بنات الخليج وخاصه بنات قطر ابغي مشورتكم في زواج اختي

[CELL=filter: glow(color=black,strength=16);][ALIGN=center]تبين راينا بصراااحه
انا راح اتكلم عن رايي
بكوني بنت بلادج وهاي الشئ نعرفه في الدوحه من زماااان انه لازم ملجه اول
مستحييييل البنت تقعد مع الريال بدون ملجه
ويصير من بينهم سوااالف وحجي وقعدات وزيارات وتليفونات هاي كله من غير ملجه مب حرااام اسمحيلي لو قلت لج انه هاي من الحرااام بنظري انا وبنظر الاسلام
مادري اذا سمعت برنامج عقيل الجناحي
مره جاب شيخ سعودي ومصري (والله نسيت اساميهم كنت اعرف )
المهم تكلموا عن البنات من نوع اختج اللي يبون يقعدون مع الريال 3 او 5 شهور علشان يتعرفون عليه اكثر لانهم خايفين يمكن يطلع مب زين او شين
تدرين ايش قال
قال حرااااااااااام
لانها تقعد مع ريال مب حلالها على اي اساس تقعد معاه
على اساس انها تبي تتعرف عليه وتخاف على حياتها ماتخاف من ربها

وبعدين صدقيني والله مع مرور الايام لازم ريلها بيعلق على هاي التصرف وماراح يحبه ابد وهي اللي راح تكون خسرانه من النتايج اللي راح تطلع في زواجها منه

وابوه مب راضي لانه مب من عاداتنا
معقوله الابو والام بيخلون ولدهم قاعد ويسوالف مع وحده ماترتبط له بشئ لا عقد زواج ولاشئ
صدقيني كلثم انهم بياخذون فكره عليها وراح تندم والله

مافي اهل ولا ريال يرضون هاي الوضع الغريب

وكلنا عشنا مثلكم ملجه عقب خطوبه عقب زواج
وانا منهم والحمدلله ريلي احسن واحد اشوفه في حياتي الحمدلله

نصيحتي اختي كلثم
اذا اختج تمت على هاي الحال بتضيع على نفسها ريايل مافي احسن منهم ويستحقون انهم يكونون ازواج بمعنى الكلمه
لانه مثل ماقلت لج مافي شاب قطري يرضى هاي الوضع والا اهله اللي تربوا على عادات وتقاليد للحين احنا ماشين عليها

وخل تشيل من بالها ربعها اللي متغربلين مع ازواجهم
لان اصابعنا مب سوى
وكل مره تقدر تغير الريال
واللي سمعته من ام زوجي ان المره تقدر تجدد شخصية ريلها وكانه طفلها تربيه وتغير كل شئ مب حلو فيه
وانا اعرف وايد امهات ريل مستغربين من اعيالهم اشلون تغيروا من بعد زواج الى الاحسن وكل هاي من المره

معليش طولت عليج
لاني اتمنى كل بنت تتزوج ولا تضيع اختج فرصتها وتخرب على نفسها
انصحيها
والله يوفقكم ياااااااااااااااارب

[/CELL]

مشكورة حبيبتي ملاذ:clap::clap: وكل كلام اللي قلتيه قلته انا وخواتي واكثر منه لكنها عنيدة وتعبت منها لين والله مرة وانا اكلمها صحت:confused: بس امي صرخت عليها وقالت لها تمي بدون زواج احسن ماتفشلينا :pain:

اللحين احنا عطيناهم اسبوعين لين مانرد عليهم بالموافقه وبنسكت عنها كم يوم وبنشوف اخرتها :pain::pain:

[CELL=filter: glow(color=black,strength=16);][ALIGN=center]الله ييسر لها كل امورها يارب [/CELL]

كلا مي مثل ملاذ بالضبط:smile:

كيف ملجه وبعدين خطوبة ؟؟؟؟


الخطوبة اولى مراحل الزواج وتكون كلقاء بين عائلة الخاطب وعائلة الفتاة وبعدين الملجه وهي عقدالقران

ثم حفلة الزواج للاشهار

عندي نفس سوال نووسة..كيف ملجة بعدين خطوبة...؟

بعدين هي اذا تبغي تعرف الخير في العريس تصلي استخارة , وعليكم تساعدونها بالسوال والتحري عن العريس.. في العمل و والحي, والمعارف.

