تشقير الحواجب

انا جربته مرة مادري اذا يطول لكن تحسيه يخربش الشعرات بعد ما كانت متجمعة تحسيها كانهم متزاعلين كل وحدة رايحة لوحدة :D2 ولا يمكن كل وحدة خايفة تقرب من الثانية

:o:o:o:o
ايه والله ...وانا ابي اعرف بعد ايش احسن نوع مشقر تستخدمون وكيف تحطونه ...
بصراحه ..انا احف حواجبي وضميري يأنبني ...والواحد وش حده ذنوب؟!؟!؟
الله يهدينا ويتوب علينا من هذا الحف ...
:confused::confused::confused:

أحسن مشقر استعملته كان من ماركة wella لانه ما يطول الشعر ومكوناته خفيفه بس ما ادري اذا بينفع مع نوع بشرتكم.

:D2:D2:D2 الله يغربل ابليسج يا هند3 ، ضحكتيني :D2
يعني تنصحين انة مايفيد
------------------------
أم _ لجين : هية والله نبغي نتوب ، ان شاء الله البنات يفيدونا
--------------------------
Blue Sky : مشكورة حبيبتي على ردج ، ان شاء الله بجربة دام انة مايطول الشعر


مشكووووووورات عزيزاتي على ردودكم الحلوة :clap::clap:

فعلا التشقير يطول ويكثف الشعره

التشقير يطول الشعر الي في الوجه

اعرف وحده تستخدمه حق شعرها انه ماكان يطول

الحين صار ما شاء الله صار طول

السلام عليكم انا وحدة انصحج بالتشقير لاانه انا وحدة الحين بيصير لي ثلاث سنوات ماطول الشغر ولاغلظ ومايسوي عليج تحفين وتغظبين ربج وتكون من اللي لعنهم الله بسبب تافه وهو الحف انا من زمان اشقر عند صالون حنان رررررررررررروعه
واكم مني جزيل الشكر

بس كيف يكون التشقير؟؟؟؟؟؟؟؟ اقصد احس يكون وايد بشع....شعر اصفر و يوم يروح مفعوله يستوي ذهبي او برتقالي....ما احب التشقير...افضل اتم كعكي (مال افتح يا سمسم) ولا اشقر :)

انا اذا صارت مناسبة اشقر

لأني سمعت انه يطول الشعرة...بس مالاحظت هالشي على حواجبي

الغردينيا :يعني ما تشقرين بروحج، انزين بين كم من الفترة وفترة تروحين؟؟


angel eyes :يعني انت ما تشقرين ولا تسوين حف ولا شي


ســــارونة : شجعتوني انة ما يطول ولا يغلظ الشعرة

بجرب ان شاء الله اشقر :)

مشكوووووووووووورات حبيباتي على مشاركتكن


تحياتي لكم
وردة الثلج

النمص حرااااااااام
والواحد مايدري متى يموت
وخساره صراحه الواحد يغب رب العباد بش بسيط زي النمص

انا سمعت ان التشقير حرام و الله اعلم

السلام عليكم ورحمة الله وبركاته


بنات التشقير ممكن يطول على حسب نوع البشرة

اذا شقرتي بس في المناسبات اعتقد مايطول الشعر او يغلظ


لاني مالاحظت علي هالشي

يالغاليه انا صارلي فتره اشقر حواجبي

بمشقر كنت عرفتيه اللي علبته لونها وردي

صراحه حواجبي نفسها ماتغيرت ولا طول ولا شيء

بالعكس يصيرون مشاء الله حلااااااااا

وانتي شووفي النتيجه.

سلام عليكم بنااااااااااااااات ..

أنا قبل كنت أحف حواجبي .. وكنت متعذبه صدق من كثر التفكير ... قلت حرااااااااااام حراااااااام

أعصي ربي بس عشان خاطر حاجبي !!!!

فقمت أشقر .. وبالعكس بنااات التشقير وااايد حلووو .. بس يباله شطااره ..

أنا استخدم اوكسجين ويلا Wella مع البودره مالته .. طبعا تطلبينهم اثنينهم من الصيدلاني ...

وتحطينلج مقدار بسيط يعني الكميه اللي تكفي حواجبج .. بس لازم يكون الاكسجين السائل اكثر عن البودره

وتستخدمين أعواد قطن الاذن في وضع الاكسجين على الحواجب ..

وتخلينه عالاقل ربع ساااعه ... واذا رمتي اكثر شوي بعد زين ..

عقب غسلي حواجبج .. بس تحملي مليون مره لا يدخل شي بعينج ..

وخذي مقص صغير وقصي هالشعيرات اللي شقرتيها ..

طبعا اذا انتي اول مره بتشقرين بتعفسين الدنيا فوق وتحت .. فانصحج اول مره تشقرين عند صالون اوكي

ومن ثاني مره تبدين انتي تشقرين .. لأن اوردي الصالون بيحدد لج حواجبج وبيرتبها ..

بالنسبالي .. انا شقرت اول مره في صالون لانكوم في عجمان .. واللي دلتني عليه هيفا صفر ..

فعلا تشقيرهم واييييد حلوووو ... ومرتب وكأنج حافه حواجبج .. ومن عقبها انا تعلمت بروحي اشقر ..

اما بالنسبة للوجه ...... ماجد مره جربت اشقر ويهي ابدا ....ومانصح بتشقير الوي اذا كان الشعر كثيف

لأنه شكله بيطلع مخيف وبشع .... الحف أحلى شي للوجه ... ينور الوجه ويحليه ..

ما عندي فكره

اسفه

هلا اختي

انا استخدمت التشقير علشان مااابي احف

وندمت كثر شعر راسي

الشعر طول اكثر وصار كثيف

والله ندمت