وش معك برهان ؟!!!

[poem font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لله ربي جزيل الحمد والمنة=العادل القادر المتكبر الرحمن
اللي عطى في كتابه رزقه و أمنه=لبلاد مكة و طيبة أطهر الأوطان

سبحانه أرسل رسول لإنسه و جِنّه=باليسر والمغفرة والرفق والاحسان
ما كان فظٍ غليظ القلب لو إنّه=من حوله انفض جمع و زُعْزِعَ الايمان
يالله صلّي على احمد ما هَمَت مزنة=وما هلّت دموع طفل وما تُلي قرآن
خُلُقَه عظيمِ في كتابك قِلْتِ ذا عنّه=رحيم فينا رؤوف اكرم بشر قد كان

يا حافظ كتاب ربك دارس السنة=البر واضح وضوح الإثم والعداون
علّم كثير المجادَل تابعٍ ظنّه=لا روس حنّا غدينا ولا هم الأفغان
لبلادك المؤمنين نفوس ممتنة=لبلادك الكافرين اتمنّوا الخذلان
للأسئلة في الشوارع شنّه و رنّه=وش وصّل الناس ذولا فوهة بركان
وشلون ينهي حياته في صغر سِنّه=وشلون هذي المراحل توصل الإنسان
إن كان ماهو فراغ .. يأس يمكنّه=ماهي حكاية تدّين ما لهذا شان
ياللي تكفر كثير الخلق بك جِنه=كل هالخلايق مضلة ؟ وش معك برهان!!
كل هالأمم في جهنم كافرة عَفْنة=وانت الذي مسك دمّك ضامن الرضوان!!
جنة بعرض السما والأرض منْضَمنَه=هي حِكر لك مع رفاقك زمرة الأعوان!!

يالله اقطع ذيول الشر والفتنه=و رُدّ كيد الأعادي فنحرهم خسران
و اكفِ البلاد التقيّة شرذمه حِفنة=ساروا بدرب الضلال ولبّوا الشيطان
فجّر دمّر بلادك تدخل الجنّة=أفتى بهذا مشايخ آخر الأزمان[/poem]