يا بنا ت كيف هي طريقة التقدم عندكم؟؟

أختي المحتاسة لا تنقهرين الغالية..

صح إنج كنتي تتمنين يعطونج خبر عن هالموضوع،لكن لا تظنين إنهم

مش مهتمين لرايج..

يمكن الاهل يخافون يقولولج في البداية ، وبعدين يكتشفون إن الولد

ما يناسبج، وتكونين إنتي رسمتي المستقبل في مخيلتج وحلمتي بزواج

سعيد،وفجأة يقولولج ماشي نصيب،بتضايقين صح ولا لأ؟؟ عشان جذيه

الأهل يراعونج ويراعون نفسيتج..مش لازم كل مرة يخبرونج لو إن السالفة

ماصارت خطبة،بس كلام وتلميح...فلا تتضايقين من الأهل..

وعلى فكرة أنا نفس الشي بعد فترة طويلة أعرف إنه صار تلميح وكلام

عني لكن مايصير نصيب والاهل مايكونون موافقين، أكثر من مرة

هالسالفة صارت لي وماتضايقت لأن يكون في سبب واضح للرفض..

لا تتضايقين إختي، وأتمنى تكونين فهمتي وجهه نظر أهلج:smile:..

في أمان الله

السلام عليكم
اختي المحتاسة
الاهل لما يسون شي حق بنتهم يكون دوم نابع من خوفهم عليها ..صدقيني

انا متأكدة ان هلج مايقصدون انهم مايعطونج الفرصة تعبرين عن رايج وتختارين او بالاحرا توافقين على زوج المستقبل بالعكس هم اكيد يعرفون ان هذي حياتج وانتي المفروض تعرفين شنو اللي يناسبج ولا لا...
بس انا اقول انهم راحوا يسألون عنه اذا كان زين ولا لا عشان اذا طلع زين تقدرين وقتها تقولين اذا هو يناسبج ولا لا........
انا بعد هالسنة تقدملي واحد من الاهل وامي قالت لامه ان بنتي صغيره الحين ولما ردت عليها امي وخلصت قالتلي وحزتها طبعا ماكنت اقدر انا اقول اي او لا لان السالفه انتهت خلاص بس لما فكرت فيها قلت اكيد امي خايفة على مستقبلي ودراستي و حتى لو امي سألتني انا اصلا ماكنت بوافق بس انا كنت ابي يشاوروني.... بس مثل ماقتلج حبيبتي ان الاهل يخافون على بناتهم وتصرفاتهم كلها من خوفهم وحبهم لنا ....مولازم تنقهرين حبيبتي ولا تحطين في بالج لان في النهاية اللي الله كاتبة بيصير ونصيبج اكيد راح يجي لعندج لو شو صار

انتي بس لاتحطين في خاطرج

تحياتي.......اختج فطيم

مشكورين بنات فانتم اقنعتوني للحظات ولكني مصرة علة رأيي وهو اني اكون معهم علي الخط من البداية للنهاية ...هذي حياتي ياناااااس

وانا لست صغيرة بالمناسبة

اختي المحتاسه هالشئ صار لي مثل ماصار لج واتفاجأ انهم يرفضون

هالشخص المتقدم لكن طبعا بعد الموضوع ماينتهي واحس بنفس

الشئ اللي انتي تحسينه بس صدقيني الاهل يسوون جذي

لانهم عارفين وين مصلحتج وسبحان الله يمكن هالشخص المتقدم

لج اهلج عارفين انه مايصلح للزواج او فيه سبب معين خلاهم يرفضون

وانا وياج في انج لازم تعرفين الموضوع او تكونين على الخط

بس في الاول والتالي مصلحتج هي الاهم بالنسبه لهم

أختي المحتاسه أنا صار لي مثل ما صار لك بالضبط يعني كذا مره انخطبت بس أهلي ما قالولي شي وكنت ادري من خالتي أو اذا زل لسان أمي :bigsmile:

في البدايه أنقهرت مثلك ليش على الأقل ما يعطوني خبر مع أني كنت برفض بس كذا لعانه ابي ادري بس لما فكرت فيها شوي عرفت أنه ماله داعي أعرف لانه ما راح يهمني بشي هذا أولا

ثانياً انا متاكده انه لو رجال كفؤ ومناسب ماراح يضيعونه أهلي صح ولا لا؟؟

وثالثاً وهو الأهم ان اهلي عارفين اني ما ابي ارتبط قبل ما اتخرج وهذا رأي امي بعد

يعني باختصار شلت الموضوع من راسي اريح لي ووجهت اهتمامي لاشياء ثانيه تهمني اكثر واتمنى انك تسوين مثلي لان واله هذا اريح لك كثييييييير وانا اقولك هالكلام عن تجربة


وفي النهايه اتمنى اني اكون افدتك عزيزتي :shy:

أنا صار لي مثلج تقدم لي كذا شخص وما دريت الا بعد فتره او بالصدفه

في اول الاول صدق تضايقت بس بعدين فكرت فيها قلت ما يستاهل اني

اعور راسي ما دام اهلي سكروا الموضوع وما قاموا يرمسون فيه , ولو

وافقت وهم رافضين طبعا ما راح يصير لان اهلي يدققون علي كل شي

يعني يبون واحد 100% كااااااااامل والكامل لوجه الله سبحانه فامابيد

حيله والحمدالله ..

فانصحج لا تعورين راســــــــك بالموضوع النصيب يوم بيي بيي ولو شو صار

ولا كان ..


بنت ديره

انه بعد قبل لاتزوج كانوا يتقدمون لي ولا يقولون لي الا عن طريق الصدفة ؟؟؟؟

الكل يدري بالبيت حتى اخواني الصغار الا انا ؟؟؟؟ تخيلوا ؟؟؟

بس لما تقدم لي زوجي قالوا لي لانهم شافوه مناسب لي ؟؟؟ :o:shy:

هلا حبيبتي

نفس الشئ صار لي .. ولانه مو مناسب ماجابو لي سيره

بس حبيت اعرف هل الرجال اللي تقدم لك فيه عيووب وانا متاكده فيه شئ كان السبب برفض اهلك

واكيد اهلك مايبون لك غير الخيـــــــــــــــــر

((الله يرزقك الزوج الصالح اللي يسعدك يااااااااااااااااااااارب ))

آآآآآآه قلبتين المواجع

لو أقول لج وش سوو فيني أهلي

بس الحمد لله اللي نصرني عليهم

أقول لج الحين ..

تقدم لي واحد من العايلة وهم ساااااااااااااااااااااااااااااكتين ولا من شاف ولا من دري

زين بعد شهرين تقريباً تقدم لي أخو زميلتي بالكلية

وشاب كويس بس ما أرتاح لعايلتهم وهذي الخطبة دريت عنها على طول لأن أم هذا الشاب

جات البيت وتقدمت لي رسمي ..

طيب عريس الغفلة قريبي ما دريت عنه إلا يوم طلعت سالفة إن حد تقدم لي لأن زوج أختي يوم درا

راح قالة ....................... وشوفو وش صااااااااااار .......

قام قلب الدنيا على بيتهم وقال ليش ما ردت لهالحين

وبعدين السالفة أنتشرت بعايلتنا

ودريت من أمي بس بعد شنو بعد ما حطمتني

وأنا اللي أقول أهلي ما يخبون علي شي ..

المهم من دريت

ما فكرت على طول وافقت لأن الريال ما ينعاب إلا تمام التمام

وتمت الخطبة بحمد الله :smile:

زين بعد جم أسبوع من الملجة

دريت إن فيه حد ثالث من العايلة خطبني

وما أنقهرت لأني من الأساس ما أبيه

بس اللي كسر خاطري أنهم ما قالو لي

يعني صرت جني جارية عندهم

بس الحمد لله اللي جمعني ويا من أحب ...

عزيزتي شئ طبيعي ان اهلك مايقولون لك لان هالشئ يعبر عن حبهم لك ومو القصد منه تكتيم على موضوع يخصك

انا معك ان الواحد بتنرفز من هالشغله وانا اولهم لكن فكري فيها لو قالو لك اهلك على كل واحد يطق الباب تضايقتي وشلتي هم حتى لو مو راغبه فيه

لكن برئيي انك تتفاهمين مع امك على هالنقطه

يعني تقولين لها اني ابغا اكون على بينه

وعموما نصيبك راح تاخذينه مهما كان ومهما خبوه

والله يوفقك

بصراحه اريح لج انج ما تعرفين علشان ما تدشين في صراعات داخلية مع نفسج و ساعات البنت تشوف انها لو رفضت اي حد خاطبها فيه عيب ما يمكن تضلمه و الصحيح انها تضلم نفسها من جذي الاهل يختصرون السالفة و يرفضضون من البداية علشان نفسيتج ما تتعب لان البنت تتعب نفسيا لو جاها واحد ما يصلح للزواج و ترى في بنات يفقدون الثقة في نفسهم و يقولون هلكثر إحنى طايحات حظ إن فلان يتقدم لنا "مثلا " ........ انا اشوف الموضوع عادي ومافيه شي و خصوصا ان الاهل عارفين مقاييسج و مقاييسهم فماله داعي يشغلون بالج بشء منتي من الاساس ... لكن في نقطة مهمه إن مو معناته ما تدرين عن السالفة 100% علشان ما تظنين إن محد قاعد يفكر فيج يعني باختصار في بعض الحالات هذا الشي ممكن يرفع من معنوياتج ان في ناس تفكر فيج لكنهم ما يناسبونج و هذا من واجب الاهل توصيله لج حتى لو رفضو و خلصو من السالفة........
اتمنى أني أفدتج و خففت عليج و الله يرزقج الزوج الصالح و المحب و التقي و الحنون ... اللم اَمين

والله احنا في بيتنا يصير نفس الشي..
انا اتذكر ان وايد ناس كانو اييون يخطبون اختي بس اهم ما يقولون لها.. انا كنت اتسمع واتجسس واروح اخبرها وعقب تصير حريجة في البيت:shy: بكل فخر!



اتوقع في حالتي نفس الشي..


اهم يفكرون جذي!! ادري انتي بتقولين انه حقي.. بس صدقيني.. الطريقة المتبعة حاليا افضل!! ما تدخل البنت في حوسة..
تخيلي يعني يقولون لج وعقب يرفضون!! اكثر من واحد.. انتي شنو بيصير فيج!! ما بتنقهرين.؟؟ الا بتذوبين بعد وبتحسين ان اهلج ما يبون يعروسنج!! وبيصير هواش وخلاف!



عموما يعني من ردي وردود الاخوات عرفتي ان الموضوع تبيعي تبيعي تبيعي يصير في كل بيت

اختي حطي في بالج قالولج ولا ما قالولج

ما تاخذين الا نصيبج والي الله كاتبله يصير من نصيبج


الله يوفقج يرزقج الرجل الصالح

اَخر العنقود:
بصراحه اريح لج انج ما تعرفين علشان ما تدشين في صراعات داخلية مع نفسج و ساعات البنت تشوف انها لو رفضت اي حد خاطبها فيه عيب ما يمكن تضلمه و الصحيح انها تضلم نفسها من جذي الاهل يختصرون السالفة و يرفضضون من البداية علشان نفسيتج ما تتعب لان البنت تتعب نفسيا لو جاها واحد ما يصلح للزواج و ترى في بنات يفقدون الثقة في نفسهم و يقولون هلكثر إحنى طايحات حظ إن فلان يتقدم لنا "مثلا " ........ انا اشوف الموضوع عادي ومافيه شي و خصوصا ان الاهل عارفين مقاييسج و مقاييسهم فماله داعي يشغلون بالج بشء منتي من الاساس ... لكن في نقطة مهمه إن مو معناته ما تدرين عن السالفة 100% علشان ما تظنين إن محد قاعد يفكر فيج يعني باختصار في بعض الحالات هذا الشي ممكن يرفع من معنوياتج ان في ناس تفكر فيج لكنهم ما يناسبونج و هذا من واجب الاهل توصيله لج حتى لو رفضو و خلصو من السالفة........
اتمنى أني أفدتج و خففت عليج و الله يرزقج الزوج الصالح و المحب و التقي و الحنون ... اللم اَمين

صح وهالشي صارلي دايما يتقدمولي ناس دون مستوانا والنتيجه اذا عرفت خيبه امل ورفض فوري
ونصيبك عند ربك مهو رايح لغيرك