وبعدين ممكن تشجعون الوالد يعزم الريال بروحة ويحاول يحاورة بس قبل لازم حد منكم يسال اختج شو الاشباء الي هي خايفة انها تكتشفها بعد الزواج (وممكن تكتشفها الحين لو قابلت الريال وكلمتة) وتخلون الوالد او اي حد من الاخوان او ازواج خواتها الي ممكن تثق برايهميكلمة فيها..وبعدين هي تعرف الي تبغية عن طريقهم.

عموما اذا فية لها طلبات ثانية ما تقدرون تنفذونها لانها بتسي لها او لكم وكلنا نعرف هالامر في المجتمع الخليجي, لاتطولون لها السالفة وقولو لها الوالد موافق وانتي بعد موافقة فمالة داعي ترفسين النعمة وفكري عدل قبل ما تتخذيين اي قرار تندمين علية بعدين لان في بنات وايد يتمنون يتقدم لهم عريس بهالمواصفات الطيبة عشان يتسهلون وهي تضيع على عمرها.

حاولوا تضربون لها امثلة من خلال زيجات ناجحة بدون تعارف شخصي مباشر بين الزوجين ومع ذلك هم مرتاحين.

كيف ملجة وبعدين خطوبة

اللى نعرفة الخطوبة اول وبعدين الملجة وبعدين الزواج اى الاشهار

الله يوفقها

هلا بنات فيكم كلكم وتسلمون على ارائكم:clap::clap::clap:

خواتي:smile: احنا بقطر شخص يتقدم لوحده يقعدون الاهل ويسئلون عنه وبعدين اذا تبغيه يتفقون ويملجون وبعدين يسون حفله خطوبه وبعدها حفله الزواج هاي اللي عندنا بقطر :up::up:

واختي كلمتها واللحين مخليتها بروحها:up: لاني ماابي اظغط عليها لاني اعرفها عنيدة :down::down:

اللي تقصده بملجه وبعدين خطوبه

ان اهل المعرس والعروس يتفقون على الزواج عادي وبعدها الملجه وبعد الملجه مو على طوول يسوون عرس لا

ينتظرون شهر شهرين وبعدين يسوون عرس

انا اختي جذيه

بس في ناس ما يرضوون تطلع وياه او يشوفها مع ان مالج عليها


حتى بالكويت فيه جذيه مو بس بقطر

واختج اذا تبي تعرف الريال اهلج يسالون عنه وبعدين يصير يقعد معاها مره وحده تكلمه ويكلمها ويكون اهل المعرس والعروس موجودين

لا تعاند وايد ترى العناد ماراح يفيدها بشي

والله يوفقها انشالله :smile:

مشكورة حبيبتي الشوق على كلامج :clap::clap:

اصلا احنا ابوي مايرضي حتي لو ملجنا مافي طلعه بس يزورنا هو واهله لكن طلعات مافي بعد العرس على كيفج :D2:D2

واختي مخليتها على يفها عشان تفكر على راحتها:pain:

طيب اسمعيني

ممكن نعمل الحل الوسط اللي بين هالآراء كلها

أنا طبعا رأيي من رأي ملاذ وهذا الأصل وهذا الطبيعي

لكن لو بغت هي تمشي اللي براسها .. ففي الدين شيء يتفق نوعا ما مع ما تريد

يعني العادة الرجل لا يرى زوجته قبل الملجة إلا بالصور ولا يتفقون في مكان في السوق ويشوفها من غير ما تعرف .. يعني هذا اللي دارج وهذا اللي العادات والتقاليد ماشية عليه

لكن الحل الوسط في الدين ييجي حياه الله يقعد معاها وهي كاشفة وجهها من غير مكياج ومعاها الوالد ولا الوالدة ويتكلمون بكل ما تريد

ولها أن تعيد هذه الجلسة مرة ثانية فقط ولا تزيد إذا خطر ببالها أي شي ما سألته اياه في المرة الأولى وبوجود أخوها أبوها أمها .. المهم مش بروحهم

وطبعا أصلا هالقعدات ما تم إلا إنكم ساءلين عنه وعارفين طينته وأصله من فصله ومطمئنين له وتتم هالجلسات علشان ترتاح نفسيا

بعد المرة الثانية ما يحق لها تجلس معاه (حسبما سمعت رأي الدين من جهة معينة) حتى وإن كان مع المحارم (على أنه في بعض البلاد يخطبون ويجلسون مع الأهل لمدة سنة لا تخرج معاه ولا تجلس معاه لوحدها ولا تضع مكياج وإن كانت منقبة تبقى منقبة حتى عقد القران)

بعد هالجلستين تقعد مع نفسها وتفكر وتحلل وتضرب لحالها أخماس في أسداس على كيفها ولازم تطلع بقرار طبعا بعد الاستخارة

إما إي وتملج وتقعد وياه على راحتها لي العرس ولا ترفضه وهي حرة ساعتها تستحمل نتيجة قرارها

هذا اللي عندي وأتمنى لها التوفيق

أول شي أحب اأكد راي أختي ملاذ

ثاني شي أختي وش رايج لو أن الرجال هو الي ما عجبته أختك

أنا ما قلل من شانها لكن أفترض فرض لازم تعرفه أختج وتعمل أحسابه

هذي الفترة مش من حقها هي وبس الي تختبره فيها لا هو بعد له الحق

وبالعكس الأمر في الانفصال و البعد في هذي الحالة راح يكون أسهل عليه وهو وشو رجال ما يعيبه شي

لكن العيب بعدها راح يجي بأختج إذا أحد فكر يرتبط فيها بعد هالموقف

اتمنى تفكر عدل وبلى هالتفكير الصغير واذا هي متعقده ليش تفكر بالزواج اصلا ألا ان هي شاكه في اعتقادها

والزواج قسمه ونصيب ،، وهي وش دراها ان هو مايعطيها القمر بيد والشمس بيد ويفرش لها الأرض حرير وبعد الزواج يطلع شي ثاني

عزيزتي مهما كانت علاقتها بأي شخص صدقيني ماراح تكتشفه عدل الأ بالمعاشره
وأخيراً أتمنى لها الهدايه

اختج فرس

هلا اختي

الله يوفق اختج يارب ويطرشها لهاالزوج الصالح يارب

بس اتعرفين مهما كان اي شخص ما تقدر تفهمة او تعرفة في شهر او شهرين الا بالعشرة :s2العمر

احسن شي الاستخارة

مشكورين خواتي على كلامكم الجميل صراحه وراح اقولها وان شاءالله يفيد

مرحبا
شخبارك اختي كلثم
طمنينا عن اختك وش صار معاكم
مدري ليش مكبرين الموضوع
عادي اذا قعدت معاه قبل الملجه وخصوصا اذا كان من الاهل
يمكن انه حرام بس تقعد معاه هلك مش بروحهم
احنا عندنا بالعيله كللللللللللللللللللللللللللللللها يقعدون قبل الخطوبه ومش لازم كل العالم يعرفون انه جاكم وقعد معاكم


