سؤال لعرايس قطر عن فستان العروس

السلام عليكم ورحمة الله وبركاته


بغيت أسال عن محلات تشتري فستان العروس؟

فياليت اللي سمعت أو باعت فستانها تقول لي على اسم المحل وأكون شاكرة لها..

خصوصا أن عندي فستانين!!

مفصلتهم عند(دار لارا للأزياء الراقية) ،من تصميم: (مدام نوال)


الأول فستان عرسي:
قيمته= 15000
ببيعه= 7500
هو فخم وموديلة حلو وايد والشك منثور على الفستان كله وهو 3 طبقات نهاية الطبقة الأولى والثاني دانتيل مشكوك، واليد مشكوك بكرستال نثر وعند الكوع دانتيل مشكوك و واليد طبقتين نهايتهم أقواس مشكوكة شك ناعم،
طبعا اليد شفافة لأنها تور بس ، وعند الصدر دانتيل على شكل دائري يعني شوي يطلع الكتوف، وبالنسبة لنفشته فهو نافش وله ذيل بعد ياخذ من نفشته، يعني استايلة فرنسي.(معاه طرحة مشكوكة على شكر أقواس من الأمام)

الثاني فستان أبيض بس فصلته كمفاجأة لزوجي:
قيمته= 7000
ببيعه= 3500
هو ضيق لين فوق الركبة شوي وبعيد نافش وله ذيل نافش، وفي فتحات من التور عشان يزيد نفشته من عند الركبه، وهو كت وحركته عند الصدر على شكل قلب وفوق تور لين الرقبة وطوق على الرقبة من التور مشكوك عند الرقبة على شكل ورد وأغصان، وهو بدون أكمام.
ملاحظة: لبسته بس ثلاث ساعات!! وتوني مفصلته مامر علية غير أسبوع!!

فياليت أي وحدة تعرف او حتى سمعت عن محل أو وحدة تشترى تفيدني في أسرع وقت..
وجزاكم الله خير