ابـــرك الساعـــــــات

الردي لامـن عطيتـه فـوق حقّـه
شك في نفسه وسـوا لـك سوالـف
من يعرف ابقيـق مـا تخفـاه بقّـه
وش على القانون من منهو يخالـف
اكبر امجمّـع مـن اول كـان رقّـه
والجبل هو..هو..من اعصورٍ سوالف
من يجر الثوب لامـن نشـب شقّـه
وكانه امّاسل!!تـرى ماهـو بتالـف
ومن لبس له بشت ما يمـلاه خقّـه
السوالب .. والمواجب.. ما توالـف
ومن يلقّيك الجفـا والصـد.. لقّـه
الكواشـح.. والتوابـع.. والعوالـف
لانه اصلاً..طيـب ظنّـك ماستحقّـه
اتركه مالـك علـى شـرواه كالـف
نقّةٍ .. تجّمـع بمثلـه شـر.. نقّـه
ابرك الساعات شوفه عنـك ذالـف
لايردّك لو رجـع لـك كثـر طقّـه
لـو تجمّـع كـل قـوات التحالـف
الرضـا منّـه الـى راضاك..تـقّـه
كل بسمـه مـا ترجّـع كـل زالـف
الردي لو شاف منّـك فـوق حقّـه
شك في روحه وسوا لـك سوالـف

للشاعر:
حمد بن فطيس المري