ما هي الأسباب التي تدفعك للزواج.....!!!

السلام عليكم ورحمة الله وبركاته

انا يجيني نفس الاحساس مرات
بان الزواج مسؤليه كبيره وايد

بس في الزواج استقرار و اكمال نصف الدين

هذا اللي عندي

:smile:


يا ريت المتزوجات والمخطوبات يفيدونا

ما هي الأسباب التي تدفعك للزواج.....!!!


أعرف انه سوال بـــــــــــــــــــايخ و سخييييييييييف
بس و الله اطرحه على نفسي دايما

خصوصا اني على وش جواز (فيه واحد متقدملي بس ما رديت ) بتسالوني ليش ,,,,
هوه خيرة الشباب مثل ما خبروني
المشكـــــــــــــــلة؟؟؟؟

اني ما لي خاطر في الزواج و لاني افكر فيه
انا عايشه حياتي جيه حرة بس محترمة، ما عندي علاقات مع الشباب ولله الحمد,,

كل ما افكر في الزواج افكر انه هموم، الوحده نفسها و مب متحملتها بعد تتحمل زوج و اولاد وبيت ووووو.....

المهم ،،،

ابغيكم تعطوني اسباب حقيقية دفعتكم للزواج ؟
لا تقولون هذي طبيعة و سنة الحياة، لاني مقتنعه بهالكلام بس مب حاسة فيه،،،



فهمتوني لاني تعبت من الشرح..


__________________

[CELL=filter: glow(color=black,strength=13);][ALIGN=center] السلام عليكم ورحمة الله وبركاته

اولا

مبروووووووووك والله يتمم عليك بخير ان شالله

انا مثلك مو متزوجه ولا مرتبطه باحد

بس مادام جا النصيب ارضي بيه

وعسا ان تكرهوا شيئا وهو خير لك

يمكن هالزوج يريحك وتتهني معاه

في اشياء كثيره تقدري تسويها مع زوجك وماتقدري تسويها بروحك والزوج ستر على البنت


اول شي تسويه استخيري الله

وماخاب من استخار

والله يوفقك

طمنينا يوم بتتاخذي القرار

انتظرك:smile:[/CELL]

السلام عليكم ورحمة الله وبركاته

:pain:

كيف موضوعين نفس العنوان!!!

السلام عليكم ورحمة الله وبركاته

انا فى رأيى ان الفتاة بتدعو الله ان يرزقها الزوج الصالح الذى يتقى الله لكى يحافظ عليها وكمان عشان يعينها على طاعة الله وحسن عبادته وكمان عشان يرزقهم الذرية الصالحة ليكونوا اسرة مسلمه

"ربنا هب لنا من ازواجنا وذرياتنا قرة اعين واجعلنا للمتقين اماما"

مشكورات خواتي على الرد



صحيح ان الريال ستر على الحرمة ....
بس انا ابغي شيء او دافع قوي يخليني اقبل عل الزواج بنفس مفتوحة

لاني و لله الحمد مرتاحة في حياتي بروحي و ان من النوع اللي ما احب اي حد يتدخل في خصوصياتي ...

ما اعرف ،، شو رايكم

عطوني اسباب ؟؟؟؟ :think: :think:

فراشة الحب

انا كنت مثلك اقول وش لي بالزواج عايشة على راحتي اروح واجي وبلا مسؤوليات وعايشة في عز ابوي

المهم

كل ما تقدم لي احد قلت لا تو الناس بعدني صغيرة

بس لمن جا لي زوجي ( اللي هو زوجي الحين ) حسيت بارتياح غريب ونسيت فكرة الحرية والراحة والدلع

والحمدلله صار لي سنة وشهرين ومرتاحة و احس ان فكرتي عن الزواج كانت غلط

بعدين الواحد او الوحدة تفكر في الزواج عشان تكون لها حياة خاصة وتكون اسرة وتصير ربة بيت مسؤولة عن زوج وبيت وأولاد عندي بيتي اللي اتحكم فيه و اغير فيه على كيفي وعندي انسان اكبر واعجز معاه بعد عمر طويل

يعني مو معقولة في احد يبي يظل في بيت ابوه للأبد لأنه لمن يكبر خلاص ما راح يرجع صغير ويلاقي ناس تهتم فيه وتراعيه

صحيح الحياة الزوجية صعبة في البداية بس الوحدة لمن تلاقي انسان يفهمها ويساعدها راح يسهل عليها اشياء كثير

الأولاد مسئلة ثانية يعني كل وحدة اكيد تحلم انها تكون ام ويكون عندها بيبي لها وحدها قطعة منها

للحين ما جربت الامومة بس اتوقع انها متعة بحد ذاتها

اتمنى الاخوات يشاركونا

تحياتي

عزيزتي :

الأسباب متعددة وكثيييييييرة للتفكير بالزواج ..

وكل شخص له سبب معين للزواج ...


مثلاً :
بالنسبة للنساء :
اللي تبي تتزوج عشان تنستر ..
واللي تبي تتزوج عشان تجيب أولاد ..
واللي تبي تتزوج لأنها فشلت في علاقة حب ، وتبي تتزوج عشان تنسى..
واللي تبي تتزوج بسبب ظروف أهلها المادية الصعبة ..
واللي تبي تتزوج لأنها تحب شخص معين وتبي تقضي باقي عمرها معاه..
واللي تبي تتزوج لأنها تبي تخلص من المشاكل مع اخوانها ...
واللي تبي تتزوج لأن فاتها قطار الزواج ..


وبالنسبة للرجال :
واللي يبي يتزوج لأنه يبي أولاد يحملون اسمه ..
واللي يبي يتزوج لأن أهله يطلبون منه الزواج لكي يفرحوا فيه ..
واللي يبي يتزوج لأن هذه هي سنة الحياة ..



يعني حبيبتي هناك أكثر من سبب للزواج ... وكل واحد هو حٌر في اختيار سبب للزواج ، تبعاً للظروف التي يمر فيها الشخص ..

إحنا مانقدر نقنعك بالزواج ، مادام انتي مو مقتنعة في الفكرة ..
وشوفي انتي ايش السبب اللي ممكن يكون أقرب لكي عشان تفكري بالزواج ... وامشي عليه ..

انشاءالله أكون ساعدتك في موضوعك .. والله يوفقك يارب ..:shy:

لين متى بتمين مرتاحة على هالوضع....؟
كل الي حواليج بيتزوجون وبتكون لهم حياتهم الخاصة وبينشغلون عنج ..
امج وابوج اللة يخليهم ما بيدومون لج بقوتهم وصحتهم..
انتي شو الهدف من عزوبيتج...؟
ما تتمنين يكون عندج بيت انتي ملكتة..ما تتمنين يكون عندج طفل جميل يحوز على حبج واهتمامج..؟

اذا كانت اجابتج بالنفي وعدم الاكتراث لم سبق انصحج بعدم الزواج, لانج غير مستعدة للتغير الي بيحصل في حياتج.

بسم الله الرحمن الرحيم

السلام عليكم ورحمة الله وبركاته

واضح من كلامك اختى الحبيبة انك لسه صغيرة بالعمر لأن الأسباب اللى قلتيها الدلع والحرية هذه بتكون مرحلة عمرية قصيرة جدا فى حياة كل بنت
وإذا كانت موجودة الآن مش هتكون موجودة كمان فترة . بتحسى ان العمر عدى وكل انسان اصبحت له حياته الخاصة مشغول بها ووالديك الله يحفظهم لك ويعطيهم الصحة وطول العمر مش هيبقوا لك للأبد

حبيبتى الزواج سنة من سنن الأنبياء والمرسلين وجعل الله تعالى فيه مودة ورحمة وسكن للأزواج بعضهم لبعض

اتمنى تكون فكرتى وصلتلك والله يوفقك لما يحب ويرضى ويقدم مافيه الخير لك ولكل بنات المسلمين يارب

هل انتي ما تفكرين في الزواج بالمرة ولا بس لمدة معينه أقصد حاليا؟!!!

اذا اختيارج كان للإجابة الثانية .. انزين فكري في الشاب اللي طلب ايدج اذا هو راعيها توكلي على الله.. لأن مصيرج بيكون الزواج ويمكن ما تلاقين احسن عنه عن هالريال

وبعدين انج تكونين زوجة ولج كلمة وتصيرين ام يعني هاي كلها مشاعر فطرية :smile:

انا كنت افكر بنفس طريقتج


يعني عايشة مرتاحه و متهنية اببيت ابوي


طلباتي اوامر


ما احاتي تنظيف و تشطيف و كوي و غسال


حتى كوب الماي اطلبه :pain:


يعني دلع بدلع


بس



و بعدين؟؟؟



ليمتى بنظل عايشين بهالدلع



مردنا بنكبر و بيتغير الحال و نلتفت حوالينا إلا الكل مكون اسرة وعايش مع شريك حياته و عياله اللي بيكونون اسنده لين يكبر و يتقدم فيه العمر


امج و ابوج لو معاج الحين ما راح يكونون معاج تالي (بعد عمر طويل)


و اخوانج و خواتج راح يلهون بحياتهم و ينسونج لا اراديا


محد راح يبقالج غير زوجج و عيالج



لا تظيعين هالفرصة من ايدج اذا الريال خوش ولد



استخيري ربج هو ادرى بمصلحتج و انشالله يكون من نصيبج و نفرح فيج يااارب


و عأبالي و كل العزوبيات يارب:cool2:

السلام عليكم ورحمة الله وبركاته الاخوات ماشاء الله ماقصروا بس حبيت اضيف اضافة بسيطةهي كل امراة في بداية عمرها هدفها التفوق في الدراسة والعمل والحرية وغيرها من الاهداف وتقدر تحققها بس الهدف الرئيسي الي نتايجه مستمرة هي كونها اما ناجحة في تربية اولادها وراح تلمس هذا النجاح طيلة حياتها والسموحة على الاطالة. الله يوفقك على اختيار الزوج الصالح.

:D2 بحب اضيفلك عكلام الصبايا شي انو لما تتزوجي وانشالله يارب يطلع زوجك ابن حلال بتحسي في حدا بيهتم فييكيي ممكن حياتك تسير اكتر دلع غير هيك بكفي عاطفة الامومه اللي حتحسي فيها حتسي انك عايشه لناس وحتربي ناس والجنه تحت رجليكي ولو سارلك شي حتسحي انو في ناس كتييييير حوليكي محتاجينلك وخايفين عليكي وبححبووكي انا بنصحك اتزوجي بس صلي استخاره بالاول وادعي الله يوفقك وبتمنالك السعادة

مشكورات خواتي عالمشاركة

و الله ان كلامجن مقنع وااااايد و خصوصا اختي "ســــارونة " فعلا قدرتي تقنعيني و كلامج دش قلبي على طول ....

انشالله انا بصلي استخارة كمن مرة و بشوف .. و اللي الله كاتبة بيصير ...


و ارد و اشكر كل البنات اللي شاركوني في حل مشكلتي ...