اول شي مبروك عليكم المنتدى بحلته الجديده ويعطيكم العافيه يا عرايسنا
ثاني شي شلونكم وشخباركم وحشتوني وايد صارلي فتره مادخلت المنتدى لاني مشغوله بالجامعه والدراسه بس رجعت لكم بفكره يمكن تعجبكم وانشالله تعجبكم :D والفكره هي ابجوره سويتها من اسبوعين تقريباً لانه كان عندي بروجكت في الجامعه وكان مطلوب منا ان كل واحد يصمم ابجوره او لمبه او اي نوع من الاضاءه وهذي فكرتي والاشياء اللي استخدمتها بسيطه ورخيصه و متوفره.
الاشياء اللي استخدمتها:
علبة الكيك دائريه من الفلين
ورق تغليف نوعين واحد عادي لونه اخضر والثاني ذهبي استخدمته لان فيه فتحات داثريه عشان اذا شغلت الابجوره اشوف تكستر او نسيج الدوائر ويكون الشكل غريب .
ورق اخضر فاتح خفيف ماعرف شسمه بالعربي بس بالانجليزي Tissue PaPer
قطع كرستالات او بلورات بلاستك بعد لون اخضر
صمغ المسدس وراح تحتاجين كميه كبيره
مقص
موس
ورق لاصق من جهتين Double Side Tape
لمبه او ليت بس ماتكون قويه ويفضل يكون لونها ابيض على حسب اللون يعني اذا كان اللون المستخدم من الالوان البارده مثل الازرق والاخضر ودرجاتهم يفضل اللمبه البيضه بس اذا كان اللون من الالوان الحاره مثل الاصفر والبرتقالي والاحمر تستخدمين اللمبه الصفره.
وهذي الاغراض اللي استخدمتهم:
