تعالوا شوفوا شو شريت من دبي

ا

البــندري

عروس رائعة

03-02-2005 | 06:28 AM

السلام عليكم ورحمة الله وبركاته

مرحبا بنات شخباركم ..

وحشتووني بصراحه واايد في هالخمسة ايام

توني جايه من دبي فديت دبي ياربي ...(a) وصورت لكم مشترياتي من المكياج والكريمات للعنايه بالبشره

اول شي ببدا بماك بما انها ماركتي من زمان اتعامل معاها

هذاالجديد اللي خذته من هالماركه ..

علبة الفرش 173 درهم وبصراحه مجموعه رهيبه من الفرش لاتفوتكم

العلبه البنفسجيه اللي فيه 6 الوان من الارواج خذت هالدرجات ناعمه حدها .. وتجنن على الشفايف وسعره 160 درهم

والبلاشر خذت لي اللي على اورنج اسمه STYLE
والثاني مطفي على بني فاتح اسمه COPPERTONE MATTE

وسعر كل واحد فيهم 81 درهم

وخذت لي غلوسات تجنن ماذكر سعرهم كم بالتحديد
وهذي اساميهم

REVEALING A24 هذا لونه لحمي
Flora bundance a92 هذا على وردي مايل للمشمشي
Luminary ac3 هذا رهيب وردي على لؤلؤي لونه يجنن احطه على اي روج يطلع وايد حلووو

وعندهم الغلوسات الجديده اللي من جهتين جهه لون والجهه الثانيه لمعه سائل شفااف يعطي امتلاء لشفايف خذت اللون الاورنج اللي على برتقالي سعره99 درهم .. مع محدد احمر يجنن وسعره58 درهم واكيد يناسب للمناسباات والعزايم فقط يعني طلعه عاديه لا..

وخذت لوس باودر اللي احط منها على كامل الوجه وتحت العين .. عندي منهم الحين 2وحده بلمعه والثانيه من غير لمعه

وخذت كونسلر على شكل اصبع روج عجيب بصراحه واستخدامه حلوو على الوجه ..

وخذت روج لحمي .. اسمه FRESH BREW AC3 حلو مع قلوس ومكياج بني ..

والروج الثاني وردي حلوووو وايد اسمه SCANTY AB3

واخر شي خذت منهم الاسفنجات المشطوفه لزوايا اللي ماقدر اغطيها بالاسفنجه العاديه

ا

البــندري

عروس رائعة

03-02-2005 | 06:44 AM

الحين ببدا بجيرلان ...

بصراحه ماركه لا يعلى عليها .. راقيه لاقصى درجه .. وعن تجربه بصراحه ..

جربت عندهم البودره وايد ارتحت عليها وريحتها حلووه بعد:D2 البودره ماخذتها من قطر اخبر سعرها ان ماخاب ظني 191 ريال

وكريم الاساااس بعد نفس الشي يجنن .. وتغطيته طبيعيه .. ماذكر سعره عدل

هالمره خذت منهم منظفات للبشره .. بما انها ماركه عالميه .. وطبييييعيه

خذت منظف للعين وللبشره وملك للوجه .. وماسك استخدمه مرتين بالاسبوع ..

وطحت لكم على هالقلووس بصراحه تحفــــــــــــــه اللي كانت تسأل عن الروج اللي بهالصوره هذا هو اسمه .. Rose comete رقم 31

بس هاللي جربته من هالماركه وبصراحه تجنن .. وبعد جربت البودره المضغوطه اللي توها نازله جديده الدايموند اللي في علبه رماديه .. لمعتها وايد حلووه وفخمه .. ( عيبها انها ماتبين الا من قريب يعني مش مثل لمعة ماك )

ع

عضوة

03-02-2005 | 06:45 AM

عليج بالعافيه حبيبتي اغراضج تجنن وخصوصا اني مجنونه ماك :smile:

بس وين صورة علبة الفرش 173 درهم وبصراحه مجموعه رهيبه من الفرش لاتفوتكم :s2

ماشفتهم :s2

والغلوس اللي لونه لحمي جنيت عليه بالمحل قالت خلص :confused:

