صديقتي سارقه(مشكله ارجو منكم حلها)

هلا اختي

صحيح مثل ما قلتي صديقتج هاي عندها عقدة او مشكلة و صدقيني هي يمكن تسوس هالشي من دون ما تحس ..

انا مريت بنفس الحالة ..كنت اسكن بالجامعة و وفي نهاية الاسبوع الأول لي بالسكن نزلت البيت يوم رديت الغرفة الا احصلها فاضية كل اغراضي انسرقت:eek2::eek2: و اللي سرقتني بنت من نفس الجناح:down: البنات عقب خبروني عنها ، وهي كانت شبه منطوية على عمرها يعني لا صديقات لا اول لا تالي ، بعد سلسلة من السرقات اللي قامت بها واللي دايما تنكشف فيها ، بدينا نحن اللي في الجناح نقربها مننا لحد ما صارت صديقتنا !!! و بدت تاخذ من اطباعنا (الحب، التضحية،و و ....) و استحت من اللي كانت تسويه قبل ولا عادت له لحد ما تخرجت:up: ،،،

ربيعتج هاي يبيلها حد يخرجها من اللي هيه فيه ، يعني يبيلها قلب كله عطف وحنان لانها اكيد فاقده هالشي ببيتهم ، حاولي تتقربين منها شوي شوي و تخليها تاخذ من اطباعج الزينه و انشالله بينصلح حالها..:think:

مسكينه صراحه ماعندي حل:down:

ممممم ولا أنا عندي حل ؟؟؟:down:

حاولوا ماتحسسوها بالفراغ وانها بروحها

أنا أحزن على مثل هؤلاء الأشخاص ..



لأنه يعتبر مرض .. لايمكن الخلاص منه ..


أتذكر عندما كنت في الجامعة ، كنا نسمع عن سرقة الموبايلات ، وخصوصاً وقت الامتحانات .. وكانت أيضاً تنسرق الحقائب ... وهكذا ...
وفي يوم من الأيام ،وبينما كنا نمتحن الامتحانات النهائية .. يتم الكشف عن الفتاة .. وإذ تكون زميلتي :eek2::eek2::eek2::eek2:

طبعاً أنا انصدمت آآآآآآآآآخر انصدام بها ، والكل انصدم منها :eek2::eek2:
الصراحة لم نكن نتوقع أبداً أن تكون هذه الزميلة المرحة الحبوبة ...

ولكن للأسف انكشفت على حقيقتها ... وطبعاً ماتتخيلي كيف أصبحت نظرات الطالبات لها .. وكيف أصبحت سمعتها في الجامعة ..


صدقيني عزيزتي ، صديقتك هذه لن تتوقف ، حتى يتم فضح أمرها .. عندها سوف تأخذ درس في حياتها لن تنساه ..

لأنكم لو أخبرتوها ، ممكن أن تزعل منكم وتعمل لكم مشكلة بإتهامها ، وخصوصاً لو أنكم لاتملكون أي دليل ضدها ..


والله الهادي ..

عزيزتي بالفعل مشكلة مزعجة الواحد أحيانا يحس نفسه عاجز عن حلها

لكن مثل ما قالت الأخت فراشه الحب حاولوا تقربونها منكم وتعوضونها الشي اللي ناقصها ولا تحسسونها إنكم تعرفون اللي تسويه

وهي بالنهاية صج بتفتشل من عمرها وبتبطل سرقة ونصب

الله يهديها والجميع

الله يهديها ويصلحها

الله يشفيها يا رب

بصراحه أنا اعاني من نفس المشكله بس أنا للأسف ما قدرت احل هالمشكله فابتعدت عن ربيعتي لانها صارت تحرجني لدرجه انها سرقت ملابس ربيعتنا وتطلب من اللي تعرفه وما تعرفه من ربعي قروض هي مو قادره ترجعها ليما اشتكوا لي ربعي وخيروني بينها وبينهم علما انها حالتها الماديه زينه ومصروفها اكثرمن مصروفنا كلنا بس أنا مو عارفه هي تبي الفلوس ليه...