هل أشدها من شعرها .. واطرحها أرضا كي تكف عن زوجي

اختي اعتقد ان تقومي بابلاغ احدمن افراد اسرتك والذي بدوره يقوم باخبار اهلها اعتقد بان ليس من السهل ان تصمتي على هذا الوضع

انا رايي انك تتناقشي مع زوجك بصراحه واذامابذنه مايييييييييييييييييييي ارسلي الادله لاخوها باليد والله يعينك على زوجك المراهق مع الاسف

الوضع هذا ماينسكت عنه أنا برأيى انك تكلميها وتهزيها وتقوليلها أنه اذا ماتركت زوجك بحاله انك راح تفضحيها عند أهلها .
وزجك الخاين اسمحيلي المفروض يحس على دمه ويتركها مو يشوف أنك صابره عليه ثلاث سنوات يعني هذا أكيد من حبك وتمسك به
والله يساعك وكملك بعقلك بصراحه يارت كل النساء عندهم صبرك
والله ينهى المشكله على خير يارب

شكرا على مروركم ..

للأسف الشي الوحيد اللي مخلني متمسكه هو ثلاث اطفال .. والا كان انهيت العلاقة منزمان ولا عشت هذا القهر

شكرا على مروركم وبحاول اتخاذ الاجراءات اللازمه

السلام عليكم ..

بصرااحه زوجك يلعب معااها هوماايحبهاا .. وهي نفس الشيئ ..


((((((((((((والبنت تقولي هو اللي يركض وراي وزوجي يقولي انتي ليش تصدقينها اصلا هي اللي تركض وراي ))))))))))

شووفي من ها الرد .. كل وااحد خااايف .. لوو يحبهاا صحيح .. كان قالك بلساانه انه يحبهاا ..

اتكلمي معاه بكل هدووء وصرااحه .. ولااتتسرعي تسووي شيئ وتندمي عليه بعدين عزيزتي ..

انش ترووح العمل وتشديها من شعرهاا ..

اصبري .. واصبري .. بيحس بغلطته يوووم ..

طبعا هي تلعب .. بصرااحه في الاخير مااينفع معاها الا التهديد ..

طمنينا

حبيبتي والله حاسه فيج انا طايحه في نفس الورطه بس عليك بالدعاء
الله باعد بينها وبينه كما باعت بين المشرق والمغرب .....اللهم اجعل الكراهيه بينهم ...اللهم شتت شملهم ....وفيه ادعيه في قسم الاسرة والمواضيع الاجتماعيه روعه

هلا اختي الغالية الله ايعينج يارب

المهم اول شي اتصالي لها في الدوام

وكلميها بزين اذا ما سمعت الكلام عليج بتهديد اسلوب فنان حق هالاشكال علشان ما ادمر حياتج

اول شي اتعوذي من الشيطان واستهدي بالرحمن...
ثاني شي تاكدي ان الخطوة الي بتتخذينها ما تسي لزوجك لانج تبقين تسترجعينة مب تطفشينة..صح ولا لا؟
اذا لازم البنت تتوقف عند حدها بدون الهليلة الي تفكرين فيها لانها بتحرج زوجك ويمكن يفكر يرجع كرامتها ويتزوجها.....!!!
الافضل حطي الاوراق في ظرف واذا كنتي متاكدة من موقف اهلها انة بيكون حاسم جمعي الاثباتات وروحي لابوها وعرفية بالي يحصل من بنتهم واطلبي منة انة يحث بنتة على طلب نقل من الدوام ,ولكن حاسبي تغلطين عليهم كعائلة او اهل يمكن هم بعد مغتشين ببنتهم.
وفي نفس الفترة اطلبي من زوجك يطلع اجازة عشان يبعد عنهاوانتي حاولي تكسبين تعلقة باولادة عشان يرجع لكم.

انا اقول يا اختي انا هالناس تستحي ما تختشيش ؟؟؟؟؟؟؟؟

انتي روحي بيت اهلها وكلميهم خلهم يلمون بنتهم عن ازواج الناس ؟؟؟؟؟؟؟؟؟

بس بصراحه لو تركته هالبنت انتي تأمنين على زوجك مرة ثانية ما يتعرف على وحده ثانيه ؟؟؟؟؟

يعني انا برأيي صميم المشكلة زوجك اللي لازم تقعدين وياه وتعرفين شنو اللي خلاه يسوي هالشئ يمكن الملل والروتين بحياتكم او انتي ما تسوين له الاشياء اللي يحبها من لبس ودلع ورومانسية ؟؟؟؟

تمسكي بزوجك وخلي بيتك عامر يا اختي ولا تسوين شئ اتبينين لزوجك انش غلطانه ؟؟؟؟ ولازم لازم اتروحين لاهلها وتواجهينهم عجل اللي اتسويه بزوجك هين ؟؟؟؟

حاولي انك تدخلين في اعماق قلب زوجك وتسلبي لبه وتخليه يتخبل عليك

لان المشكله اعتقد من زوجج واذا ودرها بيروح لغيرها

حاولي تتمسكين فيه وتبينيله حبك الكبير له

والله يفرح قلبك

عامليه بالسياسه

دام ان زوجك مقتنع فيها ومايبي يتركها لا ترتكبين هالامور اللي ممكن تصغرك في عينه او تطلعك غلطانه

حبيبتي انتي صاحبة حق وهذا زوجك ولا حلالك

ولا تتركين حقك لوحده مالها حق فيه

ولا تنزلين نفسك في الحديث والحوار معاها ،، او حتى تشتمينها او تسوين لها اي شي

لاتخلين صورتك امام الناس جذي وتطلعين غلطانه فيها ،، و انتي صاحبة الحق

كلمي اخوك او احد من اقاربك يروح يكلم احد من اهلها

ولا تنسين هم ان زوجك غلطان بعد مو بس هي

السلام عليكم



بصراحة اختي عورني قلبي عليج وايد وانقهرت وايد


أحب أنصحج بشي

لا تسيرين تفضحينها ولا تخبرين عليها أهلها

الغلط في زوجج بعد لأنه يعطيها ويه

لو صدق هي اللي تلاحقه وهو ما يباها ومتأذي منها

خليه يبلغ أهلها بنفسه وتكونين انتي وياه أو حد من أهلج بس ما أعتقد انه يبنفذ هالشي


اختي لازم تترسين عينه وقلبه وكل حواسه وعقب بتشوفين انج بالنسبه
الملكة الوحيدة في حياته

وأدعليج من قلبي
الله يهدي ريلج ويوفقج وياه يااااااااااااااااارب

اختى في الله
وامساك بمعروف او تسريح بأحسان
وانتي ظللت صابره عليه ثلاث سنوات وهو لم يحمل لك مثل هذا كجميل
وظل على عهده الزائف معك
ارجو ان تتركي كل ما قيل وقال في هذا الموضوع وان تصلي صلاة الاستخاره فهي الانفع في مثل هذة الحالات
وسيهديكي الله الى الطريق القويم
وفقك الله وهداك لما تحبه نفسك وترضاه

السلام عليكم


بقلكم شو صار ...

صارحته اني شفت الرساله .. وطبعا بديت اصرخ .. وانفعل ..
في البدايه نكر لانه ما يدري ان عندي برامج تجسس .. واعترفت ان عندي برامج تجسس

وقال انا من شهر ما اكلمها بس هالمره ارسلت هذه القصيده وكان مجرد فضووول

المهم

الخطوة الثانيه ارسلتلها ايميل ومضمونه تهديد .. طلبت منها انها تستقيل او اني ابلغ اهلها بكل نسخ فواتير التلفون الموجوده عندي ..
وطلبت منها انها ترد على ايميلي او اني بنفذ اللي براسي ...

وانا الحين انتظر ايميلها

كثير منكم قال يمكن انا مقصره بحقه بالعكس .. انا ما خليت شي وما سويتله .. من دلع ولبس وحركات رومانسيه .. اشياء يمكن انتو ما خطرت على بالكم .. واحيانا ينبهر من المفاجآت اللي اخبيله اياها .. ويقول انتي دايما تحرجيني بهداياج وحركاتج .. يعني فيه احساس .. يحس احيانا انه ما يستاهل شي ...

بس الخوف انه تسويله شي اقصد عمل واذا سوتله صعب انه يتفكك اولا بنت مو سنعه غير محجبه وصاحبة عود وبخور .. وتخالط الرجال

الله يبعدها عنه

كانت مناقشاتي حاده مع زوجي وبالاخير طلبت منه شيئين
وقلتله مهما كانت علاقتنا مهزوزه ..انا ما اريد اتطلق ولا تتزوج علي ... لان الواحد وقت الغضب ممكن يقط كلام وبعده يندم عليه ...وقالي في حياتي ما فكرت بالاثنين ..
نحمد الله على نعمة النسيان .. والا جان ما كان هذا حالنا

تقبلو تحياتي

الله ان شا الله يصلح بينكم يارب ويبعد بنات الحرام يارب

السلام عليكم

اختي غاية

اول شي حاولي تهدين أعصابج و لول أني اعرف انه مب سهل عليج و
بعدين اريدج تصيحين و تدعين الله يفرج عليج .

و البنات ما شاء الله ما قصروا

و نصايحهم كلها خير

إذا عندج حد من أهلج ثقة توكلي على الله و قوليله خليه يخبر أهلها و إذا ماعندج انتي خبري اهلها بدوء ، و الله يعينج و يصبرج

و اهم شي حاولي حاولي و حاولي تمثليمن الصبر علة ريلج و الحب و تحالي تكسبية بكل قوة

و الله يهداه لج و اهم شي الهدوء الهدوء الهدوء و حاولي تفظين لسانج عن الغلط لأنج إذا غلطي يكون الحق معاج و يصير عليج

الله يصبرك وعليك بدعاء ليل ونهار وان الله يبليها بمرض ما تقوم منه قادر يا كريم
اصلا هذا الاشكال ما ينفع معاها غير هذا الدعاء مرض يفتت عضامها قولي امين

الغلط مب بس على البنت

الغلط من الريال اللي عاطنها ويه اكثر عن اللزوم

الله يهديه ان شاء الله ويبعدها عنكم ويبعد الحرام عنكم