كونسيلر ميك اب فور ايفر مااعرف استخدمه ساعدوني

حبوبه هذا شرح للكونسيلر الموجود بهالعلبه

وانا عندي منها ماخذتها من المفتاح بشي وتسعين واعتقد ماعاد موجود منها الحين

تباع كل لون على حده

**** الكونسيلر ****

من اهم الاشياء المستخدم للوجه بمكياج السهرات مهم جدا لاخفاء البثور والبقع والهالات السوداء 000
وافضل نوع تبع ميك اب فور ايفر لانه يساعد بتنوع الوانه و ملمسه الكريمي الثقيل التغطية 00
ويحتوى على خمس الوان 00
الاخضر لتغطية الحبوب الحمراء000
البني لتظليل الاماكن اللي مانحب نبرزها في عملية الشيدينق مثل جوانب الانف لتصغيره00ولتحت العين لاخفاءا لهالات كطبقة اولىتوضع بالتربيت000
البيج الغامق على اورانج يوضع ايضا كطبقة رقيقة على الهالات لتغطيتها فوق الطبق الاولي باستعمال الاصبع الصغير باليد وبطريقة التربيت الخفيف000
البيج الفاتح يضع على اماكن البقع بالبشرة 00وكطبقة خفيفة ثالثة على الهالات السوداء ولا تخافي ماراح يكو اللون ثقيل ومظهره مصطنع لان هذي طريقة حرفية وبتخفي السواد تماما000
اللون الفاتح يميل للاصفر يوضع على الاماكن اللي نحب نبرزها باللايتينق كعظمة الانف والوجنتين000
ومن الممكن استعمال بقايا كريم الاساس الموجودة على فوهة علبة الاساس ككونسيلر00

شكراا ميمي على الافادة اخوي شرالي ب90 ريال من السيف تخيلي وهني بباريس غاليري ب110 ريال

اختي ميمي عندي سؤال شنو اول شي احط الاساس والا كونسيلر بكل طرق اللي ذكرتيها وبعدين بودرة

ممكن تقوليلي صح او غلط

هلا عزيزتــي .. ميمي بيبي ..

ياليت تجاوبين على سؤال الأخت ::عروس الدوحه ..

ننتظرك .. ومشكوره على الشرح ..