هل يوجد طريقه سهله للبس العدسات؟؟

ممكــن مقاسات العدساات أكبر من حجم القرنيـــة ، لــذلك العين لا تتجاوب معهـــا / فأنصحك تذهبين إلى الطبيب :smile:

تدربي عليها بالمحل اول عند الإخصائيه و بعدين لبسيها بالبيت عشان ما تجرحين عينج :pain:

رايي من رايMiss.B
:up:

وانــا بعد راي نفس رايهم ..
المفروووض تدربين عندهـا بالأول .. وبعدهـا تتعوودين .. :cool2:

هذي طريقه كنت استخدمها قبل ايام العدسات الطبيه ... والحين افتكيت ولله الحمد .. بعد ماسويت عمليه الليزر وارتحت من العدسات وغثاها

غسلي ايدج عدل بماااي .. وبعدين اخذي العدسه بالسباابه .. وحطي عليهاا شوويه من المحلوول السائل علشان ماتنشف وتلصق بعينج بسرعه

وبعدها بيدج الثانيه افتحي عينج باصابعج الجفن اللي فوق واللي تحت ..

وقرب العدسه من عينج لحد ماتلصق بالبؤبؤ وبعدها حاولي تحركين البؤبؤ فوق وتحت ويمين ويسار لحد ماتثبت العدسه عدل وماتحسين بالالم ..

اتمنى اني قدرت افيدج عزيزتي وهذي كانت طريقتي .. وكانت نافعه معاي :up:

كاتب الرسالة الأصلية : البــندري
هذي طريقه كنت استخدمها قبل ايام العدسات الطبيه ... والحين افتكيت ولله الحمد .. بعد ماسويت عمليه الليزر وارتحت من العدسات وغثاها

غسلي ايدج عدل بماااي .. وبعدين اخذي العدسه بالسباابه .. وحطي عليهاا شوويه من المحلوول السائل علشان ماتنشف وتلصق بعينج بسرعه

وبعدها بيدج الثانيه افتحي عينج باصابعج الجفن اللي فوق واللي تحت ..

وقرب العدسه من عينج لحد ماتلصق بالبؤبؤ وبعدها حاولي تحركين البؤبؤ فوق وتحت ويمين ويسار لحد ماتثبت العدسه عدل وماتحسين بالالم ..

اتمنى اني قدرت افيدج عزيزتي وهذي كانت طريقتي .. وكانت نافعه معاي :up:

انا مثلك

بس ماسويت ليزر قدام ان شالله

بس يقولون انه يجفف العين:down:

المهم طريقتك صح 100 بالميه

وانا استخدمها من 9 سنوات

ماشالله البس عدساتي الطبيه بدون مرايه:up:

ام رشوود حبيبتي اذا تقصدين الليز اللي يجفف العين ..

معلومه خطأ انا مسويه العمليه وصار لي الحين 5 سنوات تقريباً والحمدلله .. ماجفت عيوني ولاشي ..

بس استخدمي القطره اللي تصفي العين بين فتره والثانيه .. لتنظيفها .. والعنايه بها ..

وتلقينها بالصيدليات :up:

الاخوات ماقصروا

حاولي مرة ومرتين و3 وبتتعودييييين

انا كنت أعاني في البدايه واذا لبست وحده مااقدر البس الثانيه ولا اقدر افصخ الاولى واتوهق :D2:D2:D2 بس مع الممارسه تعودت والحين أضحك على نفسي قبل

انا خجلانه والله نفسي البسها ولا قدرت عيوني حساسه وتدمع

انا بعد البس بس بعد فترة من لبسهم عيني تجف وتصير حمرا

والله أذى !!

ومعاناة

وأفكر أسوي العملية

أختي يمكن عينج حساسة مثلي

الله يعينا

اختي شجون اذا حسيتي ان عينج جافة خذي المحلول اللي حق العدسات وقطري عينج فيه والعدسه عليج :)

صدقيني بترتاحين من الالم وبتدعين لي

انزين بنات انا عندي سؤال ،،
كيف يبطلون العدسه ،، بصراحه ما اخاف من لبسها لكن اخاف من نزعها ،،
ما هي الطريقه جزاكن الله خير ؟؟

عادي حبيبتي لا تستحين ولا شي

انا روحي مااعرف ألبس عدسات لوولز خاطري البس واكشخ بس شوو اسووي

يوم ابى البس اروح عند اخوي ^_^ ولو ماكان موجود اروح محل النظارات واخليها تلبسني لووولز

انا كل مااحاول اخاااااااااااف واغمض عيوووني ماادري متى بتجرأ

المسأله تبي تعوود

اختي ترى تتعودين تلبسينها


انا والله ما تاخذ مني دقيقة عشان البس العدستين الحمد لله


تقبلي مروري

ههههههههههههه انا الحمدلله خبره

البسها بدون ما اطالع المنظره قولوا ماشاء الله

أهم شي ما تكونون خايفين و مبرتبكين منها و فكروا في الشكل النهائي ^_^

حاولي كدا مره بس اهم شي تكون يديج نظيفه
وحاولي ما تخلس من ايديج

شجـــون;1310573:
انا بعد البس بس بعد فترة من لبسهم عيني تجف وتصير حمرا

والله أذى !!

ومعاناة

وأفكر أسوي العملية

أختي يمكن عينج حساسة مثلي

الله يعينا

يمكن تلبسين العدسات مقلوبة لانه ادا تلبسينها عكس تحرق
:wink:

اولا تاكدي من مدة انتهاء العدسات اذا كانت قديمة بتزعج العين وتحسين كان عنكبوت ماسك بعيونج,,

وثانيا غسلي ايدج بماي وصابون ويفضل الصابون بدون عطر واذا كان فيه عطر مو مشكلة غسلي ايدج واصابعج (بمحلول العدسات) لانه يوخر اي جراثيم وعطور لانه العطر يحرق العين,,وهاذي المعلومة من بياع العدسات,,

بعدين تغسلين العدسة بالمحلول مو الماي لاني اعرف وحدة تغسله بالماي طبعا هذا اكبر غلط,,

ومهم تكونين قاصة اظافرج عشان ماتجرحين نفسج,,معلومة من بياع العدسات,,

طريقة غسل العدسة بالمحلول بعد ما تنظفين ايدج بالمحلول تحطين العدسة على ايدج او صبعج احسن وتحطين المحلول عليه وتفركينه بشكل دارئي وبنعومة وعلى الخفيف حتى ماتنشق,,معلومة من ورقة التعليمات مالت العدسة,,


طريقة اللبس
وبعدين باصبعج تمسكين الطرف الجانبي للجفن التحتاني وتشدينه لي تحت وباصبع ايدج الثانية تلبسين العدسة وانتي قاعدة تلبسين طالعي فوق او على جنب عشان تحطين العدسة على بياض العين وبعدين غمضي عينج وحركي البؤبؤ كل التجهات يعني طالعي فوق وتحت

وانا شخصيا استخدم عدسة جونسن واااااايد ناعمة وما احس اني لا بسة شي وانا البسها بدل النظارة

واذا عينج تصير حمرة تقدرين تشترين قطرة مخصصة حق العيون بس لازم تقولين حق الصيدلاني او لدكتور عن مشكلتج عشان يعطيج القطرة المناسبة

وعلى فكرة انا سامعة ان غلط تحطين محلول العدسة داخل عينج لان فيه قطرات مرطبة خاصة حق العين



اما طريقة نزع العدسة,,
تكون بلمسة خفيفة من طرف الاصبع يعني
بطرف الاصبع تحطينه على البؤبؤ مكان العدسة بالضبط وتحركين العدسة على اليمين اذا كانت عينج اليمين وتحركين راسج شوي شوي عكس الاتجاه يعني يسار هاذي طريقتي المعتادة,,

وبعدين راح تكون العدسة على بياض العين بعيدة عن البؤبؤ وبعدين راح تستخدمين اصبعين السبابة والابهام وتخيليهم منقاش اي ملقط وعادي شيلي العدسة ورجعيها بعلبتها,,

واذا بعد فترة من استخدام ماركة عدسة معينة فجاة تحسين ان عينج ماقامت ترتاح حقها على الرغم من انها جديدة ونظيفة وايدج بعد نظيفة بس المشكلة ان احيانا العين تقوم ماتتجاوب مع هالعدسة فيفضل انج تغيرين الماركة,,


واحسن شي العدسة اليومية بعدين العدسة الشهرية وبعدين العدسة السنوية
واليومية احسن لان كلما كانت فرش كانت اريح حق العين,,ومن العدسات اليومية المريحة عدسة جونسن تكون بعلبة فيها عدد كبير من العدسات مسكرة وكلما احتجتي انج تلبسينها تلبسينها عادي واهي تعتبر يومية يعني العدسة الوحدة تظل معاج اقصى حد اربع ايام,,


وهاذي كل المعلومات اللي عندي عن العدسة,,


وعلى فكرة العدسة بدايتها لبسها صعب بس بعدين تتعودين,,


وادعولي,,