هي مصره على رايها واذا هو ولد خير انشاءالله بترتاح له
خلو ا الموضوع بينكم
وممكن بس هو الي يعرف ويجيكم ومش لازم كل ه اهله يعرفون
وحتى ممكن تشوفه في بيت وحده من خواتج وزوجها يكون موجود
ليش مكبرين المووضع ومأزمين البنت
الوضع سهل ويا كثر الناس الي يقعدون قبل الملجه ويصير بتفاهم وممكن بدون ما هلج يدرون لجل وضعهم ورزتهم وكل هالسوالف وكلام الناس
اخوانج ولا خاوتج يدبرون الوضع عااااااااااااااااادي ولا راح يتكلمون الناس ولا غيره والدنيا صارت سهله
وموفقين يارب

هلا حبيبتي نور مشكورة على مشاركتك :clap::clap:

بس اختي ماتبغي اسبوع اسبوعين تبي شهر على اقل تفاهم معاه وان كانت ارتاحت معاه تملج وان كانت ماتبغيه بتقول مع السلامه

اول شي اهله من كلامهم موراضيين :down:
وابوي معصب ومتضايق وامي مضايقه منها :down:
واختي بقولج عن تجربه ريال مايطلع منه شي الا بعد زواج صدقيني
يعني قعدت شهر شهرين بيكون احلى منه مافي وبعدين الله يستر :down:

بقولكم ليش اختي متعقدة وتبي تم بدون ملجه عندها صديقتها الروح بالروح من ايام ابتدائيه وهي بنت جيرانه بس معاها اكثر منا لين وصلوا جامعه البنت املجت وتمت 6 شهور اكتشفت ان ريلها مغازلجي كلمته اهلها كلموه مافي فايده حاولت معاها بشتي الطرق دوم تتصله كل انتظار ان راحوا مطعم مايخلي وحده والا وقزها اطلبت طلاق مااستحملت المهم بعدها خطبها حد من اهلها هالمرة اسئلوا عنه لين ماقالوا بس ولما املجت طلع واهله مايدرون متزوج بحرينيه وعنده اعيال لمده 5 سنوات ولانه ماشاءالله عليه غني وعنده محلات وكان دوم يسافر البحرين فمحد شك فيه و تخيلوا حتي اخوانه مايدرون وبالصدفه البنت اللي معاهم بمقرر في الجامعه تخيلوا الله يبي يفضحه كانت معاهم بنت بحرينيه بمقرر الجامعه دوم تمدح زوج اختها وتقول اتمني الاقي نفسه بعد ملجه بشهرين ونص ودت رفيجة اختي صور خطوبتها لربعها بالجامعه البنت شافت صور واسئلتها عن اسمه وقامت تصارخ واطلعت وبعد 4 ايام شافوها وراحوا اسئلوها عن سبب قالت ان اللي بصوره زوج اختها

تخيلوا الصدمه كلمت اهلها وصارت عفسه واهلها ازعلوا وصارت مشكله كبيره وقالت خلاص بتم معاه حتي لو متزوج هي حتي كانت لم تجي بيتنا تقول انها يزورها ومايتكلم معاها ومايتصلها لانه مغصوب عليها هو ماعلم حد انه متزوج بحرينيه واهلها اغصبوه لانهم يبون يزوجونه

بس طلبت طلاق تخيلوا بنت بعمر الشباب تطلق مرتين مع انها يابنات جميله وحلوة واخلاقها عاليه فوق ماتتصورون لو كان اخوي اكبر شوي كان خطبتها له وناس ماترحم من بيتقدم لها اللحين مرتين تطلقت ومالها اي سبب في سالفتين

وبس اختي تعقدت من سالفه

واختي كلمنها وقالت عطوني افكر شوي وتبي نسال عنه من كل جهات وقلنا لهم عطونا مهله زيادة اخاف بعد يطلع فيه شي وتعقد اكثر

وبس سلامتكم

وراح ارد عليكم واطمنكم عليها

:smile: اختي كلثم

انا مع الاخت ملاذ باللي قالته

لانه بغض النظر عن العادات والتقاليد وان الوالد مايرضى هذا حرااااااااام

واختج المفروض يكون ايمانها قوي وتفكيرها كبير وتعرف ان

الاصابع مب سوى

واللي الله كاتبه لها بيصير بغض النظر اقعدت وياه والا لا

واصلا هي وشدراها انه طول الفترة اللي راح تعرفه فيه مابيتصنع

ومابيبين لها شخصيته الحقيقه يمكن كل اللي بيتصرفه معاها

تمثيل بتمثيل بس عشان يبين انه كبير بعينها

والمعرفه الحقيقه مانقدر نعرفها الا بالعشرة

الله يوفقك اختج

ونقطه اخيرة

لازم اختج تاخذ المحاذير الاجتماعيه يعني كلام الناس وان البنت ماتتختلي بريال الا الشيطان معاهم

وخل تحط في بالها دامها كسرت كلمت ابوها وسوت اللي براسها وهي طبعا راح تخبر الريال انها سوت اللي ابوها مايبغيه فراح ياخذ عنها فكرة غلط

وبيتم حاطها في باله مهما صار

الله يهدي اختج ويوفقها ويرزقها على قد نيتها

ومافيه احلى من ان الوحده تمشي على عادات وتقاليد بيتها

ولج التحيه حبيبتي

وسامحيني اذا طولت عليج :smile:

اختي العزيزة كلثم انه من رأيي ؟؟؟؟؟؟؟؟؟

انه اختج صادتها عقدة من صديقتها ؟؟؟؟

بس المفروض انها اتراعي الدين قبل العادات والتقاليد ؟؟؟؟

يعني ما يصح لها انها تتكلم وياه او تطلع وياه حتى لو بمحرم اذا كانوا خاطبين بدون عقد قران ؟؟؟

وبعدين حتى لو صار هالشئ اشلون بتكتشفه على حقيقته ؟؟؟

يعني الوحده بفترة الخطوبه واتم سنين واهي ما تعرف الزوج ويبين شخصيته الا بعد الزواج وبعد فترة بعد ؟؟؟؟؟

خلها تستعين بالله وتستخيره ومن استعان بالله ما خاب ظنه ؟؟؟

والسالفه نصها سالفة قضاء وقدر اذا الله مقدر لها شئ بيصير بيصير ؟؟؟


والله يهديها وينور لها دربها ؟؟؟

مشكورين بنات وحابه اقولكم اختي اقتنعت بالكلام بس كانت خايفه يصير لها مثل صديقتها لانها تعقدت من كثر اللي تسمعه وملجه بعد 3 شهور لانه مسافر ونبي نسوي حفله ملجه وخطوبه مع بعض

بس الصراحه اختي ماتنلام تخيلوا ريايل هالايام مافيهم ذمه وضمير من اسبوعين رحنا حفله ملكه من قرايبنا وطبعا ريال ماشافها من قبل تخيلوا دش ولما طلع ثاني يوم طلقها عذره انها مب حلوة ومااعجبته بذمتكم هذا يرضي مين؟؟؟؟ البنت طاحت عليهم ولين اليوم مرقدة بالمستشفي

ومن كم يوم سمعت سالفه من وحده من اهلنا بنت جيرانهم انخطبت واملجت وخلاص تم كل شي على خير قبل عرس باسبوع ريال طلق البنت ولا احد يدري بسبب ولكن اشهد ان بنت كنت اشوفها معانا بجامعه مستره وماتحط مكياج لدرجه سميناها خيشه من كثر ماتلبس وسيع واسود ثقيل البنت بغت تموت نفسيتها اتعبت لدرجه انها زادت 20كيلوا بشهر تخيلوا وناس ماخلوا كلام والا وقالوه عنها المسكينه قلبي عورني تميت اسبوع مانمت المسكينه كانت مستانسه ودوم تتكلم عن فستان ومكياج لدرجه انهلكنا من كثر ماتتكلم عنه

والله سوالف ريايل هالايام تشيب الراس وكل وحده املجت وبعد كم شهر تطلق