يا ربي الزكام ذابحنيي

أ

أوراق الخريف

مشرفة سابقة

22-02-2005 | 09:14 AM

السلام عليكم ورحمة الله وبركاته..

بموت من الزجاااااااااااااام (الزكام) يالله يالله يالله..
جايسني حمه وكحه وانفلونزا؟؟
يا ترى شو الحل غير الفكس والاكتيفيت؟!

اللي عندها دوى مضاد للمفعول لا تبخل عليي لاني بالفعل احس اني بختنق وتعبانه حيل..

خاصة هالايام نعاني من الامراض بسبت اختلاف الجو وتغيراته؟؟ :sad:

و

وردة الثلج

مشرفة سابقة

22-02-2005 | 01:54 PM

ما تشوفين شر حبيبتي
سلالالالالالالالالالالالالاماااااااااااااااااااااات

شوفي حبيبي حتى انا تعبااااااااااااااااانة زجام بس ما استخدم غير البندول لما يكون في حمى
بس علشان حلجي والكحة اكل عسل طبيعي
واسوي ماء دافي مع ملح (( غرغرة))
وبعد اشرب ليمون وياماي دافي وعسل ((ررررررررروععععععععة)
وانا سامعة انة ممكن تسوين زعتر ويا عسل بعد حلو

امممممممممممممم
مرة يالغالية مرضت ووووووووووواااااايد شراتج الحين وعطتني دكتورة هالدواء((مضاد حيوي) )روووووووووووعة
اسمة
zithromax 250mg
تستخدمين كبسلوتين يوميا لمدة ثلاث ايام
بس حبيبتي لازم تستشيرين طبيب قبل ما تستخدمينة لان في ناس يجيهم حساسية من المضاد الحيوي
الف سلامة يالغالية

و

ورده القصيم

عروس مشرقة

22-02-2005 | 04:49 PM

الف سلامه عليكي ما تشوفينن شررر حطي عسل با الملعقه واعصري عليها ليمون ابو زهيره حلووو اليمون الاخضر الصغير

وفيه كمان عند العطارين المره اذا تعرفينها نقعيها بمويه لمده ساعه واشربي اشويه منه كل يوم

تحياتي

ن

نجوم الليل

عروس رائعة

23-02-2005 | 06:22 PM

السلاام عليكم
سلامات عروستنا ما تشوفين شر

انا لما يجيني زكام اخذ ليمونة واعصرها في بيالة وبعدين اغطس طرف اصبعي فيه وراح يصير في طرف الاصبع قطرة عصير ليمون اقوم اقطر هذي القطرة في فتحة انفي (( في كل فتحة قطرة ليمون)) والحمد لله بعدين الزكام ينزل ويخف الانسداد اللي في انفي ويروح الزكام لكن لازم ما تكون هناك تقرحات حول الانف لان بيحرقج

أ

أوراق الخريف

مشرفة سابقة

24-02-2005 | 07:34 AM

السلام عليكم ورحمة الله وبركاته..

تسلمون حبيباتي على المساعده وبارك الله فيكم..

ع

عروس الغبيراء

عروس ذهبية

25-02-2005 | 03:11 PM

سلااااااااامتك يام سعيده ماتشوفين شر

في بندول مال الزكام لونها خضر يسوله دعايات بس ماجربته

أ

أوراق الخريف

مشرفة سابقة

26-02-2005 | 06:33 AM

السلام عليكم ورحمة الله وبركاته..

مشكوره حبيبتي ام رشووود على الرد الحمدلله افتكيت منه الحمدلله ما صدقت اني نشيت الصبح ولقيت ان خشمي مبطل..