newborn baby

هلا الغالية انا الحين دخلت التاسع وتوني بس خلصت وشريت للبيبي وكل الي شريته من 0 __ 3 وكان الحجم مناسب وبعدين اهم شي ومن نصايح الاخوات هنا وحتى من نصايح ربعي لا تكثري ابدا

يعني مثلا انا شريت فوطتين للاستحمام

قماط بعد 2

ملابس داخلية شريت الي تكون فيها ازرار من تحت علشان الحفاظ بعد ما كثرة كم وحدة ما تتعدى على الاصابع اليد تقريبا اخذت 6 وقلت بعدين بشتري غيرها لو احتجت

اما ملابس عادية يعني لبس كامل فيه نوعية فعلا مكتوب عليها من 0 _ 3 وتكون كبيرة انتي تشوفينها بس هي اعتقد مناسبة انا هالنوع ما كثرت صراحة لان البيبي بيكون كله بالقماط اكثر شي وملفوف يعني شريت حوالي 4 بس ولو احتجت المحلات موجودة والاشياء في تجديد مستمر


اما الصديريات فاخذت 2 بعد يعني اذا توسخت وحدة اغسلها واستخدم الثانية

وعلى فكرة كل ما قللتي من الملابس يكون افضل لاني كلها شهرين زمان وبتوشفي عمرج رحتي اشتريتي غيرها لانها بتصغر على البيبي وانتي بروحج بتشوفي اشياء احلى من الي شريتيها قبل

هذا الي عندي والبنات اكيد بيكون ردهم احسن مني انا بروحي هذا اول بيبي لي بس كنت اسأل زميلاتي شو اشتري وشو ما اشتري

انا توني فى الخامس بس ان شاء الله من ادخل الساااااابع
ببدي اشتري هدوم واغراض البيبي.
ومثل ما قالت لج اختنا قلوووووووب
لااااا تكثرين من لهدوم لان البيبي شهر شهرين ويكبر بسررررعه
واشتري من كل شي اربع او ثلاث قطع احتياط :up:
والله يردج فى وقتج بالسلامه يا رب.

السلام عليكم ورحمة الله وبركاته
هاي هي الاشياء اللي ممكن تشترينها لمولودك ونصيحة لا تكتري من ملابس ال new born baby لان الطفل حجمه يكبر بسرعه

الملابس:
·10 فانلات داخلية على الأقل.
ويتوقف كون الأكمام قصيرة أو طويلة على الوقت الذى ستضعين فيه مولودك. ضاعفى عدد الفانلات التى تشترينها إذا كنت ستلدين فى فصل الشتاء وتفضلين إلباس المولود فانلتين.
·7 أطقم أو أكثر للنوم (بيجامات أو سالوبيتات) يجب أن تغطى هذه الملابس القدمين فى فصل الشتاء، ولكن تكون مفتوحة من عند القدمين فى فصل الصيف.
· 6 بافتات أو أكثر.
· قبعة للصيف أو غطاء رأس صوف للشتاء.
· 3 أزواج من الشرابات.
· 2 جاكت صوف للشتاء.
· 3 أطقم خروج أو أكثر.
·حفاضات.
اشترى كمية من الحفاضات – مقاس الأطفال حديثى الولادة - لكن لا تشترى كمية كبيرة لأنك قد تجدين طفلك بعد فترة قصيرة يحتاج للمقاس الأكبر.

المفروشات:
·3 كوفرتات أو أكثر.
اختارى أنواع خفيفة يسهل لفها حول طفلك عند حمله.
· ملاءتان وغطاءان للسرير.
· مشمع لحماية المرتبة من أى بلل.
· 2 بشكير للحمام.
البشاكير ذات غطاء الرأس تكون مفيدة.
· فوطتان صغيرتان أو أكثر.
لتنظيف فم الطفل إذا خرج من فمه بعض اللبن.


مستلزمات نظافة الطفل:
· كحول؛ لتنظيف سرة الطفل.
· صابونة وشامبو (الأنواع الخاصة بالأطفال حديثى الولادة).
· كريم للوقاية من الالتهابات الجلدية التى تنتج من استخدام الحفاضة.
· قطن.
· المناديل المبللة الخاصة بتنظيف قاعدة الطفل.
يمكنك أخذها معك عند الخروج حتى لو كنت تفضلين استخدام القطن والماء عند التغيير لطفلك فى البيت.

كماليات:
· إسفنجة للحمام.
· فرشاة شعر ناعمة (خاصة بالأطفال حديثى الولادة).
·قصافة أو مقص أظافر (خاص بالأطفال حديثى الولادة).
·تتينة - إذا اخترت استخدامها.
· مشمع لاستخدامه عند التغيير لطفلك.
· ترمومت.
· قطارة.
·ناموسية؛ هذه الشبكة تحفظ مولودك من الناموس ومن أى حشرات أخرى. لا تضعى الناموسية قريبة من طفلك، فعندما يبدأ طفلك فى مد يديه أو تحريك قدميه لأعلى، قد يشدها إليه أو تقع عليه وقد تتسبب فى اختناقه. · ببرونات
·لا تشترى ببرونات كثيرة حتى تعرفى إذا كان طفلك سيحتاج لاستخدامها أم لا.
·فرشاة تنظيف الببرونات.
·أدوات تعقيم الببرونات.

مشتريات كبيرة:
·سرير للطفل: أغلب الناس يفضلون اختيار سرير يصلح للطفل لأول عامين من عمره. عند شرائك للسرير ابحثى عن نوع له جوانب ويمكن رفع أو خفض ارتفاعه أو يمكن خفض أو رفع مرتبته لكى يلائم طفلك عندما يكبر.

· عربة أطفال.
· كرسى سيارة لطفلك.
هذا الكرسى ضرورى لأمان طفلك فى السيارة.
· سرير محمول لطفلك (كارى كوت).
· بانيو بلاستيك صغير.


مشتريات اختيارية:
· جهاز الاستماع عن بعد (مونيتر).
· منضدة تغيير.
· الحمالة التى ترتديها الأم لحمل الطفل.
· لعبة موسيقية من النوع الذى يتم تعليقه على السرير لتسلية الطفل وتحفيز حواسه.
· لعب؛ لن يحتاج مولودك الصغير للكثير من اللعب لكن لعبة طرية أو شخشيخة قد تبعث على تسلية وإسعاد الطفل حتى فى الأسابيع الأولى من عمره.

كان نفس سؤالي لكن الحمدلله جاوبتني عليه اخت ريلي :D

ماشالله ما قصروا الجماعة ردوا عليج وايد ... وانا بعد استفدت ولا تكثري من النيو بورن واحسن انج يبتي 0-3 لأن الياهل يكبر بسرعة حتى قبل لا يكمل 40 لانه يبدا يشد ريوله ويمدها وتكون الملابس ضيجة احيانا

شوفوا انا شو خذيت ....

فوانيل
نيوبورن (16)
3-0 (10)
6-3 (10)


بجامات:
نيوبورن (11)
6-0 (4)
6-3 (2)

بدل:
نيوبورن (7)
6-3 (4)

اوفارولات:
نيوبورن (10)
3-0 (11)
6-3 (4)

صدريات:
صغار (21)
كبار (2)


فوط:
صغيرة مناديل (18)
للاستحمام (4)


قماط: (15)

جواتي (12)

مراضع:
صغيرة (6 )
كبيرة (4)

جلابيات خفيفة (4)

شنطة (2)

مصاصات (5)

مال الحليب (2)

مال البودرة (1)

الي يرقدون فيه الياهل (1)

مقص اضافر (2)

:clap:

ماشالله لميتي اللي في المحل كله :D

لو اتريتي احسن لين عقب لانج ما بتوقفين شرا والياهل يكبر باستمرار ...

على العموم يتهنى فيهم الياهل ان شالله

وهذا وانا اقول ما خذيت شي بعدني ...

ما شاء الله يتهنى فيهم الغالية بس لا تكثري خلاص لاتشتري شي غير من الملابس وان شاء الله باذن الله ترى عادي تستخدمينهم مرة ثانية للطفل الثاني لان كل بدلة ما بيكون البيبي لبسها كثير خاصة ما شاء الله انتي شارية كثير فلا ترمي الللبس بعدين احتفظي فيه وبترتاحي من المشترى في البيبي الثاني

والله يقومج بالسلامة ان شاء الله

وادعيلي انا الحين بالتاسع في البداية يعني الاسبوع الاول ادعي الله يقومني بالسلامة اختي

واتمنى كل وحدة تقوم بالسلامة ان شاء الله

الله يقومك بالسلامه انت والبيبي (ولا تنسين تدعين لنفسك والبيبي انكم تقومون بالسلامه)

ثاني شي مقاس new born مقاس الاطفال الخدج يعني اللي يولدون في السابع..

وتبين رأيي شريتي كثير للبيبي.. لان الطفل يكبر بسرعه غير الهدايا اللي تجيه..

يالله ما علية البجر ندلعة شوي ...

اتصدقون اني الين الحين محتارة من وين اخذ المنز .. ابا شي راقي وفخم ...

ماشاء الله ماخليتي شي كنت بقولج لاتكثرين لانه هلعمر يكبر بسرعة ....... يذوبهم بالعافية انشاء الله

ما عليه يالله يستاهل حمودي

حبيبتي ترى مقاس الnew born ماحيكفيكي اسبوع ماشالله هادا السن ماتحسي الا وييييييييييط يطولو تكوني جايبالو حاجه فرحانه فيها مايمديها لبستين وصغرت..يرفعو الظغط
والله ولدي اخذتلو جزم صغيييييييره تجنن من جد اتهوست عليها ودفعت عليها ذاك المبلغ الي يعجبك ولا مره مامداني البسو هيّا.. كبرت رجله بسرعه خخخخخخخخ

احسن خدي 0_3 وصلي علنبي لاتغلطي غلطتي

بنات من وين اشتري سرير للبيبي .. وكيف السرير المناسب ..

هل اخذ كبير ولا صغير .. اففففففففففف مب عارفة

وانا بعد دخت :no:وانا ادور واحوس ادور على سرررير حلووووو


وين تتوقعون احصل في البحرين غير رعاية الامومه

انا حصلت بس خشب سوري .. وخيزران ..

اخاف يطلع حشرات ونمل ...

تتوقعون يطلع حشرات ولالا ... ؟؟

هل تنصحوني اخذه ولالا .. ؟؟

يالله قولولي ..... دااااااااااااااااار راسي .. تعبت .. والله مليت كثر ما ادوور

هههههههههههه الله ياخذ ابليسج
شو بتسوين في كل هذا
والله الثياب بطيح في جبدج لبسيه كل ساعتين كشخيه يعني

انا يوم قلت حق مرت اخو ريلي شاريه 12 بطلت عينها و قالت خبله انتي .. قلبي عورني بلبس الياهل كل دقيقتين هههههههه

المهم شريتي انتي و خلصتي .. شوفي حد من اهلج بيب ياهل عطيه شوي هدايا هههههههه

-------------
عني انا بعدني ما شريت الشبريه بس ناويه اشتريها كبيرة مب المنزات الصغار عسب اتكمل مع الياهل سنتين او 3
و حصلت في بيبي شوب اشياء حلوة و احس اغراضهم تكد شوي
حصلت في محل في الشارجه طقم شبريه مع الكبت و احيانا قطعه ثالثه وياهم اسمه بيبي كلير او كير ما اذكر بالضبط

و خبروني عن محل في دبي بس ما اعرف اسمه

و الحينه ان شاء الله بدور في بوظبي و بطالع


بس لا تشترين ملابس خلاص وقفي ولا انا بذبحج .. انا ماخذه فساتين حق بنت و الكل يقولي حرام يمكن يطلع ولد ريلي يقولي عقاب لج و له بلبسه فستان هههههههههههههه
اول ياهل تقولين مب شايفين خير خخخخخخخخخخخخ


الله يقومج بالسلامة و اذا حصلت شبريه بخبرج وين

هههههههههه ضحكتوني والله ..

بس انا بضحكم علي ..

من كثر وناستي من الشهر الرابع بديت اشتري :) <<<< مستعيله ما صدقت يثبت الله يخليه ويثبته للنهايه ويجعله من الصالحين قولوا امين الحمدلله انا في السادس الحين ..

المهم ما خليت شي ما خذته وكل حد سافر مكان قلت له ييب لي بس مقاسات كبيره شوي طلعت فيها ذكيه هالمره :)

بس ما اعرف كل حد يقولي لا تاخذين وايد نيوبورن مع اني ماخذه 1 تايني و1 اكس سمول وماخذه نيوبورن 4 او 5 والباقي 0-3 بس ترى كل شركه ومقاسها ..

يعني مذكير حسيت انه 0-3 اكبر من 0-3 للبيبي شوب ؟؟؟ وكذلك ماركس اند سبنسر ؟؟

حتى البيبي شوب كل شركه فيه تختلف وكل بلد صنع يختلف عن المقاسات بانتبهوا حبايبي :)

واما بالنسبه للسرير افكر اخذه من مذركير شوه رايكم ؟؟

اختي jame وين المحل الي قلتي عنه في الشارجة فيه طقم وين مكانه بالضبط غير بيبي شوب بيب كلير مكانه وين بالضبط