بغيت مساعدتكم يا بنات بابا زايد رحمه الله عليه لا تبخلون عليه

عندج الجعيدي عنده فساتين حلوة وبعد محل في المارينا بس ما أذكر أسمه ..
وفي دبي عندج دار عقل فقيه واااووايد حلو فساتينه

وينكم بنات ليش محد رد عليه معقوله محد شاف الموضوع كنت اتوقع ردودكم مساعدتكم بس الظاهر محد يبى يساعد عشان جىكرات ما احب اسال لانه لاحظت اذا واحد طرح موضوع محد رد عليه او اذا حد بغى مساعده ما يحصل مشكورين بنات يزاكم الله خير

مادام بديتي باسم الغالي لازم الكل يرد عليج حتى لو بالسلام

الغاليه سيري البستان في دبي وبتحصلين فساتين وايد ومحلات وايد تبيع فساتين جاهزه صراحه اوكيجن ومحلات الفساتين الجاهزه في بوظبي مول مب شي وغالين على الفاضي سيري البستان وبتحصلين اكيد اللي تبينه لانه فساتينهم متنوعه

والله يا اختي أنا ما ادريبج من وين ...بس إذا بتسيرين العين ترى في (لليلي ) - وعندج بعد في المول أكيد في اشيا وايد بتعجبج ....

واذا عرفت أماكن ثانية بقولج ....

هلا اختي في بعد محل جلامور ..وايد حلو بس يمكن يكون غالي (شوي بس) ...وفي عندج بعد جيبون ...

والله يسعدج الغالية ....

مشكورين حبيباتى يزاكم الله خير ... انا سمعن عن جلامور حلو بعد بسير

اطالعه ان شا ءالله يعيبنى انا مشكلتى مشكله انى ما يعيبنى شى ذوقى

صعب لكن ان شا ءالله اشوف الى يعيبنى يدخل خاطرى مشكورين

الغاليه عندج في بوظبي مول ما أدري شو أسم المحل و الجعيدي فساتينه حلوه و عندج فتوح الخير ماركس الدور الثاني بس غالي شوي و اتمنى اني اكون افدتج:o:o

السموحة منج بنت بلادي توني بس شفت الموضوع الغالية...:o
أفا عليج وليش ما نساعدج؟؟ يكفي اسم أبونا المرحوم الغالي في عنوان الموضوع...:confused:

شوفي حبيبتي في بوظبي سمعت وحدة من ربيعاتي تمدح محل اسمه vicci في المهيري سنتر في شارع الخالدية..بس أنا ماجربت أتعامل وياه ولا شفت موديلاتهم..

وفي دبي فيه محل اسمه دار المصممين اللبنانيين في مركز وافي الطابق الأول عدال محلات جاشنمال... ييب موديلات جاهزة من لبنان وبمقاسات وايد وأسعارهم من 4000 وفوق..
وفي محل ليلي فالي في بناية مجابل السيتي في دبي بس أسمع عنه ولا قط جربته...

وانشالله أفدتج وبيفيدونج بعد البنات أكثر..تحياتي لج:smile:

انا دشييت بس لاني شفت اسم ابويه زايد الله يرحمه
والبنات ما قصرن ويااج :smile:

انا سرت وايد محلات منهم اللي ذكروهم البنات بس انا أنصحج بمركز الشاطئ اللي في دبي ... أحلى شي مقاسات الصغيرة وايد روعة موديلاتهم ...

و ان شاء الله اتحصليين الله يدخل خاطرج


الله يرحم بابا زايد :confused:

يزاكم الله خير بنات بلادى ما قصرتو نخدمكم فى الافراح ان شا ء الله

أفا ...

كيف ما نرد عليج والغالي اسمه عالموضوع..

بدبي مول اللي بويه ستي سنتر محل لعقل فقيه فساتينه كل واحد يقول الزود عندي.. ههههههه بصراااحه رووووعه

وموشجان اللي في بن سوقات بعد فساتينه حلوه..

والميجا مول بعد فيه كم محل حلووين فساتينهم..

وبس..

فديييت زايد والله الله يرحمه يارب ترحمه وتغفرله يارب ...

ماشاء الله البنات ماقصرن ... وأنا من فتره سرت البستان وجفت في محل غواني للعبي وفيه فساتيين بعد بس كمن فستان حلو مب كلهم ... بس مادري إذا فيه الحين مجموعه يديده سيري وخذيلج لفه على المحلات وبتلقيين إن شاء الله إللي يسرج ...

مرحبا
انا عندي نفس المشكله و ذوقي صعب و ناوية اسير البستان و بعد يمدحون مركز المنال فدبي يقولون فيه فساتين سري و شوفي بس يقولون ان محل عقل فقيه غالي وايد يعني من 4000 و فوق مادري هل صحيح هالكلام ولا لا و اذا حصلتي خبرينا
وعلى فكرة في بنات يأجرون فساتين انا ناوية اشوف عندهم خاصه هالبنات اللي عندهم فساتين عرس للايجار

انا دشييت بس لاني شفت اسم ابويه زايد الله يرحمه
والبنات ما قصرن ويااج

مرحبا الغاليه


انا اعرف محل بس في الشارجة مب بوظبي يمكن بعيد عنج


يبيع ويأجر فساتين اذا حبيتي بخبرج!!!

انا ماسرت المحل بس شفت الكاتلوج وعيبتني فساتينه

الله يرحمه ويغفر له

وانشالله البنات ما بيقصرن وياج

الله يوفقج

ينقل لركن استفسارات الازياء