حكايتي مع الحمل

اخواتي الغاليات 000حبيت اكتب لكم حكايتي عشان كل وحده تبي الحمل اوتنتظر تحمل يكون عندها امل بالله اقوى من الاول 0000
انا لي 3سنوات متزوجه 00 بعد زواجي بأقل من شهرين عرفت اني حامل فرحت حيل احساس غريب وقتها مابعد كملت 19 سنه (طفله) وبنيت امال وانتظر النونو ودي العب فيه لان امي تهاوشني دايم لما العب عيال خواتي لاني اعورهم المهم كملت الشهرين ولما دخلت الثالث اسلبت صلحت عمليه تنظيف وتعبت تعب الله لايوريكم المهم بعد العمليه 3بثلاث شهور بديت اقلق ماصارحمل وكان عندي الم شديد ببطني ورحت للطوارئ لانه شد حيل كانها الزايده المهم الله اراد وسويت فحوص كامله وطلع عندي ضعف في المبايض وبدأت رحلت علاج من كلوميد للابر للعمليه الى اخره وكان عندي مشكله كل ماتصير البويضات في اكبر حجم يجيني نزيف بدون اي سبب سويت عملية تقريب يقولون اضمن بأذن لله بعدها بـ3 ايام جاني نزيف المهم استمريت على العلاج والابر اقوى شي منها والله ماكتب جتنا سفره لفرنسا ورحت للطبيب واخذت منه تقرير بوضعي على اساس اكمل العلاج وصلت فرنسا وسويت موعد وسلمتهم التقرير في يوم الموعد اتفاجأة ان موعدي عند طبيب رجال دخلت عنده وانا كان في قلبي نار قال لازم اكشف قلتله مستحيل تخيلوا رجال ويهودي وانا وياه لوحدنا حتى ممرضه مافيه لما رفضة زعل وقال لازم وهو واثق من نفسه لانه استشاري عقم وعالج ناس كثير وعليه زحمه فضيعه 0000 المهم رجعت البيت وكل من سألني اقوله اني مابروح له مره ثانيه ابدا كلهم صاروا يلوموني ويقولون لو انتي فعلا تبين طفل كان رحتي له المهم انا بداخلي اقول انا تركته لوجه الله انشاء الله ربي يعوضني خير منه وطلبت دكتوره وقلوا الدوره الجايه لازم تسوين ثاني يوم تحليل للهرمون وانا وقتها لي اسبوع من طهرت من الدوره 0 وكل ماالشيطان يدخلي اقول انا تركته لله وتعرفون الانسان لابد يمر بلحظات ضعف خصوصا على موضوع حساس وانا انجرح من هالموضوع بكل لحظه من كل الناس وبالاخص القريب والي يهونها زوجي متفهم ومو من النوع اللي يحب الاطفال المهم انتظرت الدوره وهي بالعاده تتاخر لحد الشهر عن موعها ولما تاخرت 11 يوم كانو كل الناس يسألوني جت اولا وانا اقول باقي على موعدها اسبوع انا اكذب على نفسي مو على الناس لاني ماابي يجي عني امل وبعدين اتحطم زي كل شهر وكنت طول الشهر اقوم الليل وادعي ربي يسخر لي دكتوره زينه ومايحرمني انا وكل مشتهيه للحمل احيان اكون تعبانه لكن اضغط على نفسي واقوم اصلي وادعي00 جبت تحليل الحمل في البيت وسويته ماكنت حتى اتخيل اني حمل شوفته مافيه الاخط واحد ضاق صدري ورميته وطلعت شوي قلت خلني اشوف يمكن رجعت شفت الاطلع خط ثاني من الفرحه ماقدرت اتنفس مابين مصدقه ومكذبه نزلت لزوجي وانا حاطه التحليل ورى ظهري جيت ابتكلم صرت ابكي ماطلع الكلام وهو انفجع وشفيك وانا كل الكلام ضاع المهم وريته التحليل صار يسمي علي من كثر ملكنت ارجف وابكي المهم قعدت شوي خفت يكون موصادق دقيت على جارتي وقلت لها قالت تعالي بسرعه وهاتي التحليل ورحت لها وقالت لا انشاء الله جحمل والليوم الثاني سويت تحليل دم وطلع فيه الحمدلله عددخلقه ورضا نفسه وزنة عرشه ومداد كلماته المهم جارتي كلمت امي وقالت لها واحنا حاطين المكبر نسمعها وقعدت تبكي وتدعيلي الله يتمم علي
وانا اللحين في الشهر الرابع بدايته ولله الحمد والشكر 00
الله يتمم على وعلى كل حامل ويرزق كل مشتهي نونو وتقربه عينه يارب 00
حبيت احكي لكم سالفتي عشان كل وحده تبي الحمل تتعلق بالله قبل كل شي لان كل شي مجرد سبب 0000
اسفه جدا طولت عليكم اكيد زهقتوا ومو تاخذون عني فكره ان سوالفي كثير ترى مو كثير مره :clap: