شلي أوديه معاي ؟؟؟محتاجة ردودكم ...

الله يهون عليج....

بس انا بعدني ما عرست....بس حبيت اتمنالج الصحه و الولاده السهله....و ارجوج ادعيلي و انتي تولدين اني احمل بسرعه اول ما اتزوج :)

السلام عليكم ،

اهلين حبيبتي شجووووون،

الله يسهل عليج ويقومج بالسلامة انتي والبيبي ان شاء الله ، :)

وماله داعي كل هالخوف يا عيووني :D

بس ادعي الله يقومج بالسلامة ولا تحاتين ولا تخافين ، لأنه النفسية تأثر على الحامل لين يات بتولد او بعد الولادة اذا كانت نفسيتها تعبانة وايد يصيدها اكتئاب ، اسم الله عليج حبيبتي من كل شر ..

وبالنسبة لسؤالج ، اكيد رح تحتاجين:

1-ملابس حقج وحق الطفل
2-"اولويز" اذا كان مال المستشفى ما يريحج"يعني لو زادت عدد الايام اللي رح يرقدونج فيها"لاسمح الله
3-حفاظات للياهل"اذا كان غير موفر في المستشفى"
4-قماط للبيبي


بس بعد ما اعتقد رح تحتاجين شي ثاني

يالله سلام

ربي يسهل عليج الولاده يا ربي,...

وبالنسبه لج خذي قمصان مريحه من الي فيها ازرار من قدام للرضاعه..

وللبيبي خذي قماطات وملابس داخليه من اللي فيهم ازرار من تحت..

مشكورين عالرد ...

انا تقريباً جهزت هالأغراض بس مادري اكيد احتاج اشياء زيادة نشوف باقي الردود ...

الاخوات جزاهم الله خير ما قصرين معاكي اضيف انا تأخدين معاكي عطر لك خفيف تعرفين ريحة الحليب مو طيبه وطبعآ الضيوف بيجون يباركون لك انشاء الله وفرشاة اسنان ومعجون ومشط وقطعة صابون لك وبودره للبيبي هافات لك ماتنسينها وكريم مرطب

ترا الاشياء مومرتبه لكن الي يجي على بالي اكتبه وانشاء الله مانسيت شي والي عندها شي بعد تشارك معانا ترانا كلنا نستفيد

انا جهزت كل شيء وراح اقول ايش تاخذين معاج ....

للام :
فوطة /شامبو/ صابون / معجون /فرشاة اسنان / مشط / ريشة لشعرج /ملابس داخلية / كوتكس / ملابس خارجية بس تكون لها ازرة من الامام علشان الرضاعة (( انا خيطت لي شيء ناعم كله دانتييل راااااقي والحمد لله .. ظهر روعة )) / عطر خفيف / وكريم/جلوس وردي وكحل (( متفرغة ها خخخخخخخخخخخخ بس لازم تكونين ام حلوة حتى ولو كنتي تعبانة)) .

للطفل :
فوطة صغيرة / صابون سائل (( لغسل الرقبة واليدين لانهم ما يسبحون البيبي )) / بودرة (( لوضعها للرقبة )) / ملابس داخلية ((فانيلا))
/حفاظات / بدلة حلوة وناعمة وخفيفة / مهاد / شال (( للف الطفل )) /كبوسة صغيرة / مرضعة صغيرة / حليب (( احتمال حليب الام يتأخر في الظهور )) / وبيت الطفل (( علشان لما تظهرين من المستشفى تحطينه فيه .. لا يلفحة الهوا فدييييتة ))

وان شاء الله اكون افدتج .. لاني مثلج بانتظار الولادة قريبا .. والله يسهل عليج وعلينا



واهم شيء الكاميرا علشان تصورين البيبي .. واهوة لسه نونو ..


وتصورين معاة .. وتصورون صورة جمااااااااعية مع زوجج والبيبي الجديد ..

مشكورين فديتكم على الرد ..

وسارة الأمورة حبيبتي ما قصرتي .. كتبت كل الأشياء في ورقة .. وخليتها عندي وترى خلصت اسبوع من التاسع والله يهون علي وعليج .. ميتة خوووووووف ..

الله كريم وان شاء الله رب العباد بيهون على جمييييييييييييييع الحوامل واحنا منهم ان شاء الله

واهم شيء عزيزتي الحاله النفسية .. دائما تفائلي بان الولادة ستكون سهلة وانكي ستحظين باروع هدية في الوجود .. وانك ستسعدين كل من حولك .. شدي حيلج .. وهالله هالله بقرأة سورة مريم اذا ما احسست بالمخاض .. كما لا تنسي سورة الزلزلة .. والدعاء الدعاء بان تكون هذة الذرية من الصالحين ..

ويارب نطمئن عليج قريييييييييييييييييييييييب .. يا رب