احلى لعبة لطفلك ........... ادخلي وشاركينا

انا ماخليت شئ ماشريته لاعيالي من العاب
يوميا اشتري لهم وحتى لو خليتهم عند اهلي ورحت للسوق ماارجع لهم الا وفي يدي العاب
وكلها يومين الا اللعبه متكسره وحالتها يرثى لها

وكل يالله مو مشكله اهم شئ استانسوا فيها
لكن ماشاء الله المصروف كله للالعاب
وهاي الشهر فكرت اني اشتري لهم شئ يملى عيونهم ومايبون شئ ثاااني ويكووون زين لهم ويستانسون وشئ مايخترب لو ايش وخاصه لو انا هاي المره اهتميت فيه وعلمتهم اشلون يحافظون عليه

شريت لهم زحليقه على عمرهم
ومستانسين فيه وااااااااااااااااااااايد حتى الصغير كان يخاف والحمدلله صار يلعب فيها بروحه
ماشاء الله

انه ولدي عمره 7 شهورر وعنده كارتون مليان العاب بس عن جد يلهونه عن الصياح ؟؟؟؟؟؟؟؟

بس انه لاحظت ان احلى لعبة عنده ؟؟؟؟؟؟

وحده اخذتها من مذركير مثل الفراشة فيها الوان كثيرة واشياء نازلة منها ومرايا وجيوب وفيها مثل الشباصة تعلقينها في اي مكان في العربة السرير اي مكان ؟؟؟؟

والثانية بعد ايحبها وااايد مثل كلب بس على شكل كرة ملون كل ما تهزينه يطلع أصوات مختلفة ؟؟؟وفيه الوان جذابة ؟؟؟

ياهلا والله ملاذ الحب

الله يحفظ لك صغارك ويصلحهم ويبارك فيهم

كلامك كله صح

ياما نشتري ونرمي ولا احنا عارفين وين اللعبة اللي أثرت في الطفل

الزحاليق اكتشفتي انها ارضت ميولهم وهذا شئ حلووو

الاطفال عندهم نشاط وطاقه ويبون يلعبون ويتحركون

واحنا كله اقعد اقعد لاتكسر لاتحوس اعقل ياهووه وغيره

الزحاليق نمت عندهم المهارات الحركيه وارضتهم وفي نفس الوقت ماسببت توتر في البيت

يعطيك العافيه وتشكرين على المشاركه

ايوت:
انه ولدي عمره 7 شهورر وعنده كارتون مليان العاب بس عن جد يلهونه عن الصياح ؟؟؟؟؟؟؟؟

بس انه لاحظت ان احلى لعبة عنده ؟؟؟؟؟؟

وحده اخذتها من مذركير مثل الفراشة فيها الوان كثيرة واشياء نازلة منها ومرايا وجيوب وفيها مثل الشباصة تعلقينها في اي مكان في العربة السرير اي مكان ؟؟؟؟

والثانية بعد ايحبها وااايد مثل كلب بس على شكل كرة ملون كل ما تهزينه يطلع أصوات مختلفة ؟؟؟وفيه الوان جذابة ؟؟؟

ياهلا وغلا ايوت نورتي عزيزتي

الله يخلي لك ابنك ويتربى بعزكم ويجعله من انصار الدين

وتشكرين على ذكرك للعمر وانواع الالعاب اللي اخذتيها

ونتفق انه في هالعمر ينجذب الطفل لاي شئ يطلع اصوت والوان وحركات مثيره تشد انتباهه

وتلهيه وتشغله

يعطيك الف عافيه على هالمشاركه وتسلمين

وين الامهات الباقيات؟

مايشترون العاب؟

وش اللعبة اللي حسو ان الابن تفاعل معها اكثر وحبها؟

وش اللعبة اللي يحسون انه فائدتها كبيره مقارنه بسعرها؟

لو حبيتي تهدين هديه( لعبة) لطفل صديقتك ايش تختارين؟؟

يالله شاركو


----------------------

انا راح اقول لكم عن لعبة شفتها وعجبتني وحسيت بأثرها الكبير وبصراحه الواحد مايستخسر فيها اي شئ

اللي هي : لاب توب صغير ملون بالوان جذابه , ازاريره عبارة عن ايات واذكار بسيطه تخلي الطفل يحفظ وينمي قدرته على الحفظ والتذكر بشكل رهيب هذا غير ان الاذكار تحفظ الطفل بعد حفظ الله

اسم اللعبة بابا سلام وهي تناسب الاطفال من عمر ثلاث الى اربع او خمس سنوات

وانصح جميع الامهات باقتنائها لانها مفيــــــــــــــده جدا

>

[frame="3 90"][grade="4B0082 4B0082 800080 800080 FF1493"] *·~-.¸¸,.-~* الســـلام عليكم وحمــــة الله وبركـــــــاته*·~-.¸¸,.-~*
انا يا اخواتي عندي ولدين واحد 3 سنوات والثاني سنه ونص الكبير اكثر لعبه يحبها دباب يشحن بالكهرباء على شكل حصان والصغير يحب الكور بجميع اشكالها بالرغم انه فيه العاب عندهم يا كثرها بس هادي اللعب المفضله عندهم[/grade][/frame]

الاخت الغالية bsboosa

اذن اطفالك يفضلوااا:

3سنوات>---> دباب يشحن

سنه>------> كووور


مشكوووووووره يالغاليه الف الف شكر

انا اختي عيالي صغار عمرهم 4 اشهر بس احس انه في شي يحبونة ويتفاعلون وياه ولا يضحكون اذا شغلته لهم خصوص اذا يصيحون يسكتون هي مثل اللعبة اللي يحطونها على السرير وفيها فراشات واطلع صوت والوانها كله اخضر واصفر من جد احسها مفيدة لهم

السلام عليكم أختي حنين

موضوعك مرة حلو .... أعجبني

أنا عندي ولد عمره سنتين و تسع شهور ... عنده ألعاب يا كثرها بس أكثر شي أحس أنه متمسك فيه ...

لعبة من مجموعة بابا سلام إسمها روضة الآداب هذي تحتوي على أناشيد مرة حلوة ومفيدة عن اداب الأكل والملبس والنوم والعمل و غيرها

وتحتوي على حوار بين أب وأبنائه مرة بتعجب ولدي وصار يردد الأناشيد معهم ... أحس إنها مفيدة ومسلية في نفس الوقت

كمان عنده لعبة المكعبات الملونة هاذي بيحبها يجلس يسوي سيارات وقطار و بيوت وأشكال غريبة ... سبحان الله أحس أنها بتنمي مواهبه وأفكاره ...

هذي إلي أحس أنها أعجبته ...

أختي حنين أشكرك على موضوعك ....

أختك *بيلســـــــــان*

حبيت أشارك معاكم، مو بلعبة بس بنفس الفكرة هي عبارة عن أشرطة DVD للأطفال من عمر 0-3 سنوات، عبارة عن حركة حيوانات باليد والوان، العاب وأصوات، عطتني صديقتي جزاها الله ألف خير لما كان عمر عبودي 3 شهور ، في البداية مانجذب له بالمرة لكن مع الأيام ماشاء الله عليه بدأ يتفاعل مع الحركة والصوت ونمى مداركه وايد، هي تشتريه عن طريق الأنترنت:

http://go.3roos.com/YiTXkym0fPY

انا ولدي ما يحب الالعاب مع ان عمره 8 شهور تقريبا
بس اخر مره رحت مركز التعليم المبكر واخذت له كم لعبه تعليمية
حسيت انه استفاد كثير من السباحه ( العوامه)
علمته كيف يصلب نفسه ويجلس وما يطيح وعلمته يمسك الاشياء و كان يشوف نفسه كثير بالمرايا
لان فيها العبا ملصقه عليها

تحياتي

الغاليه باربي78

ياهلا وغلا فيك حياك الله يالغاليه

مااتوقع فيه طفل مايحب الالعاب

بس يمكن ماوفقتي في اختيار الالعاب اللي تشبع ميوله وتلائم عمره

وهذا محور موضوعنا

وهذا انتي لما اخترتي له العوامة حسيتي فعلا بانه استفاد وصار عنده حب استكشاف

ومزايا اللعبة اللي ذكرتيها عن العوامه مغريه ياليت تقولين لنا كم سعرها

وهل هي خاصة بالمسابح ؟

وشكرا جزيلا لك والله يخلي لك ابنك وينفعك بصلاحه :)

----------------------------------

الغاليه رانيا البحرين

ياهلا وغلا فيك حياك الله عزيزتي

والله يصلح لك عبووودي ويجعله من البارين

وحلوووه فكرة اللعبة الي ارفقتيها وتزويدك لها بالرابط

وهي جديدة نوعا ما مع اني توقعت انه الصغار في هالعمر (0-3)سنوات
يحبون الشئ المحسوس وينجذبون له ويتفاعلون معه

لكن تبين انهم ينجذبون ايضا للالعاب الالكترونيه في هالعمر

شكرا جزيلاااا لك غاليتي
----------------------------------


الغالية*بيلسان*
هلا وغلا عيوني وعليكم السلااام والرحمة نورتي

مايزيد الموضوع حلى الا مرورك انتي والخوات الغاليات


والله يحفظ لك ابنك ويحميه ويجعله من انصار الدين


اصدارات العاب بابا سلام رائعه ومفيـــده جدا

ويبدوا ان ( روضة الاداب ) اصدار رائع ومميز


اما المكعبات فاعتقد تقصدين المكعبات اللي تتركب مع بعض لصنع اشكال

وحتى هذي مفيده كثير في تنمية المدارك




---------------------


الغاليهDarkStar
هلا وغلا بام محمد وعلي الله يحفظهم ويرزقك برهم ونفعهم

على بساطه العابهم في مثل هالعمر الا انها تقدر على لفت انتباههم

وانهم يتعرفون على الالوان ويراقبون الحركات ويتأملون

شكرا جزيلااااا عزيزتي

بنسبة لي اولادي اعمرهم 12و10و8وسنة ونص الكبار مافية لعبة في سبيس تون الا يبغوني اشتريها الاولادالبلابل والبنت فلة والصغيركورة والسيارة

لوتس 30 ياهلا وغلا حيااااااك الله انتي وعيالك :)

بالفعل ملاحظة الصغار من يكبرون يكون السوني والسبيس تون اكبر همهم ينسيهم الدنيا بكبرها

بس ماتتوقعون له اثر سئ على الطفل اللي الاصل فيه الحركه واللعب والقفز

دراسات كثيرة اكدت انه نسبة سمنه الاطفال في ازدياد مستمر

تتوقعون ليش لانه بس على السوني او السبيس تون والشيبسات والبيبسي

وفي الاخير لا احنا بنيناه جسميا ولافكريا!!

بس فيه حل وسط

كل شئ ينحل بالتنظيم

اذا حدد ساعات للطفل على السوني او السبيس تون وباقي الوقت ممنوع

راح يكون فيه توازن

على فكرة لوتس انا مااقصدك بالتحديد لكن لما ذكرتي السبيس تون تذكرت هالنقطه اللي اشوفها في اللي حولي

وشاكره جدا مشاركتك وطلتك :)

بنتي تحب العضاضة اللي تعض عليها من يوم كانت في الشهر الخامس (الحين هي بالسابع)... إشتريتها لها من ماركة MAM وهي بلاستيكية من جميع الجوانب وفي داخلها ماء. وسعر اللعبة أقل من 30 درهم إماراتي.... وتلاقونها في الصيدليات.

و أيظا تحب نغمة موبايل... لما أحطها لها تفرح كثير.

طفلي عمره 8 شهور.. على الرغم من اني ما اقصر معاه بالالعاب وعده كرتون لكن يا عمري ما يحب الا الاشياء اللي نستخدمها احنا .. ولو قلت لكم بتستغربون.. مثل علبة اعواد تنظيف الاذن.. طبعا فارغة..
علبة جبن كيري ( فارغة طبعاً )
قنينة ماء صحة صغيرة..
لحظة بشوف الكارتون شنو فيه بعد
اي ريموت التلفزيون المخترب<<< محد غيره خربه !!

ما شاءا لله عليه.. احنا نلعب بالعابه وهو ولاعليه.. يبي الاشياء اللي في ايدنا احنا!!

جنة أمل وجمانة اشكر لكم طيب حضوركم

كتبت لكم رد اطول بس انمسح

لكن ماحبيت اطلع بدون ان اشكر لكم طلتكم عن اطفالكم الذي اتمنى لهم الصلاح والهداية والفوز بكل خير وان يصرفوا عن كل شر

سلام اختي
حنين


انا ولدي عمره 8شهور وعنده كم لعبه يحبها
اول لعبه مكعبات من القماش ملونه وسهل انه يمسكها بيده ويلعب فيها يحبها مره

واللعبه الثانيه قطار وفيه زي الابواب لما تفتح تطلع اصوات يحبها ولدي مره بس انا ما احبها لانها مزعجه:angry:

وبعد فيه برنامج في التلفزيون للاطفال الصغار الي بعمر ولدي يحب يطالعه
بس يجي يتسمر عند التلفزيون:eek2:


بس حبيت اشارك في الوضوع
والله يعطيك العافيه على الموضوع المهم لان الالعاب هي الي تنمي عند الاطفال المهارات سواء الفكريه او الحركيه

وبعد لازم على الام تقرا ايش مكتوب على كرتونه الالعاب قبل ما تشتريها اا كانت تناسب عمر ولدها او لا



عذرا للاطاله:o

تحياتي