وخذت لوس باودر اللي احط منها على كامل الوجه وتحت العين .. عندي منهم الحين 2وحده بلمعه والثانيه من غير لمعه

ممكن ارقامهم ؟؟؟؟:up:

العلبه البنفسجيه اللي فيه 6 الوان من الارواج خذت هالدرجات ناعمه حدها .. وتجنن على الشفايف وسعره 160 درهم

انتي اخترتيهم والا هم كلهم بالعلبه ؟:smile:

وكونسيلر الاصبع هذا لشفايف او للعيون

اختي انتي جربتي كونسيلر اللي عندهم(ماك) وتنصحيني باي ماركه :smile:لاني ناويه اشتري اللي حق ميك اب فور ايفر لانهم 5 الوان اذا تعرفينهم بس محتارة موعارفه من اي ماركه اخذ؟:pain:

وعليج بالف عافيه حبيبتي

ا

البــندري

عروس رائعة

03-02-2005 | 06:50 AM

وهذي بعد من ماركه بوبي براون وهذا اقتباس لردي على الاخت روزس فيه المنتجات اللي شريتها واسعارها وشو عجبني منهم وشوو ماعجبني

كاتب الرسالة الأصلية : البــندري
:clap: :clap:

يعطيك مليون عافيه غنااتي موضووع غاوي تسلم لي الايادي على هالطرح

انا توني جايه من دبي اليوم وكنت حاطه في بالي انزل موضوع عن هالماركه بذاات لاني جربت منها كذا شي

بس غلبتيني لوول

هالماركه خذتها من سيتي سنتر.. في دبي .. من محل دبنهامز

والاسعار للي سألت عنهم البلاشر الوردي ... 170 درهم

وعلى فكره هو فيه لمعه .. يعني مايصلح الا حق مناسبات وزيارات عزايم وهيك

والظل سعره 166 درهم

انا خذت هالدرجات

وعن تجربه الظل عندهم مب حلو بصراحه .. الوانه هيه حلوه بس يوم استخدمته مع مااي طلع فاشل ومش واضح يعني حق زيارات عاديه طلعه الصبح واتستخدمونه من غير ماي يمكن يجي منه .. بس لما حطيته بالفرشاه العاديه الاسفنجيه ودخلت الفوشي ( الوردي) مع البني مع كحل بني طلح مسكت بصراحه بس الظل بالنسبه للجوده عندكم ماك احلى بوايد والوانه اثبت

وخذت هالظل للمكياج السموكي .. خذت اللي بلمعه ..

وسعره 165 درهم

وخذت لي منظف للفرش من عندهم وسعره 61 درهم

وهذا شكله

وخذت كحل اللي يستخدم بالفرشاه بس بعدني ماستخدمته عشان احكم عليه لاني مالقيت عندها الاسود فخذت الزيتي .. لان البني عندي وجربته على يدي لونه غامق وحلوو وسعره 82 درهم

وهذي صور مكياجي :shy:

وبخصووص البودره شفتهم ماحبيت اخذ منهم لاني استخدم جيرلان وبن ناي وكينبو ومرتاحه عليهم واايد بس خالتي خذت علبتين من البودره وحده فاتحه وايد حق السهرات والثانيه على لون بشرتها بسألها شو رايها فيهم يوم تستخدمهم

اتمنى اني قدرت افيدج الغاليه ..

وبخصووص الماركه بشكل عام انا ماخذت منهم الا بعد ماشفت بنت عمي ووحده من اهلنا ماتاخذ الا من هالماركه ماتغير عنها من سنين

وخذت قلوس من لانكوم .. وخذت من بادي شوب بعد كم شغله لمعه للجسم والوجه كريم وبودره مع فرشاتها .. ومرطبات للشفايف بنكهات يم يم لذيذه .. وقلوسات ناعمه . من بدي شوب بعد ..

