خوفي من قصة وزن الجنين ..

السلام عليكم خواتي ...
حبيت اقولكم مشكلتي واتمنى اتساعدوني فيها .. ومشاكلي هالأيام كثرت .. :sad:

انا من حملت للأن وزني زاد حوالي 14 كيلو .. اللحين انا في نهاية الشهر السادس .. وبطني واااااايد صغير يعني الي يشوفني ما يقول اني حامل وبطني اتدل على اني في الشهر الخامس او نهاية الرابع لأنها وايد صغيرة ..

ووزني مب مبين فيني غير شوي ويهي امتلا والصدر ومنطقة البطن طبعا اما ريلي وايدي مازاد فيهم شي ..
القصة ومافيها ان دايما الدكتورة اتهاوشني اتقولي اني انا تقريبا في كل شهر ازيد 5 او 4 كيلو واتقول لي انه وايد بالنسبة لي بالذات اني مب في النهاية .. وتخاف انه ايني سكري الحمل ..

خوفتني الصراحة ولما اقول حق امي اتقول عادي شي طبيعي .. والدكتورة اتقول لا .. والله صرت اتغدى مرتين واتعشى مرتين يعني وايد اكل :pain: ..

والي شغل بالي انه المتن مب مبين فيني وايد وخاطري اعرف وين راحت 14 كيلو الزايدة فيني ؟؟ معقولة اتكون في وزن الجنين ؟؟ يعني معقولة الجنين يكون كبير في بطني او وزنه زايد ؟؟

مع العلم انا قبل الحمل وزني 50 والحين وصلت 63 :gum: شو معلوماتكم عن هالشي ومنو كانت مثلي ؟؟ وكيف اقدر اعرف اذا فعلا وزني كله في الجنين او لا ؟؟ مع العلم في الألترا ساوند ما يقولون لي شي ولا قالوا لي عن وزنه ابد ..

واتمنى اشوف ردكم