سؤال للمتزوجين والمتزوجات؟؟؟؟؟

السلام عليكم ورحمة الله وبركاته ..

اختي همسه ملاك ما اتخيل زوجي يسويها ولا اعتقد فيه وحده واثقه من زوجها تتخيل هالشي ...

اكيد بنهار اول شي قبل الزوبعه والاعصارات ..

بس التفكير في السبب اللي خلاه يسوي هالشي مهم ..

يمكن يكون تقصير مني وهذا انا استبعده :) <<<< واثقه من نفسها والحمدلله :)

او مل من طريقتي في التعامل معاه او اسلوبي واذا وجدت ان مافي شي يخليه يسوي هالشي الا الشيطان وعيونه الزاغيه ...

اول شي بتناقش وياه في الموضوع وعن السبب واذا شفت ان السبب شي تافه ذيج الساعه براويه العين الحمره :mad2:

وبزعل عليه وبهدده اما ينقطع عن هالعلاقة والهسوالف والخرابيط او اني اسير بيت اهلي وادخل اهلي في الموضوع ..

ما ادري اذا حد بيأيدني :) الرأي ؟؟ شوه رايكم .. ( وحده ما عندها خبله قصدي خبره في هالسوالف )

لا حول ولا قوة إلا بالله
و الله شي صعب اعتقد اني بحاول احله بحكمة و هدوء و بحاول اشغله و قتهب أشياء يحبها

و بدعي ربي يحمي زواجي

اشكركم خواتي على المشاركة

وان شاء الله باقي الاعضاء يشاركون عشان نشوف رايهم

اكيد بغار وبزعل منه وااايد بس بكلمه بهالموضوع وبتفاهم معاه

واحاول اهتم فيه واجذبه لي اكثر بس مستحيل ارجع بيت اهلي بسبب ((شات)) .........وشكرا

سوووووري انا مب متزوجه بس حبيت ادخل بالموضوع
قبل كل شيء أفكر بعقلانيه عسب ما أهدم بيتي بإيدي وأتفاهم معاه
بطريقة تودد وأخليه يعتذر ويحس بالخطه بطريقه كلامي له الغير مباشر
لأنه أظن إن الريال مايحب أحد يتهمه مباشره

انا عن نفسي اول شي افكر بيه قبل العتاب والكلام شنو الدافع او الغرض وراء هذا كله ؟ لان بصراحه انا ماعندي اي مانع ان يدخل زوجي ويعمل جات بس بعلمي واكون بجنبه وفعلا هذا يصير لما يدخل على البالتوك ويتحدث مع ناس بسسسسسس كل شي يصير ب العلن يعني على نووووور وماكو اسرار.
اما اذا تقصدون النوع الثاني من الجات وهو اللي يحكي مع بنات في قضايا لا اخلاقيه فهذا صعب تمنعيه او حتى تنصحيه لان هذا الشي راجع للتربيه وماكو رادع بالدنيا راح يردعه لا كلام ولا زعل ولا شي واذا اكتشفتيه مرة راح يكون اذكى المره القادمه ومايخليكي تكتشفيه يعني يطوووور وسائل دفاعه عفوا كذبه ( حتكون الكلمه انسب) وهذا الكلام ينطبق على الست ايضا

مع تحياتي

يعطيكم ألف عافيه على مروركم

[CENTER]والله انا الحمد لله زوجي ما عنده وقت للخرابيط هذي

من البيت الى الدوام ومن الدوام الى البيت وكل وقته لي وبس

الكمبيوتر في غرفة وكل واحد يستخدمه بس الحمد لله في ثقة يعني لا هو يشك فيني ولا أنا اشك فيه

بصراحة ما أدري كيف راح اتصرف لو اكتشفت انه يسوي شات مع بنات ( لأنه ماراح يسويها ) بس لو مثلا مثلا وحدة اكتشفت ان زوجها عنده صداقات على النت المفروض انها تجلس معاه
تسأله ايش شايف في هالبنات ومو شايفه فيها
يمكن يقولون له كلام حب او كلام جرئ وهي مقصرة في هالشي

طبعا انا ما أقول ان المرأة هي الغلطانة بس المفروض تاخذ الرجال على قد عقله

تقول له سكر النت وانا بقول لك الكلام اللي يقولونه لك او ..............

بصراحة ما أدري شقول لأني مو متخيلة نفسي في الموقف

السلام عليكم ..
ليش نحن نورط أعمارنا في اشياء نحن في غنى عنها..
والشات الحين ما وراه الا الدمار ..فياما و ياما دمر بيوت كانت عامرة باهلها..
فاحسن شىء نسويه(ابعد عن الشر)..
و أحسن بديل في رأيي للشات هي المنتديات..
و السلام خير ختام..