ماذا تفعل لو .......((الخيانة)) ؟؟؟؟

السلام عليكم ورحمة الله وبركاته

[mark=CCFF00][frame="7 80"]هو لازم في سبب للخيانه ادور على الاسباب وبعدين اشوف هل انا استاهل انه يخوني نتيجه تقصير او...... فالوم نفسي او انه يكون من دون سبب (واجتله):bigsmile:[/frame][/mark]

شكرا اختي على الموضوع الاكثر منهم وياليت الاعضاء الكرام يتفاعلون علشان نستفيد من خبرة بعضنا البعض

انا صار لي هذا الموقف من صديقة كانت صديقة العمر وياي من يوم انا صغيرة وكبرنا مع بعض على حبنا لبعض والتقدير والتفاهم
وفي يوم تزوج اخوها بنت تعرفها من قبل لكن ما تربطها فيها علاقة صديقة مثلنا ومع الايام قمت انا ما شوف صديقتي كثير بحكم دراستي وشغلها لكن كنت ما اتركها لازم اتصل فيها مع ان هي ما تتصل إلا نادرا واغلب الاحيان تتصل فيني إذا تحتاجني في شي علشان جذي قمت افكر فيها واقول ليش ما تتصل فيني إلا وقت الحاجة وحسيت بضيق لكن بعدين قلت يمكن البنت ما عندها وقت تتصل فيني علشان شغلها مزحوم او عندها عذرها المقنع لكن مع الايام شفتها ما تفكر تتصل فيني مع انها تتصل لزوجة اخوها وتتكلم معاها بالساعات وصارت هي مستودع اسرارها بعد ما كانت انا جذي ...................... فقلت يمكن القصور مني فزادت اتصالاتي فيها وزيارتي لها في محل شغلها ومسجات الهواتف الحلوة لكن البنت ما منها فايدة ((((( وما اعتقد ان زوجة اخوها كانت تشوه سمعتي عندها او شي لان زوجة اخوها خلوق وما راح تستفيد من الامر شي)))))

انا ما هان علي اضيع عشرة 15 سنة فقلت اسوي الواجب اللي علي

وفي يوم تقدم واحد لخطبتها واتفقوا على كل شي حتى موعد الملكة وانا خبر خير ولا ادري بشي ولا خبرتني مع اني كنت معاها قبل يوم الاتفاق بيوم بعدها انا سمعت من ناس قريبين منها وهي ولا فكرت تخبرني تخيلوا درجة انعدام الذوق عندها .. في هذا الايام لازم انا اكون من اول من يشاركها فرحتها لكن ظني خاب فيها وحسيت كل السنين تدمرت في لحظة واحدة وبعدها بايام فكرت انها تتصل فيني وتقول لي خبر ملكتها وفي الاخر ما طلع اتصالها ذوق منها إلا هي كانت تبيني اروح معاها نحجز القاعة وغيرها من الامور <<<<<<<<<<<<<<<<< لان ما حصلت احد يدور معاها في الحر غيري يعني زوجة اخوها وباقي ربعها تحطهم على راسها وانا المرافق العام وانا بكرامة عنها

لكن انا عندي كرامتي فوق كل شي طوفتها لها مرات لكن هالمرة ما طافت علي ومن لحظتها صرت اعاملها مثل اي وحدة من الجارات حتى جاراتنا اعاملهم بشكل احسن منها يعني ما اتصل فيها وإذا شفتها في مكان ما اسلم عليها إلا إذا هي سلمت في الاول (( مع ان السلام لرسول الله)) ولا اتكلم معاها وحتى ملكتها ما حضرتها ولا تكشخت لها مع انها لزمت علي لكن ان قلت لها ما خبرتيني بشي ولا كلفتي عمرج تتصلين فيني والحين تبيني اتكشخ في ملكتج ؟ عندها هي تبلعمت وتفشلت

وبالنسبة لمشاوير ملكتها ما رحت معاها وقلت لها دوري غيري انا اللي بيني وبينج انتهى
ولليوم معاملتي معاها ما تغيرت يعني اعاملها بطريقة عادية جدا جدا جدا ارد عليها السلام فقط

هذا اللي سويته معاها
تجاهل واستحقار لان عرفت اسباب خيانتها اللي ما لها عذر في حين ماكنت مقصرة معاها

السموحة على الاطالة

الخيانه لابد لها اسباب مافي زوج يخون زوجته او زوجه تخون زوجها اوالصديقه من غير سبب

يمكن تكون اسباب نفسيه اوعاطفيه او يمكن تكون نزوه لكن الخيانه بصراحه امر صعب جدا

لانه يفقد الانسان الثقه في نفسه

واحب اقول لكم يابنات انتبهوا لرجالكم ترى هاليام الصديقه صارت تخطط على زوج صديقتها

وتاخذه منها ايه مقيوله.....خاويني وخاويش واخذ ريلش واخليش

ترى حتى المزوجات تطلق من زوجها وتاخذ زوج صديقتها ترى الظاهره منتشرة

وهذا يرجع الى الوازع الديني

تقبلواتحياتي...........:cool2:

انا برأيي الخيانه لا تغفر ابدا
حتي لو كنت مقصره بدون علم مني المفروض انه ينبهني لتقصيري
لانه لو قصر معي مش معناها ان الحل اني اخونه
واللي يخون مره خلاص بيعيد الكره 1000 مره
وعقاب الزاني المحصن اكبر من غير المحصن

والله يعين كل امرأه خانها زوجها

مرحبااا

يسعدني أن أدلي برأي المتواضع في هذا الموضوع ..

سواء كانت هناك اسباب للخيانة او لم تكن فهذا أمر ترفضه الفطرة السليمة وتكرهه النفس ..
والسؤال المطروح في هذا المقام .. ماذا تفعل لو حصل ذلك ؟؟

سوف اكون امام الأمر الواقع .. زوجي شريك عمري يخونني ؟؟ وقتها أود لو تنشق الأرض وتبلعني .. وهذا لن يحصل طبعا اذا ما الذي سأفعله ؟؟
سأبحث معه عن الأسباب التي جرته لهذا الأمر المشين لكي تكون الأمور واضحه نصب عيني وهذا لا يعني إنني سوف أتغاظى أمام تبريراته التي ربما تكون كاذبة .. ومهما فعل وأبدى اعتذاره سوف يظل الجرح قائما في قلبي ..

بصراحة ما مريت بهالموقف
لكن لو حصلت الخيانة من واحد من الطرفين اعتبره نهاية العلاقة بينهم واكيد فيه طرف خاسر واكيد انه مو الطرف الخائن
يعني الخائن وش عليه ارضى نفسه وخلى الاخرين يحترقون
وشكرا على موضوعك الحلو
عااااشق

من الممكن جدا ان يغفر المرء لمن خانه (الزوجة لزوجها مثلا) بشرط ان يعترف بخيانته وان لا ينكرها مع انها واضحة وضوح الشمس

ما اقدر اقول اي شي عن الخيانة .. غير انها تجرح المرأة جرح عمرها ماتنساه ...

330099

330099

:confused::confused::confused:

للأسف الشديد تعورت أصابعي من الكي بورد و ضاع الرد ... و ظهر بدله هذا الكود

اهلين............مملكه القلوب اشكرك على المواضع المتميزه دائما.....والي على الجرح بعد

الكل عارف ان الخيانه شي مقيت ولا يخون الا الانسان الناقص والمختل اجتماعيا... والي ماعنده ثقه في نفسه

انا اشوف ان اللي ما قد مر في موقف خيانه اكيد راح يقول لا انا ماراح اتحمل وراح اتركه ولا اقتله ...وا وا وا...الخ

بس اللي جرب مارح يقدر ينسحب بسهوله خصوصا اذا كانت العلاقه زوجيه... راح تهدمين اكثر من انك تبنين

خصوصا اذا كان في اولاد....بس فوق هالتضحيه تحسين ان في سكين في حلقك..راح طعم كل شي حلو في الحياه

مع الوقت راح تحسين ان فيك تبلد في المشاعر..(( ما تحسين)) ما تعرفين حتي تضحكين

الحين هنا قمه الازمه.... وايش الحل في نظرك..؟

تعيش حياتها في بحر من الموت العاطفي ولا تنسحب من غير ماتفكر في احد؟

ارق سلام للجميع
روز

[CENTER]بسم الله الرحمن الرحيم
الخيانة شي فظيع و أكره شي عندي ف الحياه لمن تثق ف أحد و تنصدم ف الأخير أنك كنت و لا شي عنده
خصوصا ذا تعرضت لها الشي من ناس أنته عطيتهم الثقة و أمنتهم ع نفسك و على أسرارك..
:flower:

[foq1]يتحـــول الحـــب الى كــــراهيه [/foq1]