بنات مصر يللا نتعاون لتنسيق حفل الزفاف

w

wewe23

عروس متألقة

25-02-2005 | 12:51 PM

أهلاً بنات مصر
نريد التعاون معاً بأفكار جديدة و مختلفة لتنسيق حفل الزفاف
و يا ريت المخطوبين أو النتزوجين يقولوا خبرتهم فى حفلات الخطوبة أو الزفاف و إيه الحاجات اللى اتعملت و حتى لو كانت بسيطة و كانت جميلة
يعنى أفكار زفات ورود أى حاجة
معلش مش هقدر أقول خبرتى علشان أنا عملتها فى البيت الخطوبة
و عايزة أستفاد من خبرتكم للإعداد للفرح
شكراً و أتمنى المشاركة من الجميع

ب

بغدادية

مشرفة سابقة

25-02-2005 | 01:43 PM

السلام عليكم
اهلا اختي wewe
هذا رابط لموضوع يارب يفيدك باخذ افكار لترتيب حفل الزفاف
افكار لتزيين حفل الزفاف
والف مبروك

تحياتي
بغدادية

w

wewe23

عروس متألقة

25-02-2005 | 01:44 PM

اه نسيت أقول اللى شافت أفكار جديدة كمان فى أى فرح راحته أو سمعت عن أفكار يا ريت تحكى عليها

ع

عروس حيرانه

عروس مبدعة

25-02-2005 | 03:35 PM

هكتفي اقرأ احسن لو شاركت الموضوع يتقفل برضوه

w

wewe23

عروس متألقة

25-02-2005 | 05:19 PM

هاهاهاههاها عروس حيرانة بصى أنا قعدت أدور على فكرة تلمنا احنا يا مصريات قلت اهه فكرة نشارك فيها و نستفاد و الأخت بغداداية وعدتنى انها هتحاول تعيد ملفى اللى سميته بنات مصر و شاركنا فيه و متخافيش الملف ده مش هيتقفل و الدليل ان الأخت بغدادية المشرفة نفسها شرفتنا و شاركت فيه أرجو مشاركتك و يمكن لو شاركتى تروح الحيرة و تبقى عروس فرحانة

w

wewe23

عروس متألقة

28-02-2005 | 10:29 AM

مفيش حد ناوى يقول حاجة

ع

عروس حيرانه

عروس مبدعة

28-02-2005 | 06:34 PM

بسم الله الرحمن الرحيم:بصي ياستي الاول انا ناويه اعمل زفه تقليديه بالقرب والدخله تكون بسيطه يعني والدي يسلمني لخطيبي ونكمل الزفه وفقرات الحفل في زقة مشاعل للشبكه وشو نوبي لذيذ وبعدين التورته وشو بتاعها وعادي بقي الد جي والاتوجراف والبوفيه وكده

a

amana

عروس مشاركة

01-03-2005 | 12:34 AM

السلام عليكم ورحمه الله وبركاته
ازيكم يا بنات مصر كل واحدة فينا عايزة تكون ليلة العمر العمر احلى ليلة بس انا نفسى باقل تكاليف ممكن انكم تستافادوا بالحاجات دية احسن انا كان نفسى ما اعمل فرح واخرج اتفسح ولكن اهلى لم يوافقوا ابدا وفرحى انشاءالله كمان شهر
انا عاملة بس ان الكوافير سوف ياتى للبيت وخطيبى ياتى لياخذنى وزفة تحت البيت وبعدها على القاعة انشاءالله

w

wewe23

عروس متألقة

01-03-2005 | 01:52 AM

عروس حيرانة و امانة يا ريت تفيدونى بأماكن القاعات اللى سألتم عليها و أسعارها علشان المفرو ض أحجز من دلوقتى

k

kenzy

عروس جديدة

01-03-2005 | 12:55 PM

السلام عليكم
ازيكوا كلكوا يا مصريات يا حلوات موضوعك فكرته حلوة يا wewe23

انا بردوا بلف اليومين دول على القاعات فى الدرات وبشوف افضلهم شياكةوسعر طبعاً
لاننا لازم نحجز بدرى عشان انا فرحى انشاء الله فى شهر 7 وهو شهر الافراح
يا ترى يا wewe23 اانتى فرحك امتى وعايزة تعمليه فى دار من الدارات ولا حاجة تانية ؟؟؟؟

t

tamatiaa

عروس متألقة

03-04-2005 | 01:20 PM

wewe
ماشاء الله عليكي هايلة
فكرتك حلوة.

بس تعرفي اي حاجة عن اماكن حلوة لفرح في ال open air الصبح في واحدة صاحبتي عملت فرحها في هيلتون 6 اكتوبر لو حد يعرف اماكن تانية بس مش فيلل قصدي اوتيلات يفيدنا برضه

c

curly_girly

عروس مشرقة

07-04-2005 | 06:54 PM

السلام عليكم و رحمه الله و بركاته
هاىىىىىىىىىىىىى يا بنوتات مصر يا رب يكرمنا و يتمملنا على خير
مبدايا يا wewe الأفراح ليها افكار كتير بس اهم حاجه يا حبيبتى تحددى الأول the wedding budget و بعديين انزلى انتى و خاطيبك او صاحباتك و شوفى القاعات ,عارفه ممكن تكون قاعه عاديه بس مع الكوشه اللي انتي هتختاريها و the decorations و كده هتلاءيها حاجه تانيه
و عارفيين يا بنات اسعار الدارات ارخس من الhotels و بيعملوا نفس الفقرات بس في بنات بيعملوا فرحهم فى باخره اسعارها رخيصه و تحفه و حضرت فرح كان توحفه
المهم فى افكار عسوله جداااااااااااا للفرح
هاجمعهلكم من الافراح اللي انا روحتها و من مجلات و sites بس المشكله العربى بتاعى استحملوا بءى
و دعولى جدا فرحى انشاء الله فى7