي .. االفرحة و البركة اتكون بالموجودين .. و يعني خلو عرسكم معقول و حلو عشان ترتاحون في المستقبل و اتخلصون أولوياتكم بسرعة

و مبروك مقدماً و الله يتمم عليكم

يا بنتي كلميه وقولي له بصراحة انك حاسة انه بخيل وده هيستفزه ويخليه يحاول ينفي الصفة عن نفسه ويثبت لك انه كريم وده رأي

مشكورات خواتي الحبيبات و الله ما قصرتوا و صدقوني اني حاسة أني عندي خوات ، خصوصا أني ما أقدر اشكي حق أمي أو أختي أخاف تصير مشكلة من اشياء بسيطة و لكنها تضايق ......

RONIA
اشكرلك اختي تفاعلك و انا معاكي انه يوجد طباع في الانسان صعب تغييرها و لكن ممكن تقبها إذا كانت محتملة مثل ان يكون البخل بسيط و يعتبر مجرد حرص و هذا إللي انا شايفته الآن و لكن إللي مخوفني انه يكون ما خفي أعظم ......

ANGEL EYES
من أمثلة البخل عزيزتي اني مثلا اقوله انه في خاطري هالشيء و نفسي فيه . وهو ما يجيبه لي ، و حديثة المتواصل أنه يريد التوفير لشراء بيت العمر و كأنه يلمح بأنه يريدني أنه أساعدة

و بصراحة هاي الاشياء تضايقني...........

رايان

بجرب نصيحتك و بحاول أكبر راسه و صحيح انه يمكن تكون طلباتي فيها نوهع من الرفاهية الزايدة و لكن كل المالجين عندنا يتعاملون و الزوج يهدي الزوجة ....
و بخبرك عن النتيجة ، برأيك كام يوم راح تاخذ ؟؟؟ :)

عروس اللولو

كلامك صح 100% و انا مع انه تكون التكاليف في حدود المعقول ، و لا شك انه هذا كلة نوع من البطر الاسراف الغير المحمود و لكن ماذا افعل إذا كانت هذه الاعراف عندنا و انه اذا ما أظهر هالشي نعتبره بخيل
انا برأيي هو لازم يعرض و انا إللياقول حرام الفلوس ترح من غير فايدة حقيقة

BRIDETOBE
أول شي الله يرزقني و إياكي بالنت و الولد إللي في بالنا و كل بنات المنتدى و انشاء الله على القريب العاجل و تقر عينك فيها يا رب ....

بصراحة راح أحاول تكون ساعة صفا و أصارحة اني حاسة انه بخيل ، و اني اتمنى أني أكون غلطانة في إحساسي ...
شو رأيك ؟؟ و لا عندك بداية ثانية ؟؟؟....

اختي ريم جزاكي الله كل خير يا رب ويكمل لك على خير ويفرحك بذريتك وزوجك ان شاء الله

ايوة اختاري ساعة صفا وافضلي قولي له انا حاسة انك مش بتحبني هيقوللك ليه قولي له نفسي تدلعني زى باقي البنات وتهادني تهادوا تحابوا على الأقل وان ما كنتش تدلعني دلوقت هتدلعني امتى ولو بدأ يكلمك في البيت والحاجات التانية قولي له بصراحة انا حاسة انك بخيل وحتى في البيت لاحظوا انك مش بتجيب لي حاجة وانا عاوزة اثبت لهم انك مش كده خالص

طبعا ده رأي وكلامي وانت براحتك غيري فيه زى ما تحبي ولا ايه؟

معلش عاوزة اقوللك لما باعمل حاجة مندي لازم على الأقل اقول دعاء الاستخارة قبل ما اقولها علشان ربنا يهديني للكلام الطيب

معاكي حق

و جزاكي الله كل خير

ونولك كل إللي في بالك يا رب

بحاول اليوم إذا جانا البيت و بخبرك بالنتيجة .... :)

هلا أختي ريم...

شوفي أختك...زوجك على ما تعوديه...

يعني نفسك في شيء و ما جابه عاتبيه...و ما تسكتي...علشان يعرف المرة الجاية إنك راح تزعلي عليه

مش عايزة تتشاركي معاه في البيت...فهميه من الأول

كل ما كانت الأمور واضحة من البداية كل ما كان أريح ليكي...

و طمنينا عليكي أختي...

ريم .. باين عليك فاهمة وعاقلة .. والدليل إنك إعترفتي بأنك أحياناً تبالغين ..

وإن المشكلة هي المجتمع .. وش ذبحنا غير المجتمع .. الله يعين بس ..

شوفي ياغالية .. الطريقة هذي مالها وقت معين .. ولا لها قاعدة معينه .. يعني لو إنتي عندك أي صفة ودك تصير فيه حاولي توحين له بالكلام إنك فخورة فيه بسبب هالشي ..

وصدقيني راح تلقين مع الوقت إنك بيصير مثل ما ودك ..

بس أهم شي تكونين منطقية ومنطقية جداً ..

ومثل ماقالت مرموم .. زوجك على ماتعوديه :)

طمنينا عنك .. رايان

و الله يا أخواتي أنا فرحانة أنه عندي خوات يخافون علي و يبون مصلحتي

امس جانا و فعدت انا و هو و في لحظة صفا و إحنا وحدنا سألته إذا كان في شي مضايقه مني او من أي صفة يعتقد انها قد تتفاقم بعد الزواج كالأهمال او عدم تنظيم الوقت أو الاسراف أو غيره ....

بعد ما خلص سألني هو نفس السؤال و خبرته أني خايفة انه يصير بخيل و انس عارفة انه حريص بالوقت الحاضر بسبب المصاريف و المسؤوليات الكثير على عاتقة و لكن خايفة انه يظل بهالشكل

فاتفاهمنا انه انشاء الامور تسير لأحسن

بس انا بعدني ما شفت شي عملي ، كله كلام :)

ادعولي .....

أما دعائي لكن بأن يرزقكن الله من طيبات رزقه و يمتعكن و أحبتكن بالصحة و العافية

اختي اصبري يمكن هو يفكر بالبيت وبنائه

ومايبي يصرف كثير حتى لا تتجمع عليه الديون وهاذي اكبر مشكلة تواجه المعاريس

والديون راح تاثر عليكي نفسياا ومادياا في المستقبل

((( عسى ان تكرهوا شيئا وهو خيرا لكم)))

ريم حبيبتي لاتحطين في بالج انا أول ماملجت كنت اعرف ان ريلي شوي متأزم ماديا تعرفين عرس وبيت وغيره فكان مايعطيني حتى مصروف شهري وكنت استحي اقوله .. بس كان دايما ف كل مناسبة يجيب لي هدية .. حتى في الملجة فأجاني بالشبكة رغم لني كنت اعرف حالته المادية .. بس الحمد لله بعد الزواج هو غييييييييير والله فديت روحه مايقصر بشي .. يعني فترة الملجة مب مقياس بعدين انتي حاولي بطريقة او ثانية تسالين عنه خواته .. اذا هو كريم او لا ..

اختي ريم ......

انا اشوف ان الاخوات ما قصروا بالكلام ...... ومو عارفة شنو اقول لك ...... بس اهم شئ اهم شئ انك ما تعوديه على الحرص .... يعني انك تصرفي وتأخذي في حدود المعقول بدون اسراف وتبذير .......

مثلا انتي وياه بالسوق تبين تشترين شئ لا اتقولين عنه ابدا سعره غالي ما بأخذه ؟؟؟ قولي ما عجبني ؟؟؟ يعني لا تبينين له ان هالشئ غالي ؟؟ بالعكس على طول بيني له ان الاشياء رخيصة وسعرها معقول ؟؟

اذا كنتي بمطعم او بسوبر ماركت مثلا لا اتقولين له لا ما بنأخذ هالشئ ولا ما بنطلب هالاكل لاننا ما نحتاجه لا اتحسسينه انك تحتاجي هالشئ ؟؟ وانك ما تأخذين شئ الا لانك تحتاجينه ؟؟؟

اذا كنتي وياه بالبيت مثلا لا اتقولين له سكر نور الكهرباء خسارة تصرف ؟؟؟ او سكر حنفية اماء خسارة صرف ؟؟؟ لان هالشئ يشجعه عالبخل ؟؟؟

وساعات الرجال ايكونون بخلة بالوراثة والتربية يعني صعب اتغيرينه بس انتي مثل ما قلت لك لا اتعودينه على الحرص والبخل و عوديه ان يأخذ لك كل اللي تحتاجينه يعني لا تأخذين شئ من عندك او اتدفعين عنه ؟؟؟


أتمنى اكون وفقت في الشرح لك وفهمتي كلامي وايكون اشوي ايساعدك في مشكلتك .....


موفقه اختي .......ز

السلام عليكم
عندي لكم افكار
ولي تبي تطلب من زوجها طلب وخايفه يردها تسوي هالفكره وماراح يردها انشالله
يبيعون بمحلات قمصان النوم قميص نفس الي يلبسون الي يشتغلون بالفنادق اقصد الي تنظف وترتب الغرف تنوره قصيره وفوقها مريول
لبسيه واشتري حق زوجج بيجاما يديده ومجموعه تتكون من بدي لوشن وشور جل وعطر
من بدي شوب او اي ماركه ثانيه

وعقب قبل لا ايي زوجج لبسي القميص ولما يدش رحبي فيه على انه داش فندق وتكونين مزهبة البانيو الحار مع الرغوه خليه يتسبح وعقب لما يخلص دهني جسمه بالكريم وعقب مايلبس البيجاما تكونين حاطتله عشى طبعا من الاكلات الي يحبها
وعقب لما يتعشى قدمي له حلو
وعقب عطيه الفاتوره
ويكون مكتوب عليها
تتمنى اسرة الفندق انكم قضيتم لدينا وقت ممتع ونرجو من سيادتكم ان تقبلوا طلبنا وكلنا طمع في كرمكم
وتحطين الطلب
وتحطين مربعين واحد حق الموافقه والثاني حق الرفض
واخر شي تكتبين
نشكركم مهما كان ردكم
ومستحيل مايوافق بيستحي ويوافق
شرايكم يا بنات

فكرة حلوة يا أيوت

و الله ضحكتني موت .........


بس اكيد بجربها بعدين