الدجاج بالكاري امممممممم و لا الذ

d

daisy_hibo

عروس مشرقة

02-02-2005 | 12:22 PM

هلا عزيزاتي اشلونكم انشالله بخير و كل شي تمام
المهم انا بدخل في الموضوع على طول معاي طبخه تجنن جربوها و ما راح تنسونها

المقادير :

دجاجه مقطعه الى 8 قطع من دون جلد متبله بالملح و الفلفل الاسود المطحون
2 بصل متوسط الحجم مقطعه جوانح
4 فصوص ثوم مدقوقه مع ملعقة زنجبيل طازج
3 طماطم مقشره و مفرومه
كوب حليب جوز الهند
فلفل حار حسب الرغبه
ورق غار طازج
ملعقة ملح
فلفل اسود مطحون حسب الرغبه
2 ملعقة مسحوق الكاري
3 ملعقه زيت نباتي

الطريقه :

(1) تجيبين القدر الي بتطبخين فيه و تحطين فيه الزيت و تحمرين قطع الدجاج مجرد تحمير بسيط لا تقلينه تحملي .
(2) تشلين الدجاج و تحطين البصل مع الثوم و الزنجبيل و تشوحينه على النار لين ما يصير لون البصل ذهبي تحطين الملح و الفلفل الاسود و مسحوق الكاري و تحركين لمدة دقيقه .
(3) صبي حليب جوز الهند و حطي الدجاج و الطماطم و ورق الغار و الفلفل الحار وقلبي شوي
غطيه و خليه على نار هاديه لين ما يذوب الطماطم و ينضج الدجاج .
* ملاحظه :
ممكن تزيدين كمية الحليب من كوبين الى ثلاثه على حسب الكميه المطلوبه.

كذلك بالامكان تغيير الدجاج بالربيان او سمك الكنعد .
و ممكن تقدمينه مع الخبز الايراني او مع الرز .
امانه الي تجربه ترد علي
و صحتين

بصراحة منقولة و جربتها و طلعت اممممممممممممم:up::up::up::up::up::up::up::up::up:

ح

حـــمـــده

عروس ماسية

02-02-2005 | 02:16 PM

السلام عليكم ورحمة الله وبركاته

غاليتي daisy_hibo

كيف الحال.. عاش من شافك ..

حبيت اشكرك على وصفة الدجاج بالكاري..

ويا هلا فيكِ....

d

daisy_hibo

عروس مشرقة

02-02-2005 | 04:27 PM

وعليكم السلام ورحمة الله وبركاته

تسلمى احلى عيون:cool2::cool2::cool2::cool2::cool2::cool2:على السؤال انا هونى حبيبتى بس صار لى مدة مشغولة شوى بجهز لعرسى حبيبتى ادعى لى بتيسير الحال

هذة الوصفة بتستاهل فمك:up::up::up::up: جربى و جولى لى