صار لي موقف البارحه وحاسه بالضيق ولين الحين الحدث في بالي.. شسوي يا ربي

[CENTER]خلوني اكمل الحين..

بعد ما قالت ربيعتي هالكلام صد واتطالعني وتم واقف وتمينا نحن ال 3 ساكتين لمدة ما يقارب ال 5 دقائق؟!
وهو ممنوع حد يوقف في الريسبشين بدون شغل لان تصير زحمه.. المهم هو تم واقف وينتظر الرد منا..

ما اعرف شو صارلي وقلت له اخوي والله ما بايدنا شي القوانين تقول جيه اي حاجه للمساعده انك تروح الخيريه مش هني.. وتم ساكت يتطالعني وحسيت اني يالسه اقول الكلام وانا ما اعرف شو يالسه اقول!؟ المفروض ما ارد جذيه الولد محتاج وانا ما ادري شو يالسه اسوي!؟

فتراجع للورى شوي شوي وروح..
اول ما روح قالت ربيعتي لي انا بعطيه بس ما عندي غير10 دراهم ما اعتقد انه يكفيه يبغي اكثر يمكن؟!
قلتلها شو هي مشكلته شو كان يقولج.. قالت لي انه جاء من احدى مدينه خليجيه الشقيقه (ما بذكر الاسم) علشان المساعده محتاج الولد بيزات.. اتضايقت فقلت لها هذا صغير والله ليش يسوي جيه في عمره؟!
مع ان كان عندي مصروف بس ما ادري ليش ما يا في بالي اني اعطيه خفت يمكن ما يكفيه بعد!؟ يمكن يبغي اكثر عن 5000 او 6000 او فوق!؟

يا ربي كلما اتذكر عيونه الحزينه احس اني بصيح!؟ يا ترى غلطت في حقه؟! يا ترى ليش ما يا في بالي اني اساعده؟! يا ترى شو الحين حاله!؟ كيف بيلقى مساعدات!؟ !؟ يا ربي شو اسوي!؟ وين بحصله!؟

خبروني شو اسوي يا خواتي!؟

هلا الغالية.................ما أحس أنه الذنب ذنبج تبين الصدق الذنب ذنب ربيعتج المفروض انها لو ما تبا تعطيه شي ما تغلط عليه أو تحسسه بالأحراج اشدراها يمكن هاشخص صدق محتاج الله يسامحها ......................ولا تضيقين بعمرج الله ما كتبلج أنج أتساعدينه أدعيله بالخير وانشاء الله الله بيرزقج أجره ............

[CENTER]الغالية أم سعيده

تمر علينا في حياتنا الكثير من المواقف .. نتكلم عنها ونتعلم منها

وموقفك هذا قد يحدث مع أي شخص .. ولأن لك قلبا عطوفا ونفسا تحاسبك على كل شيء فأنت بإذن الله على خير

إحساسك بالذنب يكفي لما حصل .. لكن ضعي ببالك أن السائل فلا تنهر .. حتى لو كان غير صادق

إذا بغيتي تعطينه لك الأجر وإذا ما بغيتي فلست ملزمة بذلك ولكن لا تنهريه .. فأنت لا تعلمين ما لديه من أزمات ومآسي

نعم من كثر ما كثروا الشحاتين المتخصصين والتابعين لشركات قمنا نخاف من الجميع

هو بالنهاية لن تكوني مجبرة على إعطاء أحد لكن بالمقابل لا تنهريه

ادعيله الله ييسر أمره ويفرج كربه وربنا يفرج كرب كل مكروب .. آمين

وأكثري من الاستغفار وخلاص حاولي تنسي الموضوع

[CENTER]السلام عليكم ورحمة الله وبركاته..

عزيزتي لب الفؤاد مشكوره حبيبتي على الرد والله ريحتيني وايد بالرد الطيب بس صدقيني صديقتي لانها المسؤوله عن Reciption ما عرفت كيف اترد ارتبكت وردت جذيه لانها ما عرفت تصرف.. ومشكوره حبيبتي مره ثانيه..

الغاليه Bent Palistaine تسلمين حبيبتي على الرد الطيب لكن ثقي بيي لم اوبخه بل كلمته والدمعة بعيني.. يعني تكلمت معاه عادي ولم يرفع صوتي.. وان شاء الله ادعيله وادعي لكل المسلمين المحتاجين يا ربي..

[CENTER]هلا حبيبتي أم سعيدة

الغالية قبل كم شهر أعلنت القيادة بدبي محاربة التسول بجميع أشكاله
بس يمكن هالطفل ما يفهم بالقوانين لانه صغير
و بنظري انتي ما غلطتي
لانه السن اللي يمر فيها الطفل سن حرجة و قريب من المراهقة
يعني إحتمال كبير ياخذ المبلغ اللي بيحصله منج و يشتريبه شيء يضره لا سمح الله ( مخدرات)
لانه عيال الحرام منتشرين و يلعبون على الأطفال اللي بسن هالولد
بس لو كنتي حابه تساعدينه..
كان مثلا تاخذين رقم تلفونه و تقوليله انه مكان الشغل ما يسمح بهذي الامور
و بالتالي تتصلين باي وقت و تكلمين اهله و تعرضين عليهم المساعدة

و جزاك ربي خير يا القلب الحنون

بصي يا ام سعيدة الموضوع كله كان في ايد صديقتك لانها لو كانت عايزة تساعده وما فيش معاها ما يكمل له من المبلغ المطلوب كان ممكن تكلمك وتكلم غيرك حتى تكونوا لة المبلغ المطلوب حتى تفرجوا عنه كربته ومن فرج عن مسلم كربة من كرب الدنيا فرج الله له كربة من كرب يوم القيامة
فلتستغفري الله ولا تلومي نفسك كثيرا فالأنسان قد تنتابة لحظة شلل مؤقت في التفكير حين يرى موقف مؤثر او منظر مثير للشفقة مثلما حدث معك
وقدر الله وما شاء فعل فهو غير مقسوم له الرزق من هذا المكان
وليوفقك الله ولا تحزني فالله لا ينسى عباده ابدا
فقد تكونوا ايضا سبب في ان يذهب الى المكان المناسب لياخذ ما فيه النصيب من رزقه
ولكي ان تحمدي الله كل لحظة على نعمته عليكي
والسلام عليكم ورحمة الله وبركاته

السلام عليكم

اول شي اختي اهنيك على قلبك الحنون والحساس

عزيزتي لا تحطين في بالج الامر خلاص اللي صار صار وانتي الحمد لله ما قصرتي كان في نيتج الصادقة انج تساعدينه لكن خفتي ان المبلغ ما يكفيه

حطي في بالج ان الله ما يسوي شي إلا فيه الصلاح ............ في كل الامور له حكمة سبحانه وتعالى ... يمكن رفض صديقتج مساعدته ((( مع ان ما كان في يدها شي))) يكون سبب في انه يفكر في جهة ممكن راح تساعده ويحصل اللي يريده عندها وبطريقة افضل أيضا ويمكن الله ما وفقه لهذا الامر لانه في صلاح للشاب نفسه .... ومهما حاولنا و فكرنا في حكمة الله ما راح نوصل لحكمة معينة فلا تخافي على الشاب فإن الله ما ينسى عباده وهو رحوم وعطوف بهم اكثر منا فنحن ما نقدر ندرك اللي في مصلحة العباد فامرهم في يد خالقهم وهو اعلم بما يناسبهم

فانا راح اذكر لج ابسط موقف صار لي ويبين رحمة الله في عباده وانه ما يسوي شي إلا في مصلحة العبد
في يوم كنت بروح الجامعة وكان عندي بس محاضرة وحدة وكنت بروح في باص الوزارة لان السيارة في الكراج المهم قعدت وتجهزت ورحت للمحطة اللي هو الباص مشى يعني ما لحقت عليه واتنرفزت حدي لان قعدت من الصبح وتعبت نفسي وفي الاخر الباص يمشي لكن فوضت امري لله وفي اليوم الثاني سالت صديقتي شنو عطاكم الدكتور قالت لي ماحضر اليوم اهني انا حمدت ربي وشكرته لان لو رحت ذاك اليوم الجامعة كان بقعد من الصبح للعصر ما عندي شي غير التعب والملل

سبحان الله

واخيرا اختي السموحة على الاطالة

وفي امان الله

[CENTER] السلام عليكم ورحمة الله وبركاته

غااليتي أم سعيدة

أنا معك ان الموقف جدا محزن ويتفطر له القلب بصراحة ... ولو كنت مكانك لأصابني ما أصابك والتأنيب سيكون من نصيبي للحظات وايام ويمكن شهور ... تدرين لماذا غاليتي لأن من طلبك طفل ...و لأننا أمهات أو البعض مؤهل ليكون كذالك حبيبتي فهذا ما سيفطر قلوبنا

غاليتي اتذكر أني ذهبت قي زيارة مع اسرتي الى أحدى الدول العربية ... وكان عمري ان ذاك 13 سنه رأيت طفلاً يطلب من والدي مبلغ من المال ... وما زلت أتذكر تلك اللحظات وفي كل مرحلة عمريه انتقل اليها تتجدد النظرة الى ذالك الموقف الى ان وصلت الى مرحلة الامومة فنظرت اليه وكأنه ابني فتقطع قلبي للموقف ....

عزيزتي ربما المطلوب سيكون أكبر من استطاعتك ... وليس هذا فحسب انتي لا تستطيعين الجزم بأن هذا الطفل حقا يحتاج هذ المبلغ أولا ,,, وثانيا اذا كان فعلا محتاج تستطعين تقديم المساعده له ولكن بالخفاء تدرين لماذا حتى لا يعتادون عليك فتصبحي ملجا لهم في كل حين ..



أختك

العتب

[CENTER]السلام عليكم ورحمة الله وبركاته..

والله مشكورين جميعكم على الرد.. وبالفعل الله يقسم الرزق لعباده ويا سبحان الله ويا رحمته الواسعه..

كل كلمه منكم دخلت قلبي وخلت عيني تدمع لان بالفعل حسيت ان في ناس فيهم خير في هذا الزمان.. ومشكورين كثيرا خواتي على الرد الطيب والكلام الطيب الي بالفعل يخلي الوحد الحمدلله يرتاح..

وما اعرف اشكركم قد ايش..
بالفعل اشكركم من كل قلبي..

السلااام عليكم ورحمة الله
الصدقه شي طيب انوو الوااحد يسااعد الي قدااامه,, ويبذل لو صدقة بسيطه, ياااخذ عليها الواحد الاجر والثوااب
بس احس اذا المبلغ المطلووب كثير,, فالي اشووفه انه الوااحد ماتااخذه العاطفه بزيااده لانه كثير,, كثير من المتسولين مب محتاجين صدقه, والوااحد مب مطلووب منه انه يفتش القلووب,,
احسن شي انوو الواحد يتصدق بشي رمزي ياخذ عليه اجرر ولا يفرط انه يمر عليه واحد محتااج ويتركه بدون شي

وعلي السالفه هذي,, قبل كم يوم مرر علي سالفه من جد تكسر الخاطر , انه فيه وااحد شايب معه ثنتين من بناااته اعمارهم مابين العشر و13 سنه المهم كان طالب من مطعم, نصف دجاجه مع رزز ويترجا الافغاني انه , يصبر عليه يوم او يومين وبعدين يرد له المبلغ,, وسمعته يترجا والله انقهرت من الافغاني وحسيت انه ماعنده ادني, عمل او ضمير يشكر عليه لانه محسوب من المسلمين ويسوي كذا,,
من جد زي الواقف هذي تخلي الواحد يتحمد ربه علي نعمة الغني, وكف اليد من طلب الناس

ومشكوووووره ام سعييد علي السالفه

[CENTER] السلام عليكم ورحمة الله وبركاته

عزيزتي الحنووون .. ام سعيدة

بارك الله في هذا الحنان والقلب الرحوووم عليكي

بصراحة انا صار لي نفس الموقف قبل شهرين تقريبا ولا زال الموقف يتكرر في ذهني واحس بتانيب الضمير عليه .. بس الفرق بيني وبينك ان الي شفتيه ولد في عمر الــ 13 وانا الي شفتها امراة كبيرة في السن قليلا وكانت حالتها يرثى لها ... والي زاد تانيب ضميري انها ما طلبت مني اساعدها وما عطيتها ... المشكلة اكبر من جذي .. هي كانت تبغي تشتري لها ثياب وما يكفوا الفلوس الي عندها .. وانا انقهرت على نفسي لاني ما عرفت اتصرف معاها ... ووقفت اشاهدها وهي تطلع من المحل ... تقولي صابين علي ماء باااارد .. وانا للحين حززززينه علىاني ما ساعدتها واتمنى اني اذهب لنفس المكان والاقيها واساعدها ...

سبحــــان الله .. ساعات الانسان تمر عليه لحظات يوقف تفكيره فيها ... بس بجد هالموقف حاز بنفسي واااايد واتضايق كل ما تذكرته
:sad::sad::sad:

ام سعيده .. الكلام بالخاطر وايد .. بس ماشاء الله بعض الردود من الخوات كانت حلوة ... انصحج بالدعاء له في كل صلاة في ظهر الغيب

[CENTER] السلام عليكم ورحمة الله وبركاته..

تسلمين حبيبتي عروس ا للولو على الرد بمشاركتج اتحت وايد وتسلمين..