بس هذا اللي خذته من دبي وان شااء الله يعجبكم .. وياريت اي وحده فيكم جربت من هالمنتجات شي تقول لي عنهم وارتاحت معاهم والا لا .. واللي عندها منتج جديد بعد تقوول لي عنه

:up:

و

وردة جده

عروس مبدعة

03-02-2005 | 06:53 AM

تسلمين عيوني

الله يعطيك العافيه

ت

توته الصغيرونة

عروس ذهبية

03-02-2005 | 07:12 AM

حلوووووووووين مررررررة :clap:

تتهني فيهم ياااااااارب :smile:

ا

امراتيه

عروس مبدعة

03-02-2005 | 07:14 AM

هلا خواتي ماركت ماك اللي شرتها اختي البندري انا استعمل منها اشياء وهي موجوده عندنا في بوظبي بعد يحطونلج مكياج لو حابه عدهم اسياء واااااااااااااااااايد جلوه احين منزلي جلتر يعني لمعه 4الوان وااااايد تهبل فطي تركوازي وبنفسجي واخطر انا ماخذه الفظي للعين استخدمها بعد وظع المكياج بس والله حلوه جربوها وبعد جربي عندهم الا يلينر الاسود وااااااااااااااااااااااااي حلو وما بتندمي

ونزلو عندهم ايلينر جديد كيف ما يكون اسود يكونشفاف وفي لماعي طلعو 5 الوان اختي خذت لون اخظر اول شي تحطين الايشدو الاخظر وبعدين تحددين بالايلينر الاخظر واااااااااااااايد حلو والله

بس في ماركه ثانيه نصيحه مني للايشدو من عند فيس سز وايد حلوه انا خذيت عندهم دوره مكياج ومو اول مره لانه انشالله عندي مشروع وهم يعطون دورات والله خواتي واااااااااااااااااايد حلو اذكر لما كنت ادرس عندهمك دخلت وحده ملجتها قريب وقالت لها تريد تسوي مكياج بروفا تدرون خلتها قمر والله وتراويج كيف تحطين مكياح حتى لو ما كان عندج مشروع تعلمج تعتمدين على نفسج لو عندج اي مناسبه انا الحد الله واعوذ بالله من انا والله تعلمت احين كل شي عندهم ونصيحه جربو هيي الماركه:up:

ا

البــندري

عروس رائعة

03-02-2005 | 07:23 AM

كاتب الرسالة الأصلية : كلثم
عليج بالعافيه حبيبتي اغراضج تجنن وخصوصا اني مجنونه ماك :smile:

الله يعافيج يالغاليه .. عقبال ماتكملين جهازج يارب
بس وين صورة علبة الفرش 173 درهم وبصراحه مجموعه رهيبه من الفرش لاتفوتكم :s2

ماشفتهم :s2

هذي صورتهم واضحه ..

ويجونج في علبه فيها 6 فرش على حسب انا خذتها بعلبه اذا انتي حابه تاخذينهم بشنطتهم يختلف السعر وانا ماكنت محتاجه الشنطه الله مكثر اللي عندي لول :D2

والغلوس اللي لونه لحمي جنيت عليه بالمحل قالت خلص :confused:

وخذت لوس باودر اللي احط منها على كامل الوجه وتحت العين .. عندي منهم الحين 2وحده بلمعه والثانيه من غير لمعه

ممكن ارقامهم ؟؟؟؟:up:

العلبه الكبيره رقمها NC15 وهذي استخدمها لوجهي وجسمي كامل .. حق المناسبات لانها فاتحه

واللي للوجه كامل NC20

واللي بلمعه انا خذت اللمعه هذي Silver Dusk هذي تعطيج لمعه قويه للمناسبات ..

العلبه البنفسجيه اللي فيه 6 الوان من الارواج خذت هالدرجات ناعمه حدها .. وتجنن على الشفايف وسعره 160 درهم

انتي اخترتيهم والا هم كلهم بالعلبه ؟:smile:

لاهم بعلبه بروحهم وفي منهم 3 علب انا خذت العلبه البنفسجيه

وتقدرين تدخلين موقعهم وتشوفين باقي الالوان هذا الرابط
http://go.3roos.com/g0goVTf4Xcf

وهذي صوره للمجموعه اللي عندهم

وكونسيلر الاصبع هذا لشفايف او للعيون

للوجه كامل .

اختي انتي جربتي كونسيلر اللي عندهم(ماك) وتنصحيني باي ماركه :smile:لاني ناويه اشتري اللي حق ميك اب فور ايفر لانهم 5 الوان اذا تعرفينهم بس محتارة موعارفه من اي ماركه اخذ؟:pain:

بخصووص كونسلر ماك ماجربت الا هذا اللي على شكل اصبع وكان حلو ..

وبخصوص كونسلر فور ايفر الالوان ماجربته بصراحه جربت هذا وعطتني المره اللي تبيع رقم 2 وماعجبني احسه مايغطي حاجه ..

بس اللي تغطيته رهيبه صج بودرة بن ناي الكيك خذت رقم 4 وجربتها بالسفر تغطيه رهيبه ويتم طول اليوم مايتغير كنه توج حاطه الميك اب
انتي روحي المحل واخذي على لون بشرتج .. انا كنت اتمكيج بصالون رموش عند ساميه .. وكانت حاطه لي هالبودره وسألتها عن الرقم وعلى طول طرشت يجيبون لي لانه صج صج تغطيه رهيبه ويتم فتره طووويله
وهذي صورت الكيك من بن ناي

وعندج بعد كريم اساس خفيف من زهور الريف لجميع الشرات للطلعات العاديه .. خذته وخذت معاه الكريم الاساس اللي على شكل اصبع روج تغطيته خفيفه ويناسب لطلعات النهار
وهذي صورته

وعليج بالف عافيه حبيبتي

الله يعافيج يالغاليه

ا

البــندري

عروس رائعة

03-02-2005 | 07:26 AM

وردة جده تسلمين عزيزتي على المرور والرد الحلوو :shy:

ا

البــندري

عروس رائعة

03-02-2005 | 07:31 AM

توته الصغيرونه تسلمين حبيبتي على المرور والرد الغاوي

ا

البــندري

عروس رائعة

03-02-2005 | 07:36 AM

اماراتيه

تسلمين حبووبتي على المرور والرد الحلوو

وعن الكحل اللي فيه جليتر .. شفته عندكم في برجمان بمحل ماك .. ماعجبني .. ريشته واايد رفيعه .. احسه مايسوي شي :pain:

بس الالوان اللي منزلينها صدقج واايد رهيبه عجبتني ...

:up::up:

ر

روزس

عروس متألقة

03-02-2005 | 08:14 AM

مشالله عليج البندري وربي يهنيج فيهم صراحه اغراض توووووووب

ويزاج الله خير لانج كتبتي اسم غلوس غيرلان لاني كان ودي اعرفه

البودره وكريم الاساس واغراض العنايه من غيرلان نفس اللي استخدمهم وصراحه فيه اغراض من بوبي براون وماك ودي اسير اخذهم عقب ماشفتهم بس خبريني عن ايشدو بوبي براون اللي بلمعه من مده ابغي اخذه ومتردده هل شكله حلو على العيون يعني الوانه واضحه؟ لانه لفتره محدوده وبيقطعونه فاذا اوكيه جربتيه بسير اخذه

وتسلميييييييييييين يالغاليه

a

angel eyes

مشرفة سابقة

03-02-2005 | 09:24 AM

عليج بالعافيه الغاليه...

بس قوليلي كم صرفتي عالمكياج؟؟ كله على بعضه؟؟

U

UAE_PRINCESS

عروس مشرقة

03-02-2005 | 11:23 AM

:eek2: وااااااااااااااااااو أغراضج روعة حبيبتي البندري

الله يهنيج فيهم ان شالله:smile:

أ

أشواق لا تنتهي

مشرفة سابقة

03-02-2005 | 11:55 AM

:clap::clap::clap::clap::clap::clap:

الحمدلله على السلامه وتوها نورت الدوحه

وعليج بالف عافيه على هالمكياج الروووعه

Flora bundance a92 هذا على وردي مايل للمشمشي

هذا شريته يوم كنت بماليزيا شنو روعه

كتبت عنه موضوع تلقينه بتوقيعي بعنوان

زوجي اول ماشاف الغلوس قالي انسي تطلعين وانتي حاطته:D2

من حلاته على الشفايف:D2:D2

حتى بودرة جيرلان انا ماخذه الفضيه ووايد واايد حلوه رقمها 4
بس المره اليايه باخذ الذهبيه خاطري فيها:D2

وطحت لكم على هالقلووس بصراحه تحفــــــــــــــه اللي كانت تسأل عن الروج اللي بهالصوره هذا هو اسمه .. Rose comete رقم 31

ياريت اترويني صورته ...لاني اشتريت غلوس مقارب للون هذا
فاذا كان في فرق كبير بينهم اكيد باشتري الي في جيرلان لان خاطري فيه

وعلى فكره الفرش الي خذتيها ارخص من الي عندنا بالدوحه انا خذت نفس الفرش ب250 بس الشنطه غير....

وسلاااااااااااامتج:up:

ا

المهره

عروس مشاركة

03-02-2005 | 12:48 PM

مــــــــاشــــــــــاء الله تبارك الله حلووووووووووة

تجنن اغراضك عليك بالعاااااااااافية

ياريت تصورى لنا جلوس لانكوم ورقمة ولونه وغلوس جريلان

M

Manary

مشرفة سابقة

03-02-2005 | 04:21 PM

وااااااااااااااو ذوقك روعة و مثل ذوقي تمام لأني قبل فترة شريت سكانتي من ماك والجلوس فلورا وشريت بودرة جيرلان عليج بالعافيه يا قلبي :up:

م

ملاذ الحب

مشرفة سابقة

03-02-2005 | 04:37 PM

[CELL=filter: glow(color=black,strength=16);][ALIGN=center]عليج بالعافيه

واغلبية اغراضج عندي اياها

مثلا علبه ماك الكبيره عندي اياها احطها علشان الظل مايتناثر على الخد
الروج اللحمي واااااايد حلو مااستغنى عنه

الروج الوردي نفس الشئ روووعه وخاصه لما احط فوقه قلوس وردي لضاءته رهيبه من نوبا وااااااااو رهيب شوي عليه

الروج الاحمر مع المحدد حلووو انا احطه في مناسبات بس لاني مااحب الاحمر في اي مكان

اللمعه مالت ماك تخلي الويه خيال من بعد الكريم الاساس رووووعه وبمعتها فضيييعه

طبعا كريم اساس جيرلان عندي وحلووو بس والله انه كانيبو احلى منهيخلي الويه احلى بوايد من جيرلان (وجهة نظر )

اما كريمات التنظيف شجعتيني اني اشتريهم
بس قولي لنا من بعد مااستخدمتيهم شفتيهم حلوووه على البشره

الروج اللي من جيرلان انا اللي كنت ادور عليه
وان شاء الله اروح اشتريه
مشكوره لانج عرفتيلي الرقم والاسم
بس ممكن تحطين لنا صورته

الفرش من عند ماك
انصح كل وحده تاخذهم لانها روعه في الاستعمال

واللي ماعندي من اغراضج القلوس الوردي اللؤلؤي
وان شاء الله ياشتريه من بكره :cool2:

ويعطيج العافيه على مجهودج الرائع
[/CELL]

ا

المليحة33

عروس جديدة

03-02-2005 | 04:58 PM

بالعافيه عليك

اغراضك مرا حلوه :up::up:

وتدل على ذوقك الرائع

y

yasema142

عروس فضية

03-02-2005 | 05:38 PM

الحلو في مواضيعك يالبندري انك بدعميها بالصور
وماعندك انانينة يعني بتحبي تحكيلنا بروحك الطيبة ...
وتفيدي اخواتك

بس سؤال ...انتي مصوراهم عالارض وعلى رخامة سطح معين ؟؟؟

اسمعي يارت تصوريلنا تسريحتك
لاني تخيلت تسريحتك حلوة متلك...ماشاء الله تبارك الله عليكي