حبيت انزل هذا الموضوع لأنه لقيت اغلب الناس مهتمه بها الماركه وبعدين لقيت انه المواضيع عن ماك منفصله يعني موضوع عن الكحل وموضوع الروج وموضوع عن الايلينر واذا لقيتي موضوع عن مكياج ماك يكون عن كل منتجات ماك... فموضوعي هدفه احسن ما يباع في ماك لأنه لمن رحت ماك لقيت عندددددددددددده اشيااااء كثير والله اتبهدلت عشان الاقي الشي المناسب لي.
فالمطلوب : من كل وحده استخدمت شي من ماك وعجبها ياليت تكتب لنا اسم المنتج مع الصوره له(اذا امكن) ورقم اللون ولون بشرتها ونوعها عشان الكل يستفيد ولمن نروح ماك بعد كده نكون عارفين ايش احسن شي بالاسم والرقم والشكل بدل ما نتوه ونشتري الزين على الشين .
ومن هذا الموضوع كل وحده تحدد المناسب لها على حسب نوع بشرتها ولونها .
يعني مثلا بالنسبه لي:
انا بشرتي حنطيه ونوعها دهني وجربت كريم اساس رائع من ماك اسمه select SPF 15 foundation
يخلي البشره مخمليه ورائعه كانها طبيعيه وينفع للنهار ولكل الاوقات بس ما اتوقع ينفع لسهره
وهذا شكله
ورقم اللون nw20 وهو على وردي
وكمان عندي روج لونه يجنن lip stick
وهذا شكله:
ورقمه angel A54 ولونه وردي رااااااااااااااااااااااائع يخلي شفايفك تجنن والله انه زوجي ينخبل عليه
واكبر فايده في هالموضوع :
انتو عارفين انه كل عروس قبل زواجها لازم تشتري مجموعة مكياج ولازم يكون من ماركه وحده عشان يكون احلى فعشان كده ابغاكم تقولو عن كل شي كويس في ماك وانتو جربتوه عشان العروس تشتريه وما تتوهق لمن تروح المحل وتشتري كل ما هب ودب.
الله يسعدكم ابغى تفاعل عشان الكل يستفيد (وربنا يجعل مقامها الفردوس الأعلى كل من تساعدنا في هالموضوع).
واخيرا اذا عندك منتج وتبغي تجيبي صورته هذا هو موقع ماك:
http://go.3roos.com/Vw24i9JjG2r
11